مَتّا 2:11 - هُدائے پاکێن کتاب، بلۆچی زبانا

¹¹ لۆگا شتنت و نُنُّکِش آییئے مات مَریمئے گوَران دیست. گڑا کۆنڈان کپتنت و چُکِّش پرستش کرت، وتی تُهپه و ٹێکیانی هُکّه و زباددانِش پَچ کرتنت و سُهر و سۆچَگی و مُرِّش په نُنُّکا سئوگات کرتنت.

مَتّا 2:11 Σταυροειδείς Αναφορές

پێدایش 43:11

گڑا آیانی پت اِسراییلا گوَشت: ”اگن اَلّمی اِنت، گڑا چُش کنێت که چه مُلکئے شَرتِرێن چیزّان لهتێن وتی پێلِکان کنێت و په آ مردا ٹێکی برێت گۆن. کمّے بام، کَمّے بێنگ، سُسُرّ و پِسته و بادام و وَشبۆ برێت گۆن.

زَبور 2:12

چُکّا بچُکّێت چۆ مبیت که زهر بگیپت و شما راهئے نێما گار و بێگواه ببێت، چیا که آ اَناگت بْرانزَ گیپت. بَهتاور هما اَنت که آییئے مئیار و باهۆٹَ بنت.

زَبور 45:8

سجّهێن جامگِت گۆن مُرّ و اَوود و تۆجا مُشتگ و وشبۆ بوتگ‌اَنت. آجێن کَسرانی تها سیمّی سازانی زێمل ترا شادانَ کننت.

زَبور 72:10

تَرشیش و تئیابگوَرانی سرڈگارئے بادشاه هماییا سُنگ و مالیات بدئیاتنت، شێبا و سَبائے بادشاه په آییا ٹێکی بیاراتنت.

زَبور 72:15

اُمری باز بات، سَبائے تلاه آییئے پێشکش باتنت. مردم مُدام آییئے دْواگۆ باتنت و سجّهێن رۆچا په آییا برکت بلۆٹاتنت.

زَبور 95:6

بیاێت، سرا جَهلَ کنێن و سُجدهَ کنێن، وتی اَڈّ کنۆکێن هُداوندئے بارگاها کۆنڈانَ کپێن،

دَرگوَز 30:23

”اے شَرترێن وشبۆان بزور: پنچ سد شِکِل آپێن مُرّ، مُرّانی نێمئے کِساسا بزان دو سد و پنجاه شِکِلئے کِساسا وشبۆێن دارچینی، دو سد و پنجاه شِکِل وشبۆێن کانڈێل،

دَرگوَز 30:34

هُداوندا گۆن موسّایا گوَشت: ”اے چیزّان بزور و هئوار کن: درچکی شیرَگ، سَدَپ، گَلبَنوم و زَگرێن کُندِرک، سجّهێنانی کَچّ و کِساس یکّ ببیت.

مَتّا 1:18

ایسّا مَسیهئے پێدائِش اے ڈئولا اَت: ایسّائے مات مَریم، ایسُّپا سانگ کرتگ‌اَت بله چه آیانی سور و آرۆسا پێسر، زانتِش که چه هُدائے پاکێن روها، آییئے لاپ پُرّ بوتگ.

مَتّا 12:46

ایسّا اَنگت گۆن مردمان هبرا اَت که آییئے مات و برات آتک و ڈنّا اۆشتاتنت. آیان گۆن ایسّایا هبر کنگی اَت.

مَتّا 14:33

هما که بۆجیگا نِشتگ‌اَتنت، ایسّااِش ستا و سنا کنانا گوَشت: ”بێشکّ تئو هُدائے چُکّ ائے.“

مَتّا 2:10

چه اے اِستارئے گِندگا، سکّ باز وشدِل بوتنت.

مَتّا 2:2

جُستِش گپت: ”هما نُنُّک که په یَهودیانی بادشاهیا پێدا بوتگ، کجا اِنت؟ ما آییئے اِستار در آیگا دیستگ و په آییئے پرستش کنگا آتکگێن.“

لوکا 2:16

گڑا آ، په اِشتاپی راه گپت و همۆدا شتنت، ایسُّپ و مَریمِش در گێتکنت و نُنُّکِش کَهدانئے تها دیست.

لوکا 2:38

آ هم، هما ساهتا آیانی کِرّا آتک، هُدائے شُگری گپت و گۆن هما سجّهێن مردمان که اورشَلیمئے رَکّێنگئے رَهچار اَتنت، گوَشتی: ”اے چُکّ هما رَکّێنۆک اِنت.“

یوهَنّا 19:39

نیکودیموس، هما که پێسرا شپے ایسّائے گِندگا شتگ‌اَت، آتک و گۆن وت لهتێن هۆر و هئوارێن مُرّ و ائوود و کَرْزاَرواهی آورت که سی کیلوئے کِساسا اَتنت.

اِلهام 19:10

نون من آییئے پادانی دێما سُجده کنگا کپتان، بله منا گوَشتی: ”چۆ مکن، من هم تئیی و تئیی براتانی ڈئولێن هِزمتکارے آن که ایسّائے شاهدیا دئینت. هُدایا پرستش کن. ایسّائے بارئوا شاهدی دئیگ پئیگمبریئے جئوهر اِنت.“

اِلهام 5:8

وهدے توماری زرت چارێن سَهدار و بیست و چارێن کماش گوَرانڈئے دێما کپتنت، هر یکّێا چَنگے دستا اَت و تلاهێن دَرپِش گۆن اَت که سۆچُکیا پُرّ اَتنت. اے هُدائے پَلگارتگێن مردمانی دْوا اَتنت.