1 Timɔtɛ́ɛ 3:6 - Kɑɑ Fí

⁶ Ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ pɔ́ ŋu ẅí ɑ kɑ pɛ́t lɑ ḿbɔ́ ŋu-Kɛlístɔ pɔ́, mbɔ ḿbɔ́ ɑ tɔ́ nɛŋɑ́Ꞌlɛ mbʉʉ, ɛ́fɑɑnɛ nu, ḿvu ntsɑŋ pɑ́Ꞌ Sɑ́ttɑ.

1 Timɔtɛ́ɛ 3:6 Σταυροειδείς Αναφορές

Lúkɑ́shi 10:18

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ sẅíi nu, n dɑ́Ꞌ ḿbɔ́ ńdíŋɛ, ńjʉ́ɔ pɑꞋ Sɑ́ttɑ ŋwɑŋɛ́nɛ pɑꞋ mɛnɛ́ɛ-mbʉŋ lɑ́, ɛ́fú tʉ́nɛ́pú ńtsɔ́Ꞌnɛ ḿvu sɛ́.

1 Kɔlɛ̂ŋtɛ 3:1

Pɔ́ɔpɛ́mɑ́ pɑ́ɑ, mɔ ŋ kɑɑ tsʉ́Ꞌ nɛcú nu mbɔ̌ pʉʉ, ńjʉ́ɔ ŋɡɔ ḿbɔ́ m bɔɔ cú pɑ́Ꞌ ḿbɔ́ n cú nu mbɔ̌ pʉɔ pi pɔ́p zúꞋnɛ ntsu Zẅikŋɛ-Sɛ́ pɔ́. Ŋ kɑ ńcú pɔ nǔu ntɛ́ yi m bɔ́ ńcú nu mbɔ̌ pʉɔ pi pɔ́p pɛ́t ńzúꞋ pɔ yúu mi mbʉʉ yɔ́p sɛ́ ńcú. Ŋ ɡʉ ńcú pɔ pɑ́Ꞌ ɛ́ lɑɑ ḿbɔ́ n cú nu mbɔ̌ pʉɔ pi pɔ́p nǔu nɛzɑ́p tʉ́m nǔu Kɛlístɔ, ḿbɛ́t ḿbɔ́ pɔ pɔ́ɔmbɔ́t.

1 Kɔlɛ̂ŋtɛ 8:1

Ɛ́ ɡʉ nǔu nu-pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ ɛ́ nɛ́nẅín ŋɡɔ pʉʉ pɛtsʉʉ júk ńcú ŋɡɔ pʉʉ jínɛ nu nǔu. Lɑ́ yîyɑ́ ntɛ́ jínu ɡɛ ŋu ŋɑ́Ꞌlɛ ŋɑ́Ꞌlɛ́nɛ. Lɑ́ yúu mi ɛ́ ɡɛnɛ pɛ́ kẅiꞋ ńzɑ́p pɔ tʉ́m nǔu Sɛ́, ɑ ŋu nɛpɔ́ ŋ́kɔŋ mɔ́ɔmɑ́ wɛ.

2 Kɔlɛ̂ŋtɛ 12:7

Pɑ́Ꞌ ŋ kɑ jʉ́ɔnɛ mɛnu mɑ̌ɑmɑɑnɛ lɑ́, Sɛ́ jʉ́ɔ ŋɡɔ ŋ ɡɔ ḿbɔ́ ńdɔk ŋ́ŋɑ́Ꞌlɛ, ḿbɛ́m mɑ́ntúu-Sɑ́ttɑ ńnɑ́ŋ ńtswɑ́ɑ wɑ́ɑ, ɛ́ pɔ́ ŋɡʉ̈ɔ́Ꞌ yi ɛ́ kɑ kúunɛ nǔu mɔ pɑꞋ nzɔ́ŋ yi ɛ́ lɛ́Ꞌnɛ nǔu mɔ ḿbɔ́ ńnɑ́ŋ ŋ́ɡɑ́ɑnɛ wɑ́ɑ lɑ́, pɔ́Ꞌɔ, nɛpɔ́ yi ŋ kɛ́ kɑꞋmɛ pɔ́,

1 Timɔtɛ́ɛ 3:7

Ɛ́ pɛn ḿbɔ́ ḿbíkŋɛ ŋɡɔ ɑ pɔ́ ŋu ẅí pʉɔ pi pɔ́p kɑ́ pɔ́ pʉɔ-Kɛlístɔ pɔ́, pɔ́ kẅíi lík yɛ́ pɔ sʉ́Ꞌnɛ. Pɔ́Ꞌɔ, mɛcɔ́ mɛnu mɛ́ mi ḿbɔ́ pɛ́ kɛm sʉ́ʉ kɔ́ wɛ́ pɔɔ ɡú pɔ́, Sɑ́ttɑ pɔɔ kuꞋ nɛlʉꞋ ŋkʉ tɛ ńdɔk ŋ́ɡẅɛɛ wɛ́ pɔ́.

