یوهَنّا 15:5 - هُدائے پاکێن کتاب، بلۆچی زبانا

⁵ من انگورئے درچک آن و شما ٹال اێت. هرکَس که منی دل و درونا مانیت و من آییئیگا، آ بازێن بَر و سَمرے کاریت، چێا که شما چه من جِتا هچّ کارے کرتَ نکنێت.

یوهَنّا 15:5 Σταυροειδείς Αναφορές

مَتّا 13:21

بله په اے سئوَبا که ریشّگ و وَنڈالی نجتگ، هُدائے هبر آییئے دلا، تان دێرا نمانیت و جاگهَ نکنت. وهدے هُدائے گال و هبرانی سئوَبا سکّی و آزارے برسیتی، هما دمانا چه راها ٹَگلیت و کپیت.

یوهَنّا 12:24

شمارا راستێنَ گوَشان، اگن گَندُمئے دانَگ هاکئے چێرا مرئوت و ممِریت، هچبر چه یکّ دانَگێا گێشترَ نبیت، بله اگن بمریت، بازێن دانَگے پێدا کنت.

یوهَنّا 15:16

شما منا گچێن نکرتگ، من شمارا گچێن کرتگ و دێم داتگ که شما برئوێت و بَر و سَمر بیارێت، اَبدمانێن بَر و سَمر. گڑا هرچے که منی نامئے سرا چه پتا بلۆٹێت، شمارا دنت.

یوهَنّا 5:19

گڑا ایسّایا گوَشت: ”شمارا راستێنَ گوَشان، چُکّ وتسرا هچّ کارے کرتَ نکنت، پتئے کارانَ گندیت و آیانی رَندگیریا کنت. هر کارے که پتَ کنت، چُکّ هم هما کارا کنت.

یوهَنّا 9:33

اگن اے مرد چه هُدائے نێمگا مئیاتکێن، نتوانتی هچّ چُشێن کارے بکنت.“

کاسِدانی کار 4:12

چه آییا اَبێد دگه رَکّێنۆکے نێست، چێا که آسمانئے چێرا، ایسّائے ناما اَبێد، مردمان دگه نامے دئیگ نبوتگ که گۆن آییا ما رَکّت بکنێن.“

پولُسئے کاگد په رومیان 12:5

ما که باز اێن، مَسیهئے اَرواه و جَبینا یکّێن جِسم و جان اێن و چه ما هر یکّے، یکدومیئے بَند و بۆگ اِنت.

پولُسئے کاگد په رومیان 6:22

بله نون که چه گناهئے نێمگا آزات بوتگێت و هُدائے گُلام اێت، سَمرے که کَٹّێت پَلگاری اِنت و آییئے آسر نمیرانێن زِند.

پولُسئے کاگد په رومیان 7:4

او منی براتان! همے پئیما چه مَسیهئے جِسم و جانئے راها شما چه شَریَتا آزات بوتگ و مُرتگێت تان دگه کَسێئے ببێت، هماییئے ببێت که چه مُردگان جاه جناێنگ بوت، تان په هُدایا بَر و سَمر بیارێن.

په گَلاتیان پولُسئے کاگد 5:22

بله پاکێن روهئے بَر و سَمر اِش اَنت: مِهر، شادِه، اێمنی، سَبر و اۆپار، مِهربانی، شَرّی، وَپاداری،

په پیلیپیان پولُسئے کاگد 1:11

چه پهرێزکاریئے هما بر و سمرا پُرّ ببێت که چه ایسّا مَسیهئے برکتا کئیت، په هُدائے شان و شئوکت و ستایا.

په پیلیپیان پولُسئے کاگد 4:13

من مَسیهئے برکَتا هرچے کرتَ کنان، چێا که هما منا زۆر و توانَ دنت.

په پیلیپیان پولُسئے کاگد 4:17

من ٹێکیئے واهگدار نه‌آن، بله په شما هما ”سوتّئے“ واهگدار آن که شمئے هسابئے تها گێش کنگَ بیت.

آکوب 1:17

هر نێکێن داد و هر تمانێن تُهپه و ٹێکی چه بُرزا کئیت، چه نور و رُژنئے پتئے نێمگا که هچبر بدلَ نبیت و هچّ تهاری و ساهگێا آییئے اَرواه و جَبینا راه نێست.

پِتْرُسئے ائولی کاگد 2:4

ایسّا مَسیهئے نێمگا بیاێت، هما زندگێن سِنگ که مردمان پسند نکرت و نزرت بله هُدایا گچێن کرت و آییئے چمّا ایسّا بێمَٹّ و پُراَرزش اَت.

پِتْرُسئے دومی کاگد 3:18

گۆن مئے هُداوند و رَکّێنۆک ایسّا مَسیهئے رهمت و زانتا، رُست و رُدۆم گِران ببێت. شان و شئوکت انّون تان اَبد، هماییا برسات. اَنچُش بات. آمین.