2 Timɔtɛ́ɛ 2:6 - Kɑɑ Fí

⁶ Nzʉ́Ꞌnɑŋ ẅí ɑ ŋ́kíɛnɛ ziꞋnɛ sʉ́Ꞌnɛ, ḿbɔ́ nduŋmbi nɛkwɛ́t yúu mi ɛ́ fúnɛ ŋkɑ́Ꞌ yɛ́.

2 Timɔtɛ́ɛ 2:6 Σταυροειδείς Αναφορές

Mɑtʉ̈ɔ 20:1

Yɛ́su pɛn ŋɡɔ: «nu-nɛfɔɔ-Sɛ́ ɡɔ́ɔ ḿbɔ́ pɔ pɑ́Ꞌ nu-wɛcɔ́ ŋu ẅí ɑ kɑ mʉ́ʉnɛ mbɑ́ꞋmbɑꞋɑ́, ŋ́ɡʉ lɔɔ ɡɑŋfɑꞋ pínɛ ɑ ɡʉ ńníꞋ ŋkɑ́Ꞌ yɛ́.»

Mɑtʉ̈ɔ 25:16

ŊɡɑŋfɑꞋ ẅí pɛ́ kɑ nɑ́nɛ ŋkɑ́p pɑk ŋkʉ yɛ́tɑ́ɑ mbɔ̌ wɛ́, tsʉ́Ꞌ ŋ́ɡɔ́ɔ fɛ́ꞌnɛ ńtɑ́ŋ yɛ́, tɛ ńjʉ́ yɛcɔ́ pɑk ŋkʉ yɛ́tɑ́ɑ.

Lúkɑ́shi 10:2

Pɔ́p ɡɔ́ ŋ́ɡʉ, ɑ cú mbɔ̌ pɔ́p ŋɡɔ: «Yúu mi pɛ́ ɡɛ ńdɑk tsɛt ŋkɑ́Ꞌ zɑ́ɑ tɛꞋ, ndɛn ɡɑŋfɑꞋ pɛn ŋ́kʉ̈ɔ́k.» Ɛ́ pɔ́ŋ ŋɡɔ pʉʉ púꞋ mbɔ́ mbɔ̌ ŋɡɑŋkɑ́Ꞌ ɑ kẅiꞋ ɡɑŋfɑꞋ pinɛ pɔ́p ɡɛnɛ ńdɑk yúu pɛ́.

1 Kɔlɛ̂ŋtɛ 9:23

Ŋ ɡɛ yîyɑ́ ŋɡɔŋ nu tsʉʉ pɔ pɑ́Ꞌ Ŋkʉʉ Sʉ́Ꞌnɛ ɡʉ ɛ́sɑt zʉꞋ, mbɑ pɑ́Ꞌ mɔ sɛ́ ńzẅíꞋlɛ yɑ́ɑ yúu sʉ́Ꞌnɛ yi ɛ́ fúnɛ nǔu Ŋkʉʉ Sʉ́Ꞌnɛ lɑ́.

2 Timɔtɛ́ɛ 2:7

Sɑ́ŋ nu nǔu mɛnu mi ɛ fúnɛ nɛcú lɑɑ, Tsɑpʉɔ ɡʉ ŋ́ɡɛ ɔ zúꞋ tsʉʉ.

Ɛ́bɛlʉʉ 10:36

Ɛ́ zɛɛ ḿbɔ́ ḿbíkŋɛ ŋɡɔ pʉʉ kɛ́ sɑ́Ꞌ pɔ tʉʉ, ńjí ŋɡɔ pʉʉ ɡʉ ḿbɔ́ ŋ́ɡɛ pɔ yúu mi Sɛ́ sɛ́ ŋ́kɔŋ, ɛ́ fú pɔ́Ꞌɔ, pʉʉ ɡẅɛɛ yúu mi ɑ kɑ kɑꞋnɛ nɛɡɑ́ mbɔ̌ pʉʉ.

Ɛ́bɛlʉʉ 6:7

Pɛkŋɛ zɛɛ ńjí ŋɡɔ, mbʉŋ lɑɑ ńdɔ́ nǔu tsɛ́tsɑ́Ꞌ kwɑꞋ sʉ́Ꞌnɛ, yúu mi ɛ́ ɡʉ cẅɛ́lɛ́ pʉɔ pi pɔ́p ɡɛnɛ pɛ́ zʉ́Ꞌ yîyɑ́ tsɛ́tsɑ́Ꞌ ɛ́ kɔ́Ꞌ, ɛ́ pɑ́Ꞌ Sɛ́ ɡʉ níꞋ mbɔ́tnɛ nǔu yîyɑ́ zʉꞋ tsɛ́tsɑ́Ꞌ.