1 Timɔtɛ́ɛ 1:5 - Kɑɑ Fí

⁵ Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

1 Timɔtɛ́ɛ 1:5 Σταυροειδείς Αναφορές

Mɑtʉ̈ɔ 12:35

Pʉʉ jí ŋɡɔ: «Ŋu lɑɑ ŋ́ɡẅɛɛ tʉ́m sʉ́Ꞌnɛ, mbɔ ɑ ɡʉ ŋ́ɡẅɛɛ ntsu sʉ́Ꞌnɛ, ŋ́ɡẅɛɛ tʉ́m kɛpɔŋ, mbɔ sẅiŋɛ kɛpɔŋ ɡʉnɛ ńcẅɛt ntsu wɛ́.»

Mɑtʉ̈ɔ 5:8

Pɛpɔ́ttú pʉɔ pinɛ pɔ́p ɡẅɛɛnɛ tʉ́m sʉ́Ꞌnɛ, mbíꞋŋɡɔ pɔ́p ɡʉ ŋ́ɡɛ ńjʉ́ɔ Sɛ́.

ŊwɑꞋnɛ-Gɑŋntúu Yɛ́su Kɛlístɔ 15:9

Sɛ́ ŋ́kɑɑ kɛ́ ŋ́ɡɛ yɛcɔ́ sɑ̌ɑ tɔŋ tsɛtsɛt pɛk pɛpɔ́p pɔ́. A kɑ lɛɛ nǔu pɑ́Ꞌ pɔ́p zɑ́pnɛ tʉ́m nǔu Yɛ́su, ɛ́suk nu kɛpɔŋ tʉ́m pɔ́p.

ŊwɑꞋnɛ-Gɑŋntúu Yɛ́su Kɛlístɔ 23:1

Pɔ̂l niitɛ ńtík mík mɛ́ nǔu pɑsɑ́Ꞌlɑ́Ꞌ ńcú ŋɡɔ: «Pɔ́ɔpɛ́mɑ́ pɑ́ɑ, n dɔ ńjúk ḿbɔ́ pɔ mbi Sɛ́ nɛ́ tʉ́m lɛ́ɛnɛ́nɛ tɛ ŋ́kúu lɔ́Ꞌnɛ. Yɛcɔ́ yúu kɑ́ pɔ́ tsɛt tʉ́m mɔ ḿbɔ́ ŋ́ɡɑ́ɑnɛ wɑ́ɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 24:16

Ɛ́ yúu mi ɛ́ ɡɛnɛ lɑ m bɔ́ ɛ́sɑ́Ꞌ tʉʉ nɛ́ tʉ́m lɛ́ɛnɛ́nɛ nɛnɛn ndʉ́ŋndʉŋ mbi Sɛ́, mbɑ mbi pʉɔmɛsɔŋ.»

Pʉɔ-Lɔ́mɑ 10:4

Kɛlístɔ kɑ zɛɛ ńtɔ́, ncẅɛtnɛ-ndɑ́ nɛpʉ́ʉ lɔk ḿbuutɛ. Pɔ́Ꞌɔ, ŋu zɑ́p tʉ́m nǔu Kɛlístɔ lɑ Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 12:9

Pʉʉ kɔŋ pʉɔmɛsɔŋ pɔ nɛ́ tʉ́m yʉ́ʉ tsʉʉ. Pʉʉ kʉ̈ɔ́ nu kɛpɔŋ tɛ ńtɔ́ŋ mɛkɑ́ɑ, ŋ́kúꞋlɛ pɔ nu sʉ́Ꞌnɛ tɛ ɛ́ tɛn.

