زَبور 105:31 - هُدائے پاکێن کتاب، بلۆچی زبانا

³¹ آییا هبر کرت و مکسکانی لشکر آتکنت و پَشَّگ آیانی سجّهێن مُلکا مان رتک.

زَبور 105:31 Σταυροειδείς Αναφορές

زَبور 78:45

مکسکانی رُمبی آیانی نیاما راه داتنت که مکسکِش بورنت و پُگلانی رُمب، که بربادِش بکننت.

دَرگوَز 8:12

موسّا و هارون چه پِرئونئے کرّا شُتنت. موسّایا هُداوندئے کِرّا پریات کرت، هما پُگُلانی بارئوا که هُداوندا پِرئونئے چَکّا دئور داتگ‌اَتنت.

دَرگوَز 8:13

هُداوندا موسّائے دْوا گۆش داشت و پُگُل، لۆگ و پێشگاه و ڈگاران مُرتنت.

دَرگوَز 8:20

هُداوندا گۆن موسّایا گوَشت: ”سهبا ماهلّه پاد آ و وهدے پِرئون دێم په آپا رئوت، آییئے دێما در آ و بگوَشی: ’هُداوند چُشَ گوَشیت: ”منی مهلوکا بِلّ که رئوت و منا پرستشَ کنت.