کاسِدانی کار 8:3 - هُدائے پاکێن کتاب، بلۆچی زبانا

³ بله شاوولا، کِلیسائے برباد کنگ بِندات کرت. لۆگ په لۆگَ شت، مردێن و جنێن چه لۆگان درَ کرت، کَشّان کنانَ برت و جێلَ کناێنتنت.

کاسِدانی کار 8:3 Σταυροειδείς Αναφορές

کاسِدانی کار 16:19

وهدے مۆلدئے هُدابُندان دیست که آیانی نپ و کَٹّئے اُمێت هلاس بوت، گڑا آیان پولُس و سیلاس گپت، کَشّان کرت و بازارا، شهرئے مسترانی کِرّا برتنت.

کاسِدانی کار 22:19

من گوَشت: ’او هُداوند! آ وَه زاننت که من هر جاگه، کَنیسَهان شتگان و تئیی باوَرمند جتگ و جێل کناێنتگ‌اَنت.

کاسِدانی کار 7:58

کَشّان کنان، چه شهرا ڈنّ، در کرت و سِنگسار کنگِش بِندات کرت. هما مردمان که آییئے سرا درۆگێن شاهدی داتگ‌اَت، وتی شال و کباه چه گوَرا در کرت و شاوول نامێن مردێئے کِرّا اێر کرتنت.

کاسِدانی کار 8:2

لهتێن هُدادۆستێن مردما، اِسْتیپان کبر کرت و په آییا مزنێن سوگ و پُرسے داشت.

کاسِدانی کار 9:21

هرکَسا که آییئے هبرَ اِشکت، هئیرانَ بوت و جُستیَ گپت: ”اے هما مرد نه‌اِنت که اورشَلیما ایسّائے نام گِرۆکانی گار و گُمسار کنگئے رَندا اَت؟ اِدا هم پمێشکا نئیاتکگ که ایسّائے مَنّۆگران بگیپت و مزنێن دینی پێشوایانی کِرّا ببارت؟“

په گَلاتیان پولُسئے کاگد 1:13

شما منی پێسریگێن زِندئے بارئوا اِشکتگ که من یَهودیانی دینئے هسابا گوازێنتگ. من هُدائے کلیسا سکّ باز آزار داتگ و جهدُن کرتگ که کلیسایا تباه بکنان.

په پیلیپیان پولُسئے کاگد 3:6

اگن دینی جۆش و گئیرتئے گپّ اِنت، من کلیسا آزار داتگ و اگن شَریَتئے هسابا پَهرێزکاریئے گپّ اِنت، بےائیب بوتگان.

په تیموتاووسا پولُسئے ائولی کاگد 1:13

هر چُنت که پێسرا کُپر کنۆک، آزار دئیۆک و شِدّتیێن مردمے اَتان، بله هُداوندا منی سرا رَهم کرت، چێا که من چه وتی ناباوریا زانَگا نه‌اَتان که چے کنگا آن.

آکوب 2:6

بله شما نێزگارانی بےاِزّتی کرتگ. اے هستۆمند نه‌اَنت که شمئے سرا سِتمَ کننت و شمارا گِّرێننت و هَکدیوانانَ برنت؟