1 Timɔtɛ́ɛ 6:4

mbɔ ŋɡɑŋ ŋɑ́Ꞌtɛ ŋɡɔ ɑ jí nu, lɑ́ ŋ́kɛ́ mbɔɔ ḿbɔ́ ńjí pɔ́. A jí yɛ́ pɔ nɛzɔŋ nu, ńjúk ɛ́fú yɛ́ pɔ nǔu nu yi pɛ́ cúnɛ, ńtsuꞋ tú-pʉɔ. Ɛ́ lɛɛ pɔ́Ꞌɔ, pʉɔ zɛ nɛɡẅɛɛ kɛ́ɡʉ̈ɔꞋ, ńzɛ nɛzɔŋ nu, ńzɛ nzɔɔmɛ, ńzɛ nɛkwɑŋɛ pɔ́ɔpɛ́mɑ́ pɔ́p nǔu nu kɛpɔŋ,

2 Timɔtɛ́ɛ 3:4

ḿbɔ́ ɡɑŋmɛnɑŋ, ŋ́ɡɛ nu kɛ́ sɑ́ŋ, ḿbɔ́ ɡɑŋŋɑ́Ꞌtɛ tɛꞋ, ńtsʉ́Ꞌ yi pɔ́p kɔŋ Sɛ́, pɔ́p kɔŋ pɔ yúu mi mbʉʉ yɔp tsʉ́ʉnɛ́nɛ wɔ́p nɛɡɛ,

1 Pyɛ̂ 2:2

Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.

1 Pyɛ̂ 5:5

Ɛ́ ɡʉ nǔu pʉʉ ɡúu pɔ́ɔsuu, pʉʉ ɡɑ́ mbʉʉ yʉʉ sɛ́ mbi pɑcẅɛ́ɛmbi tsɛt cúꞋlɛ, ŋ́ɡʉ nǔu pʉɔ tsʉʉ, kɔɔ pʉʉ pɔ́ ŋ́ɡɛ yɛcɔ́ yúu, tɛ ŋu wʉʉ kwɑŋɛ ŋɡɔ ɑ lɛɛ wɛcɔ́. MbíꞋŋɡɔ ŋwɑꞋnɛ-Sɛ́ cú ŋɡɔ: Sɛ́ lʉꞋ pɑŋɑꞋtɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pi pɔ́p kɔknɛ mbʉʉ yɔp ŋ́ɡɑ́ sɛ́.

2 Pyɛ̂ 2:4

Pɛcʉ̈ɔ́Ꞌ-Sɛ́ kɑ zɛɛ ɛ́fɑɑnɛ nu, Sɛ́ pɔɔ wɔ́p nɑ́. A kɑ tsʉ́ʉ wɔ́p ḿmɑꞋ tsɛt nɛpʉ́ kɛ́ ndúŋ zʉꞋ-nzɛnzʉ́ʉ, pɔ́p ɡɔ́ ḿbɔ́ tsɛt mɛŋkʉ, ḿbɔ́ ńzẅíꞋlɛ lɛ́Ꞌ yi pɛ́ ɡʉ ŋ́ŋɑk mɛtsɑŋ.

Jẅidɛ 1:6

Pʉʉ kẅíitɛ pɛcʉ̈ɔ́Ꞌ-Sɛ́ pi pɔ́p ŋkɑɑ kɔŋ nɛnɑ́ŋ zʉꞋ yi Sɛ́ kɑ tíknɛ wɔ́p zúꞋu pɔ́, ńnɑ́ zʉꞋ yi pɔ́p kɑ pɔ́nɛ. Pɔ́Ꞌɔ lɑ́ Sɛ́ cʉŋɛ nɛ́ mɛcɛ̂n tɛ ndɑꞋ zʉꞋ yi nzɛ́nzʉ́ʉ zúꞋu, pɔ́p zúꞋu ḿbɔ́ ńzẅíꞋlɛ lɛ́Ꞌ ɡwɛ́ yi ɑ ɡʉ ńdɑ́Ꞌ ńzɑ́Ꞌ mɛtsɑŋ.