Jɑ̂ŋ 10:32 - Kɑɑ Fí

³² Lɑ́ Yɛ́su pɛn ńcú mbɔ̌ pɔ́p ŋɡɔ: «Ŋ kɑ ɡɛ pʉʉ jʉ́ɔ mɛfɑꞋ sʉ́Ꞌnɛ tɛ ɛ́ zɑ́ɑ zɑ́ɑnɛ mi ɛ́ fúnɛ mbɔ̌ Tɑ̌ɑ mɔ, pʉʉ lɑk mɛŋɡɔꞋ nɛlɔk ńtɛ́mtɛ wɑ́ɑ ńjẅí pɑ́Ꞌɑ mbíꞋ yɛ́tɛ́ nǔu?»

Jɑ̂ŋ 10:32 Σταυροειδείς Αναφορές

Mɑtʉ̈ɔ 11:5

ɛ́sẅíi wɛ́ ŋɡɔ: Pɛfʉmík sɛ́ ńjʉ́ɔ zʉꞋ, pɑpʉ̈ɔ́Ꞌtɛ mɛku pɔ́ ńnɛn sʉ́Ꞌnɛ, ɡɑŋŋkɑꞋ pɔ́ ɛ́fíitɛ, pɛmbúꞋ-mɛtúutɛ́ pɔ́ ńzúꞋ zʉꞋ, pɛpfú pɔ́ ńjʉɔmɛ, pɛ́ sɛ́ ɛ́sɑ́Ꞌ Ŋkʉʉ sʉ́Ꞌnɛ nu-Sɛ́ mbɔ̌ pɛpúŋ.»

Jɑ̂ŋ 10:25

Yɛ́su pʉ̈ɔt mbɔ̌ pɔ́p ŋɡɔ: «Mɔ ńdɑ́Ꞌ mɔ́ ɛ́sẅíi wʉ́ʉ, lɑ́ pʉʉ pɔɔ ḿbɔ́ ḿbɛ́m pɔ́. MɛfɑꞋ mí mɔ sɛ́ ńdɔk lík-Tɑ̌ɑ mɔ ŋ́ɡɛ ńdɛꞋlɛ ŋu ẅí mɔ jʉ́.

Jɑ̂ŋ 10:31

Pɑyúdɑ pɛn ńdɑk mɛŋɡɔꞋ, nɛlɔk ńtɛ́mtɛ Yɛ́su ńjẅí.

Jɑ̂ŋ 10:33

Pɑyúdɑ tsɔ́Ꞌ mbɔ̌ wɛ́ ŋɡɔ: «Pɛk kɑ́ pɔ́ ńdɔɔ nɛlɔk mɛŋɡɔꞋ ńtɛ́mtɛ wú ńjẅí, ntɛ́ pɔ yɛcɔ́ fɑꞋ sʉ́Ꞌnɛ pɔ́, ɛ́ pɔ́ pɔ ŋɡɔ ɔ zɔɔtɛ Sɛ́. Gu ẅí ɔ pɔ́ pɔ ŋumɛsɔŋ, ɔ tsʉ́Ꞌ ńcú pɔ ŋɡɔ ɔ Sɛ́.»

Jɑ̂ŋ 10:37

N dɑɑ mbɔɔ fɑꞋ mɛfɑꞋ Tɑ̌ɑ mɔ pɔ́, kɔɔ pʉʉ zɑ́p tʉ́m nǔu mɔ.

Jɑ̂ŋ 5:36

Lɑ́ mɔ, ŋ kɛ́ ḿbɔ́ pɑ́Ꞌɑ ŋ́ɡẅɛɛ yɛcɔ́ nu yí ɛ́ tsɑnɛ yɛ́ Jɑ̂ŋ: MɛfɑꞋ mí Tɑ̌ɑ mɔ kɑ ɡɑ́nɛ ŋɡɔ ɛ fɑꞋ, kwɑꞋ mɛfɑꞋ ɛ̂mɑ́ nyɛtnɛ ŋɡɔ Tɑ̌ɑ mɔ kɑ túunɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 2:22

Pyɛ̂ pɛn ńcú ŋɡɔ: «Pɑíslɑyɛ̂l, pʉʉ tík mɛtúutɛ́ mʉ́ʉ ńzúꞋ nu yɔ yí mɔ ńcú lɑɑnɛ. Yɛ́su mɔ́ɔ-Nɑ̌zɑlɛt, ɑ pɑꞋnɛ ḿbɔ́ ŋu ẅí Sɛ́ kɑ tsuŋnɛ ńnyɛt mbɔ̌ pʉʉ ŋɡɔ jʉ́ kɑ túunɛ wɛ́. A kɑ lɔk pɑ́Ꞌ ɑ kɑ lɛɛnɛ nǔu wɛ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ, ŋ́ɡɛ ndɑɑkɑ́jʉ́ɔ, ḿbɛn ńnyɛt wʉ́ʉ nɛ́ mɛlii-mɛnu ntɛ́ nɛ́ ntɛ́. Tɛ pʉʉ tsuŋ ḿbɔ́ ńjí.

1 Jɑ̂ŋ 3:12

Kɔɔ pɛkŋɛ pɔ́ pɑ́Ꞌ Kɑyin ẅí ɑ kɑ pɔ́ nzʉʉ-Sɑ́ttɑ, ńjẅí mɔ́ɔmɑ́ wɛ pí tɑ́Ꞌ mɑŋɡɛ́. A kɑ jẅí wɛ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ mɛfɑꞋ mɛ́ kɑ pɔ́ mɛ́ kɛpɔŋ, mɛ́ mɔ́ɔmɑ́ wɛ pɔ́ mi ɛ́ ndʉ́ŋndʉŋ mbi Sɛ́.