زَبور 12:6 - هُدائے پاکێن کتاب، بلۆچی زبانا

⁶ هُداوندئے هبر اَسیل و بےائیب اَنت، نُگرَهئے پئیما که چه کورها در آتکگ و هپت رندا پاک و سَلّه کنگ بوتگ.

زَبور 12:6 Σταυροειδείς Αναφορές

زَبور 119:140

تئیی هبر پاک و پَلگار اَنت و تئیی هزمتکارا دۆست اَنت.

زَبور 18:30

هئو! هُدائے راه تمان و کاملێن راهے، هُدائے هبر بےائیب اَنت، په هرکَسا که آییئے گوَرا پناهَ زوریت، اِسپرے.

زَبور 19:8

هُداوندئے رهبند راست اَنت و دلا شادانَ کننت. هُداوندئے پرمان پاک اَنت و چمّان رُژناگَ کننت.

زَبور 66:10

او هُدا! چیا که تئو مارا چکّاسِتگ، تئو مارا نُگرهئے پئیما پلگارتگ.

زَبور 76:10

په انسانا تئیی هِژم هم تئیی سَتائے سئوَبَ بیت و پَشت کپتگێن هِژما تئو وتی لانکا بندئے.

زَبور 9:13

او هُداوند! منی سرا رهم کن، هما آزاران که چه دژمنانی دستا منا رسنت بچار، تئو که چه مرکئے دروازگان منا سرپرازَ کنئے،

دَرگوَز 3:7

هُداوندا گوَشت: ”منی مهلوک که مِسرا اِنت، من آیانی بزّگی شَرّیا دیستگ. من دیستگ که وتی بیگارگیرانی سئوَبا چۆن پِریاتَ کننت. آیانی دردان شَرّیا زانان.

دَرگوَز 3:8

من اێر آتکگان که آیان چه مِسریانی دستا برَکّێنان و چه اے مُلکا، شَرّێن و پراه و شاهِگانێن مُلکێا ببَران، اَنچێن مُلکێا که اۆدا شیر و بێنَگئے جۆ تچگا اَنت، کَنهانی و هیتّی و اَموری و پِریزّی و هێوی و یَبوسیانی مُلکا.

دَرگوَز 6:1

هُداوندا گۆن موسّایا گوَشت: ”نون تئو گندئے که من گۆن پِرئونا چے کنان. پِرئون منی زۆرمندێن دستا که گِندیت، مهلوکا رئوگا کِلّیت. هئو، منی زۆرمندێن دستا که گِندیت، آیان چه وتی مُلکا گَلّێنیت.“