دَرگوَز 8:26 - هُدائے پاکێن کتاب، بلۆچی زبانا

²⁶ بله موسّایا گوَشت: ”ما چۆ کرتَ نکنێن. چێا که ما په وتی هُداوندێن هُدایا اَنچێن کُربانیگَ کنێن که په مِسریان بَژّناک اَنت. اگن ما مِسریانی چمّانی دێما اَنچێن کُربانیگ بکنێن که په آیان بَژّناک اَنت، مارا سِنگسارَ نکننت؟

دَرگوَز 8:26 Σταυροειδείς Αναφορές

پێدایش 43:32

په ایسُّپا جتا پَرزۆنَگے پَچِش کرت و په آییئے براتان جتا. هما مِسری که اۆدا ورگا اَتنت، آیانی پَرزۆنَگ هم جِتا اَت، چێا که مِسریان گۆن اِبرانیان هۆر ورگَ نئوارت. آیانی نِزّا اے سکّێن بَژّناکێن کارے اَت.

پێدایش 46:34

شما بگوَشێت که ’تئیی کَستر چه کَسانیا شپانک و مالدار بوتگ‌اَنت، وتی پت و پیرُکانی پئیما.‘ گڑا شمارا اے اجازتَ رسیت که گۆشِنئے دَمگا جَهمنند ببێت که مِسریانی نِزّا سجّهێن شِپانک بَژّناکێن مردم اَنت.“

دَرگوَز 3:18

اِسراییلئے کماش تئیی هبران گۆشَ دارنت. شما هۆریگا مِسرئے بادشاهئے کرّا برئوێت و گۆن آییا بگوَشێت که هُداوند، بزان اِبرانیانی هُدا مئے دێما زاهر بوتگ. نون مارا رَزا بدئے که ما گیابانا سئے رۆچئے راها رئوێن و په وتی هُداوندێن هُدایا کُربانیگَ کنێن.

دَرگوَز 8:8

پِرئونا موسّا و هارون لۆٹاێنتنت و گوَشتی: ”هُداوندئے کرّا دْوا کنێت که پُگُلان چه من و منی مردمان دور ببارت. من شمئے مهلوکا رئوگا کِلّان که په هُداوندا کُربانیگ بکنت.“