2 Kɔlɛ̂ŋtɛ 11:17 - Kɑɑ Fí

¹⁷ Pɑ́Ꞌ ɛ́ pɔ́ mɔ́ ŋɡɔ ŋ kɑꞋmɛ lɑ́, yúu mi ŋ ɡʉnɛ cú ŋkɔ̂ɔnɛ, ŋ kɑ́ pɔ́ ŋ́ɡʉ ńcú nǔu ntɛ́ yi Tsɑpʉɔ kɔŋnɛ pɔ́. Ŋ ɡʉ ńcú pɔ pɑ́Ꞌ ŋkɑ́ yi n tsuŋ ḿbɑ́ lɑ́.

2 Kɔlɛ̂ŋtɛ 11:17 Σταυροειδείς Αναφορές

1 Kɔlɛ̂ŋtɛ 7:12

Ɛ́ ɡʉ nǔu pɛcɔ́ pʉɔ, n cú ŋɡɔ: «Ŋu lɑɑ ḿbɔ́ ŋu-Kɛlístɔ, ŋ́ɡẅɛɛ mɑŋɡɛ́ ẅí ɑ kɑ pɔ́ ŋu-Kɛlístɔ pɔ́, ẅîwɑ́ mɑŋɡɛ́ pɛ́m ŋɡɔ pɔ́pnɛ́ ńnɑ́ŋ kɔɔ ŋɡɑŋ zuŋ wɛ́.» Mɔ cúnɛ yɔ nu, Tsɑpʉɔ kɑ́nɛ cú pɔ́.

1 Kɔlɛ̂ŋtɛ 7:25

Ɛ́ ɡʉ nǔu pʉɔ pi pɔ́p ŋkɑɑ zɔ́Ꞌ, mbɔ Tsɑpʉɔ kɑ kɛ́ ńcú nu yi mɔ ńcú mbɔ̌ pɔ́p. Lɑ́, mɔ ńcú pɑ́Ꞌ mɔ sɛ́ ŋ́kwɑŋɛ yɑ́ɑ nǔu nu yɔ́p, ńdɔk pɑ́Ꞌ mɔ ŋu ẅí Tsɑpʉɔ kɑ tsɑ́ɑnɛ mɛjʉ́ŋ mɑ́ɑ, ńdɔk wɑ́ɑ ŋ́ɡɛ ŋu ẅí m bɔ́ ńcú nu pɛ́ zúꞋ.

1 Kɔlɛ̂ŋtɛ 7:6

Ɛ́ kɑ́ pɔ́ pɑ́Ꞌɑ ḿbɔ́ pɔ nɛpʉ́ʉ ni n zɑ́pnɛ pɔ́, ŋ ɡʉ ńcú pɔ yúu mi pʉʉ lɑɑ ŋ́ɡɛ ɛ́ pɔŋ.

2 Kɔlɛ̂ŋtɛ 11:1

Ŋ kwɑŋɛ ŋɡɔ n dɑɑ ńcú yɑ́ɑ nu mbɔ̌ pʉʉ pɑ́Ꞌ ŋu ẅí ɑ pɑ́lɛ́ lɑ́, mbɔ pʉʉ ɡʉ ḿbɛ́m, pʉʉ kɛ́ ńzẅíꞋlɛ n cú nu nǔu yîyɑ́ ntɛ́.

2 Kɔlɛ̂ŋtɛ 9:4

mbíꞋŋɡɔ pɛkŋɛ pɛcɔ́ pʉɔ-Mɑsɛndwɑn lɑɑ ńtɔ́, ŋ́kɛ́ mbɔɔ jʉ́ɔ pʉʉ tʉ́ʉ nɛɡɑ́ yúu pɔ́, mbɔ nɛpɔ́ ẅi pɛk kɑ lɛꞋlɛ́nɛ yúu mi pʉʉ tʉ́ʉ nɛɡɛ, tɛ pɛk pɔɔ ḿmʉꞌlɛ, ɡʉ shɔtnɛ ŋ́ɡɛ sʉ́ʉ kɔ́ wɛ́k. Yʉ́ʉ pɛn ńdɛɛ yɛ́k.