دانیال 2:46 - هُدائے پاکێن کتاب، بلۆچی زبانا

⁴⁶ بادشاه نِبوکَدنِزَر دێم په چێر کپت و دانیالی سُجده کرت و هُکمی دات که دانیالئے دێما هئیراتے بکنێت و سۆچُکی چێرسۆچ بکنێت.

دانیال 2:46 Σταυροειδείς Αναφορές

دانیال 3:5

هما دَمانا که شما کَرنا، نَل، چَنگ، سرۆز، تَمبورگ، ڈُهل و اے دگه سجّهێن ساز و زێملانی تئوارا اشکنێت، اَلّم بادشاه نِبوکَدنِزَرئے مِکّ کناێنتگێن تلاهێن بُتئے دێما بکپێت و سُجدهی بکنێت.

دانیال 3:7

پمێشکا هما دَمانا که آیان کَرنا، نَل، چَنگ، سرۆز، تَمبورگ و اے دگه سجّهێن ساز و زێملانی تئوار اِشکت، هر کئوم و راج و هر زُبانئے مردم، بادشاه نِبوکَدنِزَرئے مِکّ کناێنتگێن تلاهێن بُتئے دێما کپتنت و سجدهِش کرت.

دانیال 8:17

گڑا آ منی نزّیکّا همۆدا آتک که من اۆشتاتگ‌اَتان. منا تُرسے جانا کپت و دێم په چێر کپتان. آییا منا گوَشت: ”سرپد بئے، او انسانئے چُکّ! شُبێن هلاسیئے وهدئے بارئوا اِنت.“

لوکا 17:16

ایسّائے پادان کپت و شُگری گپت. آ، چه سامِریان اَت.

کاسِدانی کار 10:25

وهدے پِتْرُس آییئے لۆگا آتک و رَست، کُرنیلیوسا وشّاتک کرت و سُجده کنان آییئے پادان کپت.

کاسِدانی کار 14:13

زِووسئے پرستشگاه شهرئے ڈنّا اَت. پرستشگاهئے مسترا، په پولُس و بارنابایا کاییگرێن گۆک و پُلّ و شۆشِنگ شهرئے دروازگا آورتنت. پرستشگاهئے مستر و مردمانی رُمب همے شئورا اَتنت که په آیان کُربانیگ بکننت.

کاسِدانی کار 28:6

مردم چارگا اَتنت که اَلّما آییئے جسم و جان گواتَ گیپت یا کپیت و مریت. تان دێرا ودارِش کرت بله وهدے دیستِش آییا چُشێن هچّ چیزّے نبوت، گڑا آیانی هئیال بدل بوت و گوَشتِش: ”اے چه هُدایان یکّے.“

اِلهام 11:16

نون بیست و چارێن کماش که وتی تَهتانی سرا هُدائے دێما نِشتگ‌اَتنت، دێم په چێر کپتنت و هُدااِش نازێنت.

اِلهام 19:10

نون من آییئے پادانی دێما سُجده کنگا کپتان، بله منا گوَشتی: ”چۆ مکن، من هم تئیی و تئیی براتانی ڈئولێن هِزمتکارے آن که ایسّائے شاهدیا دئینت. هُدایا پرستش کن. ایسّائے بارئوا شاهدی دئیگ پئیگمبریئے جئوهر اِنت.“

اِلهام 22:8

و منِ یوهَنّا، هما آن که اے چیزّی اِشکتگ و دیستگ‌اَنت. وهدے من اِشکت و دیست، هما پرێشتگئے پادانی دێما په سُجدها کپتان که منا اے چیزّی پێش داشتنت.