په گَلاتیان پولُسئے کاگد 5:20 - هُدائے پاکێن کتاب، بلۆچی زبانا

²⁰ بُت‌پَرستی، سِهر و جادوگری، نپرت، جنگ و جَدَل، هَسَدّ، هِژم، وَتواهی، سِست و سێد، گرۆه‌بندی،

په گَلاتیان پولُسئے کاگد 5:20 Σταυροειδείς Αναφορές

پولُسئے کاگد په رومیان 2:8

بله په وَتواه و هما مردمان وتی کَهر و گَزبا گوارێنیت که هَکّ و راستیئے بدلا بَدکاریئے رَندگیر اَنت.

په گَلاتیان پولُسئے کاگد 5:15

شما یکدومیا چیلّێنگ و ورَگا اێت، بچارێت، یکدومیئے دستا تباه مبێت.

په تیتوسا پولُسئے کاگد 3:10

انچێن مردمے که باورمندانی رُمبا پرُشت و پرۆشَ کاریت، یکّ و دو رندا آییا هبردار کن. اگن شَرّ نبوت، وتا چه آییا دور بدار.

آکوب 3:14

بله اگن شمئے دلا تهلێن هَسَدّ و وتگَرَزی مان اِنت، گڑا پَهر مکنێت، درۆگ مبندێت و اے راستیا بمَنّێت.

پِتْرُسئے دومی کاگد 2:1

بله مردمانی نیاما درۆگێن نبی هم هست‌اَت، هما دابا که شمئے نیاما درۆگێن استاد ودیَ بنت که چێراَندری بێران کنۆکێن باوَران رئواجَ دئینت، تنتنا وتی هُداوندا هم نمَنّنت که آیی گۆن وتی هۆنا بها زرتنت. آ گۆن تێزێن گار و بێگواهیێا دُچارَ کپنت.

یوهَنّائے ائولی کاگد 3:15

کَسے که چه براتا بێزارَ بیت و نَپرتَ کنت هۆنیگے. شما زانێت، هۆنیگێن مردمے هچبر نمیرانێن زِندئے واهندَ نبیت.

اِلهام 21:8

بله لگۆر و ناباور و هما که بَژّناک اَنت، هۆنیگ و زِنهکار و جادوگر و بُت‌پرست و سجّهێن درۆگبند، اِشانی آسر اِش اِنت که آسئے گوَرما گۆن آس و گۆکُرتا سۆچگ ببنت. اے دومی مرک اِنت.“