یوهَنّا 11:38 - هُدائے پاکێن کتاب، بلۆچی زبانا

³⁸ ایسّا پدا سکّ نگێگ بوت و ایلازَرئے کَبرئے سرا شت. کَبر گارے اَت و ڈۆکے دپا اێر اَتی.

یوهَنّا 11:38 Σταυροειδείς Αναφορές

پێدایش 23:19

نون اِبراهێما وتی لۆگی سارَه، مَکپێلَهئے ڈگارئے گارا، کَنهانئے سرزمینا کبر کرت. اے گار مَمرِهئے نزّیکّا اِنت و مَمرِه هِبرونا اِنت.

مَتّا 27:60

هما نۆکێن کبرئے تها اێر دات که په وت چه تَلارا تراشتگ‌اَتی. مزنێن ڈۆکے لێٹ دئیانا کَبرئے دپا اێری کرت و شت.

مَتّا 27:66

گڑا شتنت و کبرئے دَپئے مزنێن ڈۆک مُهر و مۆمبند کرت و سپاهیگِش پانگ کرتنت.

مَرکاس 15:46

ایسُّپا، لیلُمێن گُدے بها گپت و آورت، آییئے جۆن چه سَلیبا اێر گێتک و هما گُدئے تها کَپن کرت. کَبرێئے تها که چه پێسرا چه تَلارا تْراشگ و تئیار کنگ بوتگ‌اَت، ایسّایی کَبر کرت و مزنێن ڈۆکے لێٹ دئیانا کَبرئے دپا اێر کرت.

مَرکاس 8:12

ایسّایا چه دلا آه و گینسارتے کَشّت و گوَشتی: ”اے زمانگئے مردم، چێا آسمانی نشانیَ لۆٹنت؟ باور کنێت که آیان هچّ نشانیے دئیگَ نبیت.“

لوکا 24:2

بله دیستِش هما ڈۆک که کبرئے دپا اَت لێٹ گپتگ و چه وتی جاگها ٹَگلتگ.

یوهَنّا 11:33

ایسّایا که مَریَم و آییئے همراهێن یَهودی گرێوگا دیستنت، سکّ نگێگ و پَدَرد بوت.

یوهَنّا 20:1

هپتگئے ائولی رۆچا، بزان یکشَمبِهئے سَباها ماهَلّه که اَنگت تهار اَت، مَریَم مَگدَلینی کَبرئے سرا شت و دیستی که هما ڈۆک که کَبرئے دپا اَت، چه کَبرا دور کنگ بوتگ.