Pʉɔ-Lɔ́mɑ 14:15

Pɔ́Ꞌɔ, ɛ́ lɑɑ ḿbɔ́ yi ḿbɔ́ ɔ lɛɛ nǔu nu-yúu mi ɔ kwɛ́tnɛ, ŋ́ɡɛ mbʉʉ-mɔ́ɔmɑ́ wu kʉ̈ɔ́, mbɔ ɔ kɑ́ pɔ́ ḿbɛn ŋ́ɡɛ nǔu ntɛ́ yi ɔ lɔk ŋ́kɔŋ mɔ́ɔmɑ́ ɡu pɔ́. Kɔɔ lɔk nu yúupɛjʉ́ ŋ́ɡɛ mɔ́ɔmɑ́ wu ẅí Kɛlístɔ kɑ pfúnɛ nǔu tú yɛ́ kúu pɛ́,

Pʉɔ-Lɔ́mɑ 9:1

Nu yi ŋ ɡʉ ńcú lɑɑ, ɛ́ nɛ́nẅín. Pɑ́Ꞌ ŋ kɑ lɑt mɔ́ mbʉʉ nǔu Kɛlístɔ lɑ́, ŋ kɑ́ pɔ́ ŋ́ɡʉ ɛ́sẅíi cɔtnu pɔ́. Zẅikŋɛ Lɛ́ɛnɛ́nɛ sɛ́ ŋ́ɡɛ tʉ́m yɑ́ɑ sẅíi wɑ́ɑ ŋɡɔ nu yi mɔ ńcú ɛ́ nɛ́nẅín.

1 Kɔlɛ̂ŋtɛ 13:1

N dɑɑ ńjí nɛsẅíŋɛ mɛsẅíŋɛ mi pɛ́ sẅíŋɛ́nɛ tsɛt mɛŋɡɔŋ tsʉʉ tɛ mbɑ mi pɛcʉ̈ɔ́Ꞌ-Sɛ́ sẅíŋɛ́nɛ, lɑ́ ḿbɛn mbɔɔ kɔŋ ŋumɛsɔŋ pɔ́, mbɔ m bɑ́klɛ pɔ zʉꞋ pɑ́Ꞌ yúu tʉ́n yi pɛ́ púꞋnɛ, mbɑ pɑ́Ꞌ kẅǐꞌfɔɔ ẅí ɑ zɔtnɛ́nɛ lɑ́.

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

1 Timɔtɛ́ɛ 1:18

Timɔtɛ̂ɛ, ɡu mɔ́ɔ wɑ́ɑ, ŋ ɡɑ́ yɔ sẅiŋɛ mbɔ̌ ɡu, ɛ́ pɔ́ pɑ́Ꞌ pɑcẅiŋkʉʉ-Sɛ́ kɑ zɑ́Ꞌnɛ njí ńcú nǔu ɡu. Nɑ́ŋ ḿbɔ́ ŋ́kẅíitɛ mɛnu mi pɔ́p kɑ cúnɛ lɑ́, ńjí ŋɡɔ ɛ́ ɡʉ ḿbɔ́ yú yúu nɛlɔk ńdʉɔ́Ꞌ ntsɔ sʉ́Ꞌnɛ nǔu lík-Sɛ́.

1 Timɔtɛ́ɛ 1:19

Ɔ lɑɑ ńtsʉ́Ꞌ nɛlʉ́ɔꞋ ẅîwɑ́ ntsɔ, ɔ lɔk pɔ nɛzɑ́p tʉ́m nǔu Sɛ́, ḿbɛn ḿbɑ́ɑ nɛɡɛ yúu mi mbʉʉ yu ɡʉ ńtswɑ́ɑ wú nǔu. Mbʉʉ-pɛcɔ́ nɛlʉ́m pʉɔ kɑ tswɑ́ɑ wɔ́p, pɔ́p lʉꞋ nɛzúꞋ, wɔp nɛzɑ́p tʉ́m nǔu Sɛ́ kúu pɛ́.

1 Timɔtɛ́ɛ 3:9

Ɛ́ píkŋɛ ŋɡɔ pɔ́p kúꞋlɛ nu nɛ́nẅín yi ɛ́ kɑ pɔ́ yi lʉɔmɛ́nɛ, Sɛ́ nyɛt wɛkŋɛ, ŋ́kúꞋlɛ nǔu ntɛ́ yi mbʉʉ yɔp kɛ́ tswɑ́ɑ wɔ́p pɔ́.

