زَبور 135:1 - هُدائے پاکێن کتاب، بلۆچی زبانا

¹ هُداوندا بنازێنێت، هَلّێلویا. هُداوندئے ناما بنازێنێت، او هُداوندئے هزمتکاران، هُداوندا بنازێنێت،

زَبور 135:1 Σταυροειδείς Αναφορές

زَبور 102:21

که سَهیونا هُداوندئے ناما جار بجننت و اورشَلیما آییئے ستایا بکننت،

زَبور 106:1

هُداوندا بنازێنێت، هَلّێلویا. هُداوندئے شُگرا بگرێت که نێک اِنت و مِهری اَبدمان.

زَبور 107:15

هُداوندئے شُگرا بگراتنت، آییئے مِهر و په بنی‌آدما آییئے باکَمالێن کارانی سئوَبا

زَبور 107:8

هُداوندئے شُگرا بگراتنت، آییئے مِهر و په بنی‌آدما آییئے باکَمالێن کارانی سئوَبا.

زَبور 111:1

هُداوندا بنازێنێت، هَلّێلویا. چه دلئے جُهلانکیا هُداوندئے شُگرا گران، نێکدلانی دیوانا، مُچّیئے نیاما.

زَبور 112:1

هُداوندا بنازێنێت، هَلّێلویا. بَهتاور اِنت هما که هُداوندئے تُرس آییئے دلا اِنت، هما که آییئے هُکمی سکّ باز دۆستَ بنت.

زَبور 134:1

جی هئو، هُداوندا بنازێنێت، او هُداوندئے سجّهێن هزمتکاران که شپان هُداوندئے لۆگا آییئے هزمتا کنگا اێت!

زَبور 148:13

اے سجّهێن، هُداوندئے ناما ستا بکناتنت، چێا که تهنا هماییئے نام مزن‌شان اِنت، هماییئے شان و شئوکت چه زمین و آسمانا بُرزادتر اِنت.

زَبور 150:6

هرچیزّا که ساه مان، هُداوندا ستا بکنات. هُداوندا بنازێنێت، هَلّێلویا.

زَبور 7:17

هُداوندا په آییئے اَدل و اِنساپا شُگرَ گِران، بُرزێن اَرشئے هُداوندئے ناما نازێنان.