پولُسئے کاگد په رومیان 6:16 - هُدائے پاکێن کتاب، بلۆچی زبانا

¹⁶ وهدے وتا پَرمانبردارێن گُلامانی پئیما یکّێئے دستا دئیێت، آییئے گُلامَ بێت، پرچا که چه هماییا پرمانَ زورێت. اے هبرا نزانێت؟ یا گناهئے گُلامَ بێت که دێم په مَرکا بارت یا پَرمانبرداریئے گُلام، دێم په پاکی و پَلگاریا.

پولُسئے کاگد په رومیان 6:16 Σταυροειδείς Αναφορές

پێدایش 4:7

اگن تئو شَرّێن کار بکنئے، تئیی هئیالا کبول کنگَ نبئے؟ بله اگن تئو شَرّێن کارَ نکنئے، گناه تئیی دروازگئے پُشتا اۆشتاتگ و تئیی رندا کپتگ. تئو باید اِنت گناهئے سرا بالادَست ببئے.“

مَتّا 20:4

گوَشتی: ’شما هم برئوێت منی باگا کار کنێت. هرچے که شمئے هَکَّ بیت، شمارا دئیان.‘

مَتّا 6:24

هچکَس په دو واجها گُلامی کرتَ نکنت، یا گۆن یکّێا دژمنیَ کنت و دومیگی دۆستَ بیت، یا گۆن ائولیگا وپادارَ بیت و چه آ دگرا بدیَ کئیت. شما یَکوهد و یکجاه هُدا و زَرّئے گُلامیا کرتَ نکنێت.

یوهَنّا 8:34

ایسّایا گوَشت: ”شمارا راستێنَ گوَشان، هرکَس که گناهَ کنت، گناهئے گُلام اِنت و

پولُسئے کاگد په رومیان 11:2

هُدایا وتی کئوم که چه پێسرا زانتگ، دئور نداتگ. نزانێت پاکێن کتاب اِلیاس نَبیئے بارئوا چے گوَشیت؟ آ، چِه پئیما اِسراییلئے هلاپا هُدائے کِرّا دَزبندیَ کنت؟

پولُسئے کاگد په رومیان 12:1

او براتان! منی دَزبندی گۆن شما اِش اِنت که گۆن هُدائے رَهمتانی چارگا، وتی جِسم و جانا چۆ زِندگێن کُربانیگێا پێش بکنێت که پاک و پَلگار اِنت و هُدایا پَسُندَ بیت. اے شمئے روهانیێن پرستش اِنت.

پولُسئے کاگد په رومیان 6:17

بله هُدائے شُگر اِنت، هرچُنت پێسرا گناهئے گُلام اتێت، نون شما په سِتکِ دل هما تالیمئے پَرمانبرداری کرتگ که آییئے سپرده بوتگێت.

پِتْرُسئے دومی کاگد 2:19

آیان آزاتیئے کئول و وادهَ دئینت بله وت سِلکاریئے گُلام و بندیگ اَنت. چێا که هرکَس چیزّێا وتی واجه و مسترَ کنت، وت آییئے گُلام و بندیگَ بیت.