Pilib 4:8 - Gabri Maja

⁸ Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

Pilib 4:8 Σταυροειδείς Αναφορές

Matɨyo 22:16

Kardi nee na, gɨyge ka-aye-cay-tɨbayige ga pɨna wo̰ duroyge dan̰ kalaŋ ga da Ɛrɔd gusi Jesu, ɗe na or ɨngɨriige yon̰ hɨn̰: «Ba-gɨlɨn̰ kalaŋ hɨnga, ni sol gɨ ji na ba yɔ kɔl gɨ cɨndi bɨ, ji gɨlɨn̰ kalaŋ gɨyəŋ gɨ da Kumu na dan̰ kɔl gɨ cɨndi dɨle hɨndare ungo bɨ. Kɨya wa ji laa hɨnga na kɨya ƴon̰ cɨn̰ ungo naŋ.

Marg 6:20

Kɨya wa Ɛrɔd been̰ Ja̰ ba-lɔɔ batɛm kɔl nee, kɨya gɨ ban sol Ja̰ naa ungo gɨ dan̰ durɔ ɗɨngar bɨ, naa ungo gɨ woy dan̰ cɨndi bɨ, lee gɨ ban gamii. Na cɨndi kɔl gɨ da Ja̰ lee gɨ ɨrɨmedi or jɨn̰ kɛ kɛ, ama naa hɨn̰ wo̰ kalɨn̰ ma Ɛrɔd dor sɨmayi jen̰ kɔl koyi dan̰ gusi-mɔwa.

Kɔl-gɨ-Ɗari gɨ Lug wal 16:15

Jesu yege hɨn̰: «Kɨŋ-gandi le, kɨŋ lee gusɨgɨŋ leen̰ kalaŋ ga ka-ɔrɛ dan̰ durɔ ɗɨngar tumoy kalaŋ. Ama kɨŋ kɨya ɓale nare Kumu naŋ, ban sol dan̰ kuduroygɨŋ. Hɨnga ga kalaŋ sol leen̰ hɨnga ga kuɗa tɔgɨ le, Kumu sol leen̰ na hɨnga ga ni bɨrane a tɨdi.

Kɔl-gɨ-Ɗari gɨ Lug wal 2:25

Sɨlagɨŋ! Wɔlɛdi gɨ nee le, bara gɨ pɨna wo̰ som a cay ƴaa-di-gumu di Jerusalɛm dɨŋ gusondi na Simin̰o. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ. Ban som gam na jɨne hayi, ban gɨ Ba-jale ɗugɔ te wɨn̰je gɨ da Ɨsɨrayɛl. Turnɔ ɗe-kuduroy-bɛrɛ le baa dan̰ Simin̰o.

Kɔl-gɨ-Ɗari gɨ Lug wal 23:50

Bɨ ga ma, ungo gɨ pɨna wo̰, gɨ gusondi na Jɨsɛb, ban na ungo gɨ a cay ƴaa-di-gumu di da Jubɨ di toge Arimate. Bara gɨ nee le, na ungo gɨ a duroy ka-bɔyɛ kɔl ga da Jubɨ. Ban na ungo gɨ kuɗa bɨ, ungo gɨ dan̰ durɔ ɗɨngar bɨ. Ban bugoŋ pɨna dan̰ ka-bɔyɛ kɔl cay kɔl gɨ kan boyge le naŋ bɨ, cay hɨnga ga kan ba lee le naŋ bɨ. Ban bee kuduroy cay dɔɔ-ƴaa di da Kumu di ba kɨya caga le.

Kɔl-gɨ-Ɗari gɨ Ja̰ wal 7:18

Ungo gɨ ye kɔl dan̰ gusondi koyi gaŋ le, mal na gusoŋ-tɔgɛ koyi ban. Ama ungo gɨ ba male gusoŋ-tɔgɛ gɨ da ban gɨ ba gɨygii na, ban na ungo gɨ hɨnde, lee gɨ hɨnga ga dan̰ gɨyəŋdɨge naŋ unɔ kuduroy.

Gɨye-lɔɔ 10:22

Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.»

Gɨye-lɔɔ 22:12

«Bɨ a cay ƴaa-di-gumu di nee le, bara gɨ pɨna wo̰ gɨ gusondi na Ananɨyas som a nee. Ban na ungo gɨ hɨndar Kumu bɨ, na ungo gɨ ɨre a cay Gasɨn̰-kɔl gɨ da Moyis gaŋ bɨ, kalaŋ ga ni Jubɨ nɔm ga Damas yege koldi kuɗa bɨ.

