زَبور 30:6 - هُدائے پاکێن کتاب، بلۆچی زبانا

⁶ من وتی آسودگیئے وهدا گوَشت: ”هچبر لرزێنگَ نبان.“

زَبور 30:6 Σταυροειδείς Αναφορές

زَبور 10:6

وتی دلا گوَشیت: ”هچبر چه وتی جاها سُرێنگ و جُمبێنگَ نبان نَسلانی نَسل چه کزا و بلاهان دورَ بان.“

زَبور 119:117

منا مُهر بدار که بِرَکّان، مُدام تئیی هُکمانی زِگرا کنان.

زَبور 126:6

هما که گرێوانا درَ کپیت و تُهمان په کِشَگا بارت، په شادهی کوکّار کنانا واتَرَّ کنت و وتی لۆٹُکانَ کاریت.

زَبور 15:5

هما که وتی زرّا په سوتّ مدنت و بێگُناهێئے هلاپا رشوَت مگیپت، آ که اِشان برجاهَ داریت هچبرَ نلرزیت.

زَبور 16:8

من مُدام هُداوند وتی دێم په دێما دیستگ، آ منی راستێن پهناتا اِنت، چه همے سئوَبا منَ نلرزان.

دانیال 4:30

بادشاها گوَشت: ”اے هما مزنێن بابِل نه‌اِنت که من گۆن وتی زبردستێن زۆرا اَڈّ کرت که منی پُرمڑاهێن شان و شئوکتا زاهر بکنت و منی شاهی کَلات ببیت؟“

لوکا 12:19

پدا گۆن وتَ گوَشان: ”تئو په بازێن سالان مزنێن مالے مُچّ کرتگ. نون آسودگ ببئے، وشّ بوَر و بنۆش و شادهی کن!“‘