2 Timɔtɛ́ɛ 1:3

Mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu tú yú, Sɛ́ ẅi mɔ sɛ́ ŋ́ɡúꞋlɛ nɛ́ tɑ́Ꞌ tʉ́m pɑ́Ꞌ pɛmɑ̂ɑŋɡɑpnjẅɛt pɛk kɑ ɡúꞋlɛ́nɛ yɔ́p lɑ́. Nɛnɛm kɛ nɛtúꞋ ɔɔ, m bɔ́ ḿbúꞋ mbɔ́ mbɔ̌ Sɛ́, mbɔɔ nɑ́ kɛ́ kẅíi lík yú pɔ́.

2 Timɔtɛ́ɛ 1:5

Ŋ kɑ́ likŋɛ ŋɡɔ ɔ zɑ́p tʉ́m nǔu Yɛ́su Kɛlístɔ tɛ ɛ́sẅíi nu pɔ́, ŋ kɑ́ likŋɛ ŋɡɔ mɑ́ wu wɛ ndʉ́m Lɔẅîs tɛ mbɑ mɑ́ wu Ɛnîs kɑ pɔ́ ŋ́ɡɛ pɔ pɔ́Ꞌɔ pɔ́. N jí ŋɡɔ mbɑ ɡu yú pɛn ńzɑ́p tʉ́m yú nǔu Yɛ́su pɔ pɑ́Ꞌ pɔ́p.

2 Timɔtɛ́ɛ 2:22

Kʉɔ mɛyúu kɛpɔŋ mi ŋɡwɑsuu tsɑ́ɑnɛ nɛɡɛ. Pʉʉ pɛ pʉɔ pi pɔ́p fúŋnɛ Tsɑpʉɔ nɛ́ tʉ́m lɛ́ɛnɛ́nɛ lɔɔ nu yi ɛ́ tʉ́ʉnɛ ndʉ́ŋndʉŋ, ńzɑ́p tʉ́m nǔu Sɛ́, ŋ́kɔŋ pʉɔmɛsɔŋ, ńnɑ́ŋ nɛ́ mbɔ́tnɛ.

Tîtɛ 1:15

Kʉ̈ɔ́ lɑ́ kɛ́ lɔ́Ꞌ mbɔ̌ pʉɔ pi pɔ́p ɡẅɛɛnɛ tʉ́m lɛ́ɛnɛ́nɛ mbi Sɛ́. Lɑ́ ŋ́ɡʉ nǔu pʉɔ pi tʉ́m yɔ́p kɑ́ lɛ́ɛnɛ, pɔ́p pɔɔ zɑ́p nǔu Sɛ́ pɔ́, kʉ̈ɔ́ lɑ́ mbɔ̌ pɔ́p ŋ́ɡẅɛɛ pɔ lɔ́Ꞌ. MbíꞋŋɡɔ kwɑŋɛnu yɔ́p nɑ́ŋ ńtʉ́ʉ pɔ nǔu mɛnu kɛpɔŋ, tʉ́m yɔ́p pɔɔ lɛ́ɛnɛ.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Ɛ́bɛlʉʉ 13:18

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́, ḿbúꞋ mbɔ́ nǔu tú yɛ́k. Pɛk tsuŋ ḿbɔ́ ńzúꞋ ŋɡɔ mbʉʉ yɛk kɑ́ pɔ́ ńtswɑ́ɑ wɛ́k nǔu yɛcɔ́ nu pɔ́, mbíꞋŋɡɔ pɛk sɛ́ ńtsɑ́ɑ nɛpɔ́ yi kʉ̈ɔ́ lɑɑnɛ ńtʉ́ʉ sɛ́, pɛk ɡɛ pɔ yúu mi ɛ́ sɛ́ ḿbíkŋɛ.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Jɑ̂k 4:8

