ŊwɑꞋnɛ-Gɑŋntúu Yɛ́su Kɛlístɔ 25:10 - Kɑɑ Fí

¹⁰ Pɔ̂l tsɔ́Ꞌ mbɔ̌ wɛ́ ŋɡɔ: «N tʉ́ʉ pɑ́Ꞌɑ zʉꞋ-ntsɑŋ-Kɑ́sɑ. Pɛ́ ɡʉ ŋ́ŋɑk yɑɑ ntsɑŋ pɔ zɑꞋnɛ. Mɔ ŋkɑɑ yɛcɔ́ nu mbɔ̌ pɑyúdɑ fɑɑnɛ. Ɔ tsuŋ ḿbɔ́ ńjí.

ŊwɑꞋnɛ-Gɑŋntúu Yɛ́su Kɛlístɔ 25:10 Σταυροειδείς Αναφορές

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

ŊwɑꞋnɛ-Gɑŋntúu Yɛ́su Kɛlístɔ 28:18

Pɔ́p kɑ ŋɑk wɑ́ɑ tɛ ḿbɔ́ ńdɔɔ nɛnɑ́ wɑ́ɑ, ɛ́ zɛɛ ŋ́ɡɔ ḿbɔ́, mbɔ pɔ́p kɑ́ jʉ́ɔ yɛcɔ́ yúu mi ŋ kɑ ɡɛnɛ tɛ ɛ́ lɑɑ ḿbɔ́ pɛ́ lɛɛ nǔu ńjẅí wɑ́ɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 26:31

ŋ́ɡɔ ńcẅɛt, ḿbɔ́ ńcú tsɛtsɛt pɔ́p ŋɡɔ: «Ŋu wɔ ŋkɑɑ ɡɛ yɛcɔ́ yúu mi ɛ́ lɑɑ ḿbɔ́ pɛ́ lɛɛ nǔu ńjẅí wɛ́ pɔ́, tɛ mbɑ nɛníꞋ wɛ́ tsɑ́ŋ.»

ŊwɑꞋnɛ-Gɑŋntúu Yɛ́su Kɛlístɔ 25:25

Ɛ́ ɡʉ nǔu mɔ, mbɔ ŋ kɑ́ jʉ́ɔ yɛcɔ́ yúu mi ɑ kɑ ɡɛnɛ tɛ ḿbɔ́ pɛ́ lɛɛ nǔu ńjẅí wɛ́ jẅínɛ pɔ́. KwɑꞋ jʉ́ kɑ píkŋɛ ŋɡɔ Kɑ́sɑ ńtsʉꞋnɛ ŋ́ŋɑk wɛ́. Lɑ́ n zɑ́p yɑ́ɑ ŋɡɔ ŋ ɡʉ ńtúu wɛ́ Lɔ́mɑ ŋ́ɡɑ́ mbɔ̌ wɛ́.

Mɑtʉ̈ɔ 27:18

Pilɑtɔ kɑ pɔ́ ńcú pɔ́Ꞌɔ, mbíꞋŋɡɔ ɑ ńtsuŋ ḿbɔ́ ńjí ŋɡɔ pɛ́ kɔ́Ꞌ pɔ lɔ́ŋ nǔu Yɛ́su lɑ ɛ́fɛn wɛ́.

ŊwɑꞋnɛ-Gɑŋntúu Yɛ́su Kɛlístɔ 25:17

Ŋ kɑ cú pɔ́Ꞌɔ, pɛk pɑyúdɑ ɛ̂pɑ́ ńtɛmtɛ ńtɔ́ nɛ́ zɑꞋnɛ. Njí kiɛ, ŋ ɡɔ́ɔ ɛ́fúŋ ntsɑŋ kɛ́ lɑ́ɑtɛ, ńcú pɛ́ lɔk ŋu ɛ̂wɑ́ ńtɔ́ mbi mɔ.

ŊwɑꞋnɛ-Gɑŋntúu Yɛ́su Kɛlístɔ 25:6

Fɛstus ɡɛ pɔ́Ꞌɔ, ńnɑ́ŋ tsɛtsɛt pɔ́p Yɛlúsɑlɛm yúu lɛ́Ꞌ pɛ́nɛ́fɔ́m kɛ lɛ́Ꞌ nɛɡɛ́m yɛcɔ́ ɔɔ ndɑꞋ, ŋ́ɡɔ́ɔ ŋ́kɛ́ ḿbɛn nzʉʉ nɛ́ Sɛ́zɑlɛ̂. Njí ɡɛ ŋ́kiɛ, ɑ nɑ́ŋ sɛ́ nɛŋɑk ntsɑŋ, ńcú ŋɡɔ pɛ́ ɡɛ Pɔ̂l tɔ́.

ŊwɑꞋnɛ-Gɑŋntúu Yɛ́su Kɛlístɔ 23:29

Lɑ́ ńjʉ́ɔ ŋɡɔ pɔ́p fɛn wɛ́ pɔ nǔu yɛcɔ́ mɔ́zʉꞋ nǔu nɛpʉ́ʉ nɔ́p ni pɔ́p pɛpɔ́p kɑ́ sẅiŋɛ ńzúꞋnɛ nǔu pɔ́. M bɛn ŋ́kɛ́ ḿbɔɔ jʉ́ɔ yɛcɔ́ yúu mi ḿbɔ́ pɛ́ lɛɛ nǔu ńjẅí wɛ́ kɛ ńníꞋ wɛ́ pɔ tsɑ́ŋ pɔ́.

Mɑtʉ̈ɔ 27:19

Pilɑtɔ kɑ pɔ́ ŋ́ŋɑk nu-Yɛ́su, nzwɛ́ wɛ túu ŋu ŋɡɔ ɑ ɡʉ, ńcú mbɔ̌ wɛ́ ŋɡɔ ɑ lɑk tú yɛ́ nǔu ntsɑŋ-ŋu wɑ́, ŋɡɔ ɑ pɑ́Ꞌɑ ḿbɔ́ mbúꞋ, ŋɡɔ ŋɡɑŋ sẅíi wɛ́ ŋɡɔ ɑ lɑ́Ꞌ ńdɛ́ lɑ́Ꞌ, ńdɛ́ njʉɔ nǔu wɛ́ ɛ́ ɡɑ́ɑnɛ wɛ́ tɛꞋ.