یوهَنّا 16:17 - هُدائے پاکێن کتاب، بلۆچی زبانا

¹⁷ گڑا چه مُریدان لهتێنا گۆن یکدگرا گوَشت: ”پَرچا گوَشیت: ’کمّێن وهدێا رَند منا نگندێت، بله پدا کَمُّکے رَندترا منا گندێت،‘ یا اے هبر که آ گوَشیت: ’پتئے کِرّا رئوان،‘ آییئے مکسد چے اِنت؟“

یوهَنّا 16:17 Σταυροειδείς Αναφορές

مَرکاس 9:10

آ، اے هبرئے سرا بَه مَنت و وت‌مان‌وت جێڑگا اَتنت که چه مُردگان جاه جنَگ و زندگ بئیگئے مانا چے اِنت؟

مَرکاس 9:32

بله مرید آییئے اے هبرا سرپد نبوتنت و چه آییا جُست کنگِش هم تُرست.

لوکا 18:34

آییئے مرید چه اے هبران یکّێا هم سرپد نبوتنت. ایسّائے اے هبرانی مانا چه آیانی زانتا چێر اَت و آیان سَرکِچ نئوارت که ایسّا چے گوَشگا اِنت.

لوکا 9:45

بله مرید آییئے اے هبرا سرپد نبوتنت، چێا که په آیان رَمز و رازے اَت. چه ایسّایا جُست کنگِش هم تُرست.

یوهَنّا 12:16

ائولا اے چیزّانی مانا په مُریدان پکّا نه‌اَت، بله رَندا که ایسّائے شان و شئوکت زاهر بوت، مُرید یاتا کپتنت که اے چیزّ آییئے بارئوا نبیسگ بوتگ‌اَنت و مردمان هم گۆن آییا هما پئیما کرتگ.

یوهَنّا 14:22

یَهودا اِسْکَریوتیا نه، دومی یَهودایا جُست کرت: ”او هُداوند! چێا وتا په ما زاهرَ کنئے بله په جهانا زاهرَ نکنئے؟“

یوهَنّا 14:5

تومایا گوَشت: ”او هُداوند! ما نزانێن که تئو کجا رئوئے، گڑا راها چۆن زانتَ کنێن؟“

یوهَنّا 16:1

من اے چیزّ گۆن شما گوَشتنت که شما مٹَگلێت و رَد مئوَرێت.

یوهَنّا 16:16

کمّێن وهدێا رند شما منا نگندێت، بله پدا کَمُّکے رَندترا منا گندێت.“

یوهَنّا 16:18

آ وت‌مان‌وت گوَشگا اَتنت: ”آ که گوَشیت ’کمّێن وهد،‘ چه اِشیا آییئے مراد چے اِنت؟ ما نزانێن که آ چے گوَشیت؟“

یوهَنّا 16:19

ایسّایا زانت که اے بارئوا آ چه من جُست کنگَ لۆٹنت. گڑا گوَشتی: ”شما منی همے هبرئے بارئوا گۆن یکدومیا جُست و پُرسا اێت که من شمارا گوَشت کمّێن وهدێا رَند شما منا نگندێت، بله پدا کَمُّکے رَندترا منا گندێت؟

یوهَنّا 16:5

نون من وتی دێم دئیۆکئے کِرّا رئوان و چه شما هچکَس جُستَ نکنت که کجا رئوئے؟