Pʉʉ kẅɛ́Ꞌlɛ mbʉʉ yʉʉ ŋ́ɡɑ́ nɛ́ nɛjɔ́ŋ Sɛ́, ɑ kẅɛ́Ꞌlɛ yɛ́ mbʉʉ ŋ́ɡɑ́ nɛjɔ́ŋ pʉʉ. Pʉʉ ɡɑŋmɛfɑɑnɛ, pʉʉ suk mbɔ́ mʉ́ʉ, pɛŋkɔŋmík, pʉʉ cẅɛɛtɛ ntsɛ́llɛ́ tsɛt mɛtʉ́m mʉ́ʉ.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Pyɛ̂ 3:16

Pʉʉ tsʉ́Ꞌ nɛsẅíi wɛ́ ńdɔk pɔ ndɑ̌ɑ ndɑɑ, ńdɔk mɛkuꞋ. Ɛ́ pɔŋ ŋɡɔ kɔɔ ɛ́ ɡɔ́ ḿbɔ́ mbʉʉ yʉʉ pɔ́ ńtswɑ́ɑ wʉ́ʉ nǔu yɛcɔ́ yúu, lɑ ɛ́ lɛɛ pɔ́Ꞌɔ, ḿbɔ́ yi pʉɔ lɑɑ ḿbɔ́ ńtík sɔ́ɔ tú pʉʉ, ɛ́fú nǔu pɑ́Ꞌ pɔ́p sɛ́ ńzɔɔtɛ nɛnɑ́ŋ wʉʉ wɛ pʉɔ-Kɛlístɔ ẅi ɛ́ pɔŋnɛ, sʉ́ʉ kɔ́ wɔ́p.

1 Pyɛ̂ 3:21

Ẅîwɑ́ ŋki kɑ pɔ́ lii cẅɛ́ɛŋki yi ɛ́ ɡɛnɛ pʉʉ luk ŋkɔ̂ɔnɛ lɑɑ. Pɛ́ kɑ́ pɔ́ ńdɔk ɛ́suk pɔ ntsɛ́llɛ́ nǔu mbʉʉ pɔ́. Ɛ́ pɔ́ pɔ nɛlɔk ńdɔ́ɔ mbɔ̌ Sɛ́ ŋɡɔ ɑ suk mɛtʉ́m mɛkŋɛ, ɛ́ pɔɔ pɛn ŋ́ŋɑk wɛkŋɛ pɔ́. Cẅɛ́ɛŋki lɔk pɔ́Ꞌɔ, ŋ́ɡɛ pʉʉ luk, ńdúꞋnɛ pɑ́Ꞌ Yɛ́su Kɛlístɔ kɑ zẅíimɛnɛ nǔu nɛvú.

1 Pyɛ̂ 4:8

Nduŋmbi yúu mi pʉʉ ɡʉ ŋ́ɡɛ, ɑ pʉʉ nɛɡẅɛɛ ŋkɔŋɛ tsɛtsɛt pʉʉ, mbíꞋŋɡɔ ŋkɔŋɛ píknɛ nɛlʉ́m mɛnu kɛpɔŋ.

2 Pyɛ̂ 1:7

ŋ́ɡʉ nǔu nɛjí pɔ ndɑꞋ Sɛ́, ŋ́kẅiꞋ pɑ́Ꞌ nu-pɔ́ɔpɛ́mɑ́ pʉ́ʉ ɡʉ ḿbɔŋ wʉ́ʉ, ŋ́ɡʉ nǔu pɑ́Ꞌ nu-pɔ́ɔpɛ́mɑ́ pʉ́ʉ sɛ́ ḿbɔŋ wʉ́ʉ, ŋ́kẅiꞋ ŋkɔŋɛ.

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.

1 Jɑ̂ŋ 3:23

Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.

1 Jɑ̂ŋ 3:3

Mbɑ wɔ̌ lɑ́ ẅi ɑ nɑŋnɛ ḿbɔ́ ńzẅíꞋlɛ ŋɡɔ Kɛlístɔ ɡɛ yɔ nu, ɑ nɑ́ŋ ḿbɑ́ɑ pɑ́Ꞌ mbɔ lɔ́Ꞌ pɔ́ nǔu wɛ́, mbíꞋŋɡɔ Kɛlístɔ kɛ́ lɔ́Ꞌ.