کاسِدانی کار 13:1 - هُدائے پاکێن کتاب، بلۆچی زبانا

¹ اَنْتاکیَهئے کِلیسایا، لهتێن نبی و استاد هست‌اَت: بارنابا، شَمون که ”سیاهَل“ هم گوَشگَ بوت، لوکیوس که کِرینیئے باشندَهے اَت، مَناهین که هاکم هیرودیسئے دربارا، آییئے کسانیئے سنگت اَت و شاوول.

کاسِدانی کار 13:1 Σταυροειδείς Αναφορές

مَتّا 27:32

وهدے رئوگا لگّتنت، شَمون نامێن مردے دیستِش که کِرینیئے شهرئے مردمے اَت. سپاهیگان آ په بیگار گپت که ایسّائے سَلیبا بَڈّا بکنت.

لوکا 3:1

رومئے بادشاه، تیبِریوس کئیسَرئے بادشاهیئے پانزدهمی سال اَت. هما رۆچان، پُنتیوس پیلاتوس، یَهودیَهئے والی اَت. هیرودیس، جَلیلئے هاکم اَت. هیرودیسئے برات پیلیپُس، اِتوریَه و تْراهونیتیسئے هاکم اَت و لیسانیاس، آبیلینیئے هاکم اَت.

کاسِدانی کار 11:30

آیان همے ڈئولا کرت و اے ٹێکی، بارنابا و شاوولا په کِلیسائے کماشان رسێنت.

کاسِدانی کار 12:25

وهدے بارنابا و شاوولا گۆن کُمکّ و ٹێکیانی رسێنگا وتی کار سَرجم کرت، چه اورشَلیمئے سپرا پِر ترّت و آتکنت و یوهَنّااِش که مَرکاس هم گوَشگَ بوت، گۆن وت آورت.

کاسِدانی کار 13:9

شاوولا که پولُس هم گوَشگَ بیت، چه پاکێن روها سررێچ، اِلیماسئے نێمگا چمّ سکّ داتنت و گوَشتی:

کاسِدانی کار 15:32

یَهودا و سیلاس که وت هم نبی اَتنت، اۆدئے براتِش گۆن بازێن هبران دِلبڈّی دات و آیانی باوَرِش مُهرتر کرت.

کاسِدانی کار 15:35

پولُس و بارنابا، اَنْتاکیَها مهتل بوتنت و گۆن دگه بازێن مردمان هۆر بوت و هُداوندئے هبرِش تالیم دئیان و شِنگ کنانَ کرت.

کاسِدانی کار 19:6

پولُسا وتی دست آیانی بَڈّا جت و پاکێن روه آیانی دلا پُترت، نون آ نۆکێن زبانان هبر کنگا لگّتنت و پئیگمبری‌اِشَ کرت.

کاسِدانی کار 21:9

آییا چار نِشتگێن جنێن‌چُکّ هست‌اَت که پئیگمبریئے سئوگاتِش چه هُدائے نێمگا رَستگ‌اَت.

کاسِدانی کار 4:36

ایسُّپ نامێن مردێا هم ڈگارے هست‌اَت، بهایی کرت، زَرّی آورت و کاسِدانا داتنت. آ کِبْرِسیے اَت و چه لاویانی کَبیلها اَت. کاسِدان آییئے نام بارنابا کرتگ‌اَت، بزان ”دِلبڈّیئے چُکّ“.

کاسِدانی کار 9:1

شاوول، اَنگت هُداوندئے مریدان پادتراپ دئیان، آیانی کُشت و کۆشئے چِن و لانچا اَت. آ، مسترێن دینی پێشوائے کِرّا شت و

پولُسئے کاگد په رومیان 16:21

منی همکار تیموتاووس شمارا دْرۆت و درهباتَ گوَشیت، اَنچُش منی سیاد لوکیوس، یاسون و سوسیپاتِروس په شما سلام دێمَ دئینت.

په گَلاتیان پولُسئے کاگد 2:13

کێپائے اے دوتَل و دوپۆستیا اے دگه یَهودی باورمند همراه بوتنت. آ دگران بِلّ، بارنابا هم آیانی دوتَل و دوپۆستیا گۆن کپت و گُمراه بوت.

په گَلاتیان پولُسئے کاگد 2:9

آکوب و کێپا و یوهَنّا که کلیسائے مِنُک زانگَ بوتنت، وهدے سرپد بوتنت که منا رهمتئے اے سئوگات رستگ، وتی راستێن دستِش منی و بارنابائے نێمگا په همکاریا شهارت که ما درکئومانی کرّا برئوێن و آ، سُنّت کرتگێنانی کرّا برئونت.

په پیلیپیان پولُسئے کاگد 4:22

سجّهێن پَلگارتگێن برات و گهار شمارا سلامَ کننت، هاس کئیسَرئے لۆگئے مردم.

په تِسالونیکیان پولُسئے ائولی کاگد 5:20

پێشگۆییان کمشرَپ مکنێت،