San Juan 16:29 - Guahibo

²⁹ Nexata Jesús pijajivi jumaitsi: —Baja rajane jumenapebetsiaya panetsipaebame. Najumematayatsia baja apo panetsipaebimë.

San Juan 16:29 Σταυροειδείς Αναφορές

San Mateo 13:34

Jesús itsa tsipaeba jivijavabelia Dioso pijajivi pevetsijavanexa, livaisianë tsipaebapona ëcomparacióncuenia.

San Marcos 8:32

Jesús jumenapebetsiaya pijajivi xaniavaetsia tsipaeba mapajumeje. Nexata Pedro junata Jesús pebarëponatabinexa pesaicaeyojavabelia. Nexata Pedro pesaicaeyojavatalia jumaitsi Jesúsjavabelia: —Pëtsa bajarapacuenia cuaicuaijamë netëpaejavanexa yabara, jai Pedro Jesúsjavabelia.

San Juan 10:6

Bajarapacuenia Jesús oveja pevetsinëcuenia nataeya comparacióncuenia nalivaisipaeba fariseovijavabelia. Itsiata fariseovi apo jumeyapëtaetsi Jesús comparacióncuenia penalivaisipaebijava.

San Juan 16:25

Icatsia Jesús jumaitsi pijajivijavabelia: —Palivaisi baja pacatsipaebabiabatsi, najumematayatsiaya pacatsipaebabiabatsi. Itsiata itsamatacabi livaisi apo pacatsipaebi tsanetsi najumematayatsiaya. Biji rajane pacatsipaebianatsi jumenapebetsiaya taxa pelivaisi.