پولُسئے کاگد په رومیان 1:30 - هُدائے پاکێن کتاب، بلۆچی زبانا

³⁰ بُهتام جنۆک، هُدابێزار، بےاَدب، گُروناک، بَٹاک جنۆک، بدکِردیئے جۆڑێنۆک، پت و ماتئے ناپرمان،

پولُسئے کاگد په رومیان 1:30 Σταυροειδείς Αναφορές

زَبور 10:3

چیا که بدکارا وتی دلئے واهگانی سرا پَهر اِنت، لالچ کنۆکان برکتَ دنت و هُداوندا بد و ردَ گوَشیت.

زَبور 106:39

گۆن وتی کاران وتا ناپاک و گۆن وتی کِردان وتا سیه‌کارِشَ کرت.

زَبور 49:6

آیانی تئوکل په وتی زرّ و مالا اِنت و وتی مزنێن هستیئے سرا پهرَ کننت.

زَبور 5:5

پُرکِبر و گُروناک تئیی دێما اۆشتاتَ نکنت و چه سجّهێن بدکاران نپرتَ کنئے.

زَبور 52:1

او پُرزۆرێن مرد! چیا بدیئے سرا پهرَ کنئے؟ هُدائے مِهر دایمی اِنت.

زَبور 81:15

هما که چه هُداوندا نپرتَ کننت، دوتل و سرجهل بوتگ‌اتنت، تان اَبد اَنچش بوتگ‌اَت.

زَبور 94:4

اے مردم گۆن کِبرے هبرَ کننت، سجّهێن بدکار بٹاکَ جننت.

زَبور 97:7

آ سجّهێن مردم شرمسارَ بنت که بُت سُجدهَ کننت، هما که ناهودگێن بتانی پُشتا پهرَ بندنت. او سجّهێن ”هُدایان“! آییا سُجده کنێت.

زَبور 99:8

او هُداوند، مئے هُدا! تئو آ پَسّئو داتنت، تئو په اِسراییلا پَهلّ کنۆکێن هُداے اتئے، هرچُنت که آیانی گناهانی سزااِت هم دات.

مَتّا 15:4

هُدایا گوَشتگ: وتی پت و ماتا شرپ و اِزَّت بدئےو هرکَس که وتی پت و ماتا زاه و دْوا بدنت، باید اِنت کُشگ ببیت.

مَتّا 16:21

چه هما وهدا رَند ایسّا گۆن وتی مریدان په تچک و پَدّری هبر کنگا لگّت که ”اَلّما، باید اِنت اورشَلیما برئوان، چه کئومئے کماش، مزنێن دینی پێشوا و شَریَتئے زانۆگرانی دستا سکّی و سۆری بسگّان و کُشگ ببان و سئیمی رۆچا زندگ ببان و جاه بجنان.“

لوکا 21:16

تنتنا شمئے مات و پت، برات و سیاد و دۆست، شمارا گراێننت و لهتێنا کۆشارێننت.

یوهَنّا 7:7

دنیا چه شما نَپرت کرتَ نکنت بله چه من نَپرتَ کنت، چێا که من دنیائے مردمانی بارئوا گواهیَ دئیان که آیانی کار سِلّ اَنت.

کاسِدانی کار 5:36

کمّے وهدا پێسر هم تیوداس نامێن مردێا جاه جت و وتا مَزَن‌مردے زانتی، چار سدے مردم آییئے همراه بوت. بله آ کُشگ بوت و آییئے همراه سِست و سێد بوتنت و هچّ نبوت.

پولُسئے کاگد په رومیان 2:17

بله اگن تئو وتا یَهودیے زانئے و شَریَتئے سرا تئوکلَ کنئے، اگن گۆن هُدایا وتی نزّیکّیئے سرا پَهرَ بندئے،

پولُسئے کاگد په رومیان 2:23

تئو که شَریَتئے سرا پَهرَ بندئے، بارێن گۆن شَریَتئے پرۆشگا هُدائے بےاِزّتیا نکنئے؟

پولُسئے کاگد په رومیان 3:27

گڑا چِه چیزّئے سرا پَهر ببندێن؟ په پَهرا جاگهے نێست. کجام راه و رَهبندئے سرا اِشیا زانێن؟ نێکێن کار و کردئے رَهبندئے سرا؟ نه، باور و ایمانئے رَهبندئے سرا.

په تِسالونیکیان پولُسئے دومی کاگد 2:4

آ هُدائے هلاپا اۆشتیت و وتا چه هما سجّهێن چیزّان بالاتِرَ کنت که هُدائے نامِش پِر اِنت یا پَرستش کنگَ بنت. گُڈسرا وت هُدائے پرستشگاها نندیت و جارَ جنت که هُدا من آن.

په تیموتاووسا پولُسئے دومی کاگد 3:2

مردم وتی جندا دۆستَ دارنت، زردۆست، بَٹاکی، گروناک، زاه و بد کنۆک، پت و ماتئے ناپرمان، ناشُگر، ناپاک،

په تیتوسا پولُسئے کاگد 3:3

یکّ وهدے ما هم بےاَگل و ناپرمان و گُمراه بوتگێن و هر پئیمێن بدێن واهگ و هئوا و هئوَسانی گلام بوتگێن. ما وتی زند بدکاری و هسدّئے تها گوازێنتگ. نَپرتئے هکدار بوتگێن و ما گۆن یکدومیا نَپرت کُرتگ.

آکوب 3:5

همے ڈئولا، زبان و لِلّک هم انسانئے جسمئے یکّ هُردُکێن بهرے بله مزنێن گُرّگَ جنت. اَنچُش که آسئے هُردێن تریشکُکے، مزنێن جنگلے سۆچیت،

آکوب 4:16

بله نون چُش اِنت که په کِبرے پَهرَ کنێت. هر اے وڑێن پَهرے سِلّ اِنت.

پِتْرُسئے دومی کاگد 2:18

اے، بَٹاکَ جننت و هبرِش پوچ و هالیگ اَنت. هما مردمان گۆن جسمی بدێن واهگان پرێبَ دئینت و وتی داما پِرّێننت که نۆکی چه رَدکارانی دستا رَکّتگ‌اَنت.

یَهودائے کاگد 1:16

اے مردم، گلّه‌گزار، ایرازگِر و وتی بدکاری و سِلّێن واهگانی بُڈّتگێن اَنت، په وت پهرَ بندنت و په وتی نپ و سوتّان گۆن چاپلوسی و چَرپ‌زبانی مردمان ستا کننت.