دَرگوَز 12:36 - هُدائے پاکێن کتاب، بلۆچی زبانا

³⁶ هُداوندا هم مِسریانی نِزَر په اِسراییلیان نێک کرتگ‌اَت. پمێشکا آیان هرچے لۆٹتگ‌اَت، مِسریان داتگ‌اَت. اے پئیما مِسریانی دئولَتِش برت.

دَرگوَز 12:36 Σταυροειδείς Αναφορές

پێدایش 15:14

بله من، آ کئوما سِزا دئیان که تئیی نَسلا گُلامَ کنت. پدا تئیی پَدرێچ گۆن مزنێن مال و مَڈّیێا چه اۆدا درَ کئیت.

پێدایش 39:21

بله هُداوند گۆن آییا گۆن اَت و وتی مِهری په ایسُّپا گوارێنت و بندیجاهئے مسترئے دلی په ایسُّپا نرم کرت.

زَبور 105:37

وتی مردمی زَرّ و سُهرا بار کرت و ڈنّا آورتنت و چه آیانی کَبیلهان کَسّا ٹگل نئوارت.

دَرگوَز 11:2

مهلوکا بگوَش که هرکَس، هر مردێن و هر جنێن وتی همساهگئے کِرّا چه نُگره و تِلاها اَڈّ بوتگێن سامان بلۆٹیت.“

دَرگوَز 11:3

هُداوندا مِسریانی نِزَر په وتی مهلوکا نێک کرت. موسّائے جند هم مِسرئے مُلکا پِرئونئے هِزمتکار و مردمانی چمّان سکّێن مزنێن مردمے بوت.

دانیال 1:9

نون هُدایا کارمسترئے دلا په دانیالا مِهر و همدردی پێدا کرت،

کاسِدانی کار 2:47

هُدااِش سَتا و سَنا کرت و سجّهێن مهلوکا آ دۆست اَتنت. هُداوند هم رۆچ په رۆچ رَکّێنتگێن مردمان گێشا چه گێشتر کنان اَت.

کاسِدانی کار 7:10

چه سجّهێن سکّی و سۆریان رَکّێنتی. هُدایا آ، همینچُک لاهکی و زانت و زانگ دات که مِسرئے بادشاه، پِرئونئے مِهر و اِهتباری په وت کَٹّت و پِرئونا آ وتی سَرجمێن مُلک و مِلکتئے کارمَستر کرت.