Lúkɑ́shi 1:7 - Kɑɑ Fí

⁷ Pɔ́p ŋ́kɑɑ mɔ́ɔ ɡẅɛɛ, mbíꞋŋɡɔ Lísɑpɛ kɑ pɔ́ ŋkɛ́n mɑŋɡɛ́, mbɔ pɔ́p pɛn mɔ́ ńdɛn.

Lúkɑ́shi 1:7 Σταυροειδείς Αναφορές

Ɛ́bɛlʉʉ 11:11

Ɛ́ kɑ fú pɔ nǔu pɑ́Ꞌ Sɑɑlɑ́ kɑ zɑ́pnɛ tʉ́m yɛ́ nǔu Sɛ́ ɡúu, ńzɛɛ ńtsʉ́Ꞌ ḿbɔ́ pɔ ndʉ́m tɛꞋ lɑ́, Sɛ́ kɛ́ ŋ́ɡɛ jʉ́ ẅi ɑ ŋkɑɑ pí pɔ́ shuŋ, ŋ́ɡɛ ḿbí mɔ́ɔ mbíꞋŋɡɔ ɑ kɑ pɔ́ ńtsuŋ ńjí ŋɡɔ Sɛ́ kɑꞋ yúu mbɔ̌ ŋu ńdɑ́Ꞌ ŋ́ɡɑ́.

Pʉɔ-Lɔ́mɑ 4:19

Sɛ́ kɑ pɔ́ ńcú yɔ nu mbɔ̌ Ábɛlɛhɑ̂m ɛ́ tsʉ́Ꞌ pɔ mɔ́zʉꞋ ɑ ɡẅɛɛ ŋɡuꞋ ŋkʉ. Mbɔ mbʉʉ yɛ́ tɑŋ tɛꞋ. Nzwɛ́ wɛ Sɑ̌lɑɑ pɛn ńdɛn tɛ ḿbɔ́ yi ɛ́ kɑ lɑɑ ḿbɔ́ ɑ pɔɔ pɛn ḿbí pɔ́. Lɑ́ Ábɛlɛhɑ̂m kɛ́ mbɔɔ kɑ́ɑ nɛzɑ́p tʉ́m nǔu nu yi Sɛ́ cúnɛ pɔ́.

Lúkɑ́shi 1:5

Ɛ́ kɑ pɔ́ ŋkɑ́ yi Ɛlɔ̂dɛ m̄bɔ́nɛ fɔɔ-ŋɡɔ́ŋ-Jẅidɛ̂, Wɛcɔ́ nɔŋpɔꞋ pɔ́ ɡú, lík yɛ́ pɔ́ ŋɡɔ Sɑkɑlíyɑ, ɑ pɔ́ ŋɡɑŋfɑꞋ tsɛtsɛt pʉɔ pɛ́ Ábyɑ. Nzwɛ́ wɛ ḿbɔ́ yɛ́ ɡúu nǔu njẅɛt-Álɔ̂ŋ, tɑ́tndɑ́-pɑnɔŋpɔꞋ, lík yɛ́ pɔ́ ŋɡɔ Lísɑpɛ.

Lúkɑ́shi 1:6

Sɑkɑlíyɑ pɔ́p nzwɛ́ wɛ kɑ pɔ́ pʉɔ, ŋ́ɡẅɛɛ nɛpʉ́ʉ-Sɛ́ kwɑꞋ sʉ́Ꞌnɛ, ńzúꞋ ntsu-Sɛ́, ḿbɛn ŋ́ɡɛ pɔ yúu mi ɑ sɛ́ ŋ́kɔŋ tɛ lɔ́Ꞌ pɔɔ ńcẅɛt pɔ́.

Lúkɑ́shi 1:8

Ŋkɑ́ yi cúꞋlɛ-fɑꞋ yɛ́ pɛ́ Sɑkɑlíyɑ ńdɛ́ɛnɛ tɛ ŋ́kɛ́ ŋ́kuꞋ, ɑ pɔ́ ndɑ́-nɛnɔŋpɔꞋ Yɛlúsɑlɛm ḿbɔ́ ńnɔ́ŋ pɔꞋ.