Gɨye-lɔɔ 6:3

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kuɗa gɨ kɨŋ tɨra ban̰aŋ jurgum duroyna, kan ga gusondɨge ye kuɗa bɨ, ga Turnɔ ɗe-kuduroy-bɛrɛ ƴee kuduroyge pɨl pɨl bɨ, ga muɗɔldɔŋ bɨ, ɗe ana bee gɨye gɨ nee le kobɨge.

Magtubu di Pol wal bɨn̰ kalaŋ ga Rɔm 13:13

Kuɗa gɨ haldɨna wɨya hɨn̰ hal gɨ da kalaŋ ga somge asɨn̰a gɨŋ wo̰. Ƴɨmanagɨŋ gusɨna cay dɔɔ harɨne gɨŋ bɨ, cay kɔyɛ cɛrɛ gɨŋ bɨ, cay yɔyɛ gorɨn̰ daa gɨŋ bɨ, cay yɔyɛ gɨ toyi kan̰di kan̰di gɨŋ bɨ, cay bɔjɨn̰ɛ gɨŋ bɨ, cay jangɨ dɨŋ bɨ.

Magtubu di Pol wal bɨn̰ kalaŋ ga Rɔm 13:3

Na cɨndi, ungo gɨ ba lɔɔ hɨnga ga ɗari le, kɨya hundɔrɔ ka-dɔɔ cay ƴaa naŋ. Ama na ungo gɨ ba lɔɔ hɨnga ga ɨsɨni ba kɨya hɨndarge. Hɨn̰ gɨ ji na gey hundɔrɔ ba-dɔɔ cay ƴaa naŋ na, laa hɨnga ga ɗari. Ji na laa hɨnga ga ɗari na, ban kɨya hɨramɨn̰.

Magtubu di Pol wal bɨn̰ kalaŋ ga Rɔm 14:18

Ungo gɨ na kɨba Kɨris dan̰ lɔɔ gɨye gɨ hɨn̰ wo̰ na, ƴee cɨn̰ Kumu bɨ, kalaŋ nɔm gey kɔl koyi bɨ.

Magtubu di Pol wal bɨn̰ kalaŋ ga Rɔm 2:29

Ama ungo gɨ ni Jubɨ gɨ hɨnde le, ban na Jubɨ a ɗugoyi bɨ wale ban̰a toyi le na wale ban̰a di da ɗugɔ. Wale ban̰a di nee le na Turnɔ di da Kumu ba lɔɔ, wala kalaŋ ga ɨndəŋ ba lɔɔ kɨya bogɨn̰ kɔl cay gasɨn̰-kɔl gɨŋ naŋ. Ungo gɨ ni Jubɨ gɨ hɨnde gɨ hɨn̰ wo̰ le, hɨn̰ gɨ kalaŋ na hɨramayige naŋ kalɨn̰ ma, Kumu na hɨrami.

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

2 Korɛ̰t 13:7

Ni ol Kumu ɗe gɨ kɨŋ na gɨ lɔɔ hɨnga ga ɨsɨni pɨna naŋ. Ɔlɛ koni na ɗe gɨ kalaŋ na sɨlage cɨn̰-narwa toni naŋ, ama na ɗe gɨ kɨŋ na laan̰ hɨnga ga ɗari. Ko kalaŋ ga pɨna na yage gɨ ni na gabaŋ duroy kɔbɛ gusɨni gɨŋ kalɨn̰ ma kɨya andɨge hɨnga naŋ.

2 Korɛ̰t 6:8

Kalaŋ ga pɨna dɨbɨge gusoŋ-tɔgɛ cayni bɨ, kan ga ɗaŋ hagɨrnige bɨ. Kalaŋ ga pɨna yege kɔl gɨ ɨsɨni cayni bɨ, kan ga ɗaŋ yege kɔl gɨ ɗari cayni bɨ. Leenige leen̰ kalaŋ ka-yɔɔ-kɔl poy, ama ni na ka-yɔɔ kɔl gɨ cɨndi.

2 Korɛ̰t 8:18

Ungo gɨ ni ba kɨya gɨyii danayi le kɨŋ solii. Ka-aye kudurɔ ga a kɨɗɨn̰ ga da Ka-Daye gaŋ nɔm hɨramiige kol gɨye-lɔɔdi a te tɔgɛ bɛrnɛ Kɔl-gɨ-Ɗari gɨŋ.

2 Korɛ̰t 8:21

Ni mal lɔɔ hɨnga ga ɗari na cɨn̰ Ba-gulɔŋ ƴɔbɨ naŋ, ama na cɨn̰ kalaŋ bɨ.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Epɛs 4:25

Na toy di hɨn̰ wo̰ ma, jɨbgɨŋ poy sɛdɨ coŋ, kuɗa gɨ waŋ waŋ kalɨn̰ ma yan̰ mɨgay kɔl gɨ cɨndi. Kɨya wa na-gandi nɔm le, na na kuyoŋ-gusu gɨ pɨna.

Epɛs 5:9

Kɨya wa kɨɗɨn̰ ga asɨn̰ ɨrgan̰ na dan̰ ɨrɨmedi hɨnga nɔm ga ni lɔɔ dan̰ kuduroy-ɗarwa bɨ, hɨnga ga dan̰ durɔ bɨ, hɨnga ga cɨndi bɨ.

Epɛs 6:14

Na toy di hɨn̰ wo̰ ma sɨmagɨŋ cay tɨbaygɨŋ dɨŋ, sɔndurɔŋ gɨ ni saɗɨn̰ te wɨrndɨgɨŋ na kɔl gɨ cɨndi bɨ, badɨge ga ni nare kagɨŋ na gɨye-lɔɔ gɨ dan̰ durɔ ɗɨngar bɨ,

Pilib 3:1

Gɨ ojɨ cay te kɔl gɨ ba baa na, ay karmɨnɨ ga ban̰aŋ dan̰ ga kandɨ, laagɨŋ gusi-mɔwa cay bugoŋ gɨ kɨŋ bugoŋ pɨna dan̰ Ba-gulɔŋ. Jɔgɛ wale magtubu bɨgɨŋ ojɨn̰ cay hɨnga ga pɨna hage ga ɨŋ ba yəgɨŋ koldɨge tumɔ le usaŋ naŋ. Ɨŋ jɨga ye hɨn̰ wo̰ ɗaŋ, na ɗe gɨ na laa danagɨŋ.

Kɔlɔs 4:5

Sɨmagɨŋ dan̰ cɨn̰-muɗɔlɛ a duroy kalaŋ ga na ka-aye kudurɔ naŋ. Kɨɗɨn̰ ga kɨŋ na waa gɨyəŋ gɨ ni loon̰ hɨnga ga ɗari na laagɨŋ daa bɨrɨŋ bɨrɨŋ.

1 Tesalonigɨ 4:12

Hɨn̰ gɨ kɨŋ na laa hɨn̰ wo̰ na, kalaŋ ga doŋ kɨya dɨbege hurɔmɔ cay gɨye-lɔɔdɨgɨŋ bɨ, kɨŋ kɨya nɨn̰in̰ ungo pɨna naŋ bɨ.

1 Timote 2:2

Kɨya cay kɛrɨmbɛlɛŋ bɨ, ka-dɔɔ cay kalaŋ nɔm bɨ. Ɗe gɨ ana somɨn̰gɨŋ kɨɗɨn̰ pɨna bɨ, dan̰ gusi-dɔbɛ bɨ, boy gɨye-lɔɔ gɨ bugoŋ pɨna dan̰ Kumu bɨ, boy bɔgɛ kɔl a cay hɨnga nɔm gaŋ bɨ.

1 Timote 3:11

Gɨ da kandɨ kalɨn̰ ma koge na hɨn̰ wo̰ bɨ. Kuɗa gɨ kan woyge hɨn̰ kandɨ ga kalaŋ hɨndar turnoyge bɨ, ka-yɨle kɨɗɨn̰ naŋ bɨ, ka-ƴɔmɛ gusɨge cay hɨnga bɨ, lee gɨ kalaŋ bee kuduroyge cayge kɨya cay hɨnga nɔm.

1 Timote 3:4

Sol dɔrɛ tumoyi kalaŋ ga duroy ƴaadi dɨŋ kuɗa bɨ, sol lɔɔ ɗe karɨndi beeyige kɔl