یوهَنّا 8:25 - هُدائے پاکێن کتاب، بلۆچی زبانا

²⁵ آیان جُست کرت: ”تئو کئے ائے؟“ ایسّایا پَسّئو دات: ”من هما آن که من چه بِنداتا شمارا گوَشت.

یوهَنّا 8:25 Σταυροειδείς Αναφορές

لوکا 22:67

جُستِش کرت: ”اگن تئو مَسیه ائے گڑا مارا بگوَش.“ ایسّایا پَسّئو دات: ”اگن من بگوَشان، باوَرَ نکنێت.

یوهَنّا 1:19

وهدے اورشَلیمئے شهرئے یَهودیان وتی لهتێن دینی پێشوا و لاوی کَبیلهئے مردم یَهیائے کِرّا رئوان دات که جُست بگرنت: ”تئو کئے ائے؟“ آییا اِنکار نکرت، تچک و په راستی گواهی دات و گوَشتی: ”من مَسیه نه‌آن.“

یوهَنّا 1:22

جُستِش کرت: ”تئو کئے ائے؟ ما باید اِنت په وتی رئوان دئیۆکان پَسّئوے ببرێن. وتی بارئوا چے گوَشئے؟“

یوهَنّا 10:24

یَهودی آییئے چپّ و چاگردا مُچّ بوتنت، گوَشتِش: ”تان کدێن مارا اے ڈئولا شکّئے تها دارئے؟ اگن تئو مَسیه ائے، راست و پکّا بگوَش.“

یوهَنّا 19:9

پیلاتوس پدا وتی کلاتا شت و اۆدا چه ایسّایا جُستی کرت: ”تئو چه کجا آتکگئے؟“ ایسّایا پَسّئو ندات.

یوهَنّا 8:12

ایسّایا پدا گۆن مردمان هبر کرت، گوَشتی: ”جهانئے رُژن و نور من آن. کَسے که منی رَندگیریا کنت، آییئے راه هچبر تهارَ نبیت و آ زِندئے رُژناییئے واهندَ بیت.“

یوهَنّا 8:24

من پمێشکا شمارا گوَشت که وتی گناهانی تها مرێت. اگن شما باور مکنێت که من هما آن، شما وتی گناهانی تها مرێت.“

یوهَنّا 8:26

منا بازێن هبرے هست که شمئے بارئوا بگوَشان و شمارا مئیاربار بکنان، بله منی دێم دئیۆک هما راستێن اِنت و من هر چیزّے که چه آییا اِشکتگ، گۆن جهانا گوَشانِش.“