Magtubu di Pol wal bɨn̰ kalaŋ ga Rɔm 8:2 - Gabri Maja

² Na cɨndi, dɔnɔ di da Turnɔ di da Kumu di ba bəŋ sɔmɛ-bɨra a te bugoŋ pɨna dan̰ Jesu-Kɨris le, dɔrɔŋ coŋ a te dɔnɔ di da ɨsɨna gɨŋ bɨ, tɨma dɨŋ bɨ.

Magtubu di Pol wal bɨn̰ kalaŋ ga Rɔm 8:2 Σταυροειδείς Αναφορές

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 6:63

Na turnɔ da Kumu ba bɨn̰ ungo sɔmɛ-bɨra gɨ dan̰ cɨndi, ama kuyoŋdi-gusi ungo laa danayi naŋ. Kɔl nɔm gɨ ɨŋ ba yəgɨŋ le, sayga na gusi Turnɔ di da Kumu bɨ, bee sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 8:32

Hɨn̰ wo̰ na, kɨŋ kɨya sɔlɛ kɔl gɨ cɨndi gɨ ojɨ cay Kumu bɨ, kɔl gɨ cɨndi kɨya lɔɔ gɨ kɨŋ kɨya bɨləŋ kalaŋ ga ka-sɔmɛ cayge kalɨn̰ bɨ.»

Kɔl-gɨ-Ɗari gɨ Ja̰ wal 8:36

Hɨn̰ gɨ kurɨn̰ Kumu na ɗa caygɨŋ wɨya kalɨn̰ na, kɨŋ kɨya bɨle kalaŋ ga cayge woy kalɨn̰ leen̰ cɨndi.

Magtubu di Pol wal bɨn̰ kalaŋ ga Rɔm 16:3

Laan̰gɨŋ Pɨrisil dan̰ Agilas, lapɨya bəŋ. Kan na kamnɨ ka-lɔɔ gɨye pɨna danaŋ te bugoŋ pɨna gɨŋ dan̰ Jesu-Kɨris.

Magtubu di Pol wal bɨn̰ kalaŋ ga Rɔm 3:27

Naa hɨn̰ wo̰ na, kɛ kɨɗɨn̰ ga ungo kɨya dogɨn̰ jorgii woy nee ga? Kɨɗɨn̰di unɔ. Na kɨya wa ma kɨɗɨn̰ ga ungo kɨya ɓale dogɨn̰ jorgii nee unɔ ga? Na kɨya gɨ ban kɨya ɓale bɨle durɔ ɗɨngar dan̰ gɨyəŋ gɨ da gɨye-lɔɔdi naŋ, ama na dan̰ gɨyəŋ gɨ da aye kudurɔ.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 6:14

Na cɨndi, ɨsɨna kɨya dɔɔ-ƴaa caygɨŋ naŋ ɨni, kɨya wa kɨŋ na a te dɔnɔ di da gasɨn̰-kɔl gɨ da Moyis dɨŋ naŋ ɨni, ama na ɗarwa di da Kumu ba-dɔɔ-ƴaa caygɨŋ.

Magtubu di Pol wal bɨn̰ kalaŋ ga Rɔm 6:18

Kɨŋ andaŋ a kobi guyɔŋdu di da ɨsɨna gɨŋ coŋ ɨni, lee gɨ kɨŋ bɨle na gɔyɔŋ ga da lɔɔ hɨnga ga dan̰ durɔ ɗɨngar.

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

Magtubu di Pol wal bɨn̰ kalaŋ ga Rɔm 7:21

Hɨnga ga ɨŋ ba sol a gusɨnɨ ba kɛ: Ɨŋ gey lɔɔ hɨnga ga ɗari hange, ama na ɨsɨna ƴɔbɨ ma maŋ ɓal lɔɔ.

Magtubu di Pol wal bɨn̰ kalaŋ ga Rɔm 7:23

ama ɨŋ andaŋ a cay hɨnga ga ɗaŋ ga ɨŋ sol a gusɨnɨ ga gey dɔɔ-ƴaa canɨ bɨ wɔrɨn̰ɛ dan̰ ɨrɨmenɨ bɨ. Lee gɨ ɨŋ bɨle ba-dangay a te dɔɔ-ƴaa di da ɨsɨna gɨ woy a gusɨnɨ.

Magtubu di Pol wal bɨn̰ kalaŋ ga Rɔm 7:4

Ay karmɨnɨ ga ban̰aŋ dan̰ ga kandɨ, kɨŋ-gandi kalɨn̰ ma kogɨŋ woy na hɨn̰ wo̰ ojɨn̰ cay gasɨn̰-kɔl bɨ. Dan̰ gɨyəŋ gɨ da bugoŋ pɨna kogɨŋ dan̰ Kɨris le, kɨŋ na kalaŋ ga kɨŋ ma ɨni bɨ, kɨŋ duroŋ a te dɔnɔ di da gasɨn̰-kɔl gɨŋ coŋ ɨni bɨ, lee gɨ kɨŋ na ga da ungo gɨ ɗaŋ. Kɨŋ na kalaŋ ga da Kɨris gɨ boy lɨbɨ duroy kalaŋ ga mage ɗe ana na leen̰ hɨnga ga ɗari ga Kumu gey.

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

1 Korɛ̰t 15:45

Na toy di hɨn̰ wo̰ ma walge duroy Magtubu di da Kumu dɨŋ yege hɨn̰: «Adam, ungo gɨ cay wase le Kumu bii sɔmɛ-bɨra.» Ama ojɨn̰ cay Adam gɨ kardi nee gɛs na, na ban mana kuyoŋdi-gusu gɨ da turnɔ gɨ ba bɨn̰ kalaŋ sɔmɛ-bɨra.

2 Korɛ̰t 3:17

Ba-gulɔŋ le na Turnɔ di da Kumu, kɨɗɨn̰ ga Turnoy Ba-gulɔŋ woy a nee le, na kɨɗɨn̰ ga ni somɨn̰-dan̰-ca kalɨn̰.

2 Korɛ̰t 3:6

Na ban ba bɨni dan̰ tɔgɨ di ojɨ ɗe ani na bɨlɨn̰ ka-gɨye bɨ, ani na leen̰ gɨye bɨn̰ Kumu a te saɗe kɨbɨ pɨna ɓɨse gusu gɨ hɨrɨwa gɨŋ bɨ. Saɗe kɨbɨ pɨna ɓɨse gusu gɨ hɨrɨwa gɨ nee le na gɨ da gasaŋ ga walge jɨne naŋ, ama na gɨ da Turnɔ di da Kumu di dor tumoyna. Kɨya wa gasaŋ ga walge a duroy magtubu dɨŋ le ɨrgan̰ na dan̰ tɨma, ama Turnɔ di da Kumu ɨrgan̰ na dan̰ sɔmɛ-bɨra gɨ dan̰ tumoyi.

Galad 2:19

Kɨya wa ɨŋ na ungo gɨ ɨŋ ma kol cay gasɨn̰-kɔl. Bɨ tɨma di ɨŋ ma le, na kɨya cay gasɨn̰-kɔl gɨ nee le ma kan dɨɗəŋge, ɗe gɨ ɨŋ na sɨma dan̰ cɨnɨ na kɨya leen̰ gɨye bɨn̰ Kumu. Ɨŋ na ungo gɨ kan gagɨlaŋge a cay sɨya-gɨ-dagɨligɨŋ pɨna dan̰ Kɨris coŋ.

Galad 5:1

Kɨris bɨlnagɨŋ leen̰ kalaŋ ga somge cayge kalɨn̰, ɗe gɨ ana na orɨn̰gɨŋ cay nagɨŋ kalɨn̰. Ɨrgɨŋ usa cay nee bɨ, kan̰agɨŋ bɨle gɔyɔŋ coŋ ɗaŋ coŋ.

Galad 6:2

Gɨrɨn̰gɨŋ gusɨgɨŋ nee ƴan̰gɨŋ hɨnga ga nɨn̰i ga kɨŋ kojɨ. Na hɨn̰ wo̰ ma magɨŋ kɨya lɔɔ gasɨn̰-kɔl gɨ da Kɨris le dɨɗe.

Magtubu di Jag wal 1:25

Ama waŋ waŋ gɨ na ɗa cɨndi dɨŋdɨn̰ gasɨn̰-kɔl gɨ ɗari gɨ duroŋ dan̰ durɔ cɨrɛɗ, gɨ dor guyɔŋdu da ɨsɨna bɨ, da tɨma bɨ, cay kalaŋ coŋ le, kɨɗɨn̰ ga ban na ɨr cay nee jaŋ aya laan̰ gɨye bɨ, ja ɗa kuduroy hala gɨybəŋ guyɔbɨ cay nee naŋ bɨ na, ungo gɨ nee le, tumoy wolwa kɨya wɔyɛ a cay gɨye-lɔɔdi gɨŋ nɔm gɨ ban kɨya lɔɔ.

Wasɨn̰a 11:11

Ama kardi wɔlɛ ga sɨbɨ dan̰ kɨway ga nee le na, habe gɨ ni somɨn̰-bɨra sayga gusi Kumu andaŋ gusɨge lee gɨ kan boyge lɨbɨ. Kɨɗɨn̰di ga nee gaŋ le, kalaŋ ga ɨre solge le, hundɔrɔ boyge dɨɗɨge.

Wasɨn̰a 22:1

Kardi nee, ba-ƴɔbɛ gɨ daa nii le gɨləŋ kaŋdi kuray gɨ ungo na saa na kɨya sɔmɛ-bɨra. Kaŋdi kuray gɨ kaŋdi ɨre arɨn̰ cərərə bɨrɨŋ gɨ toyge ga dugo kalɨn̰ ma ungo ɓal sɔlɛ, andaŋ na a te kali-tɨrɨmbala di da Kumu dɨŋ bɨ, da Kurɨn̰-dɨmangɨ dɨŋ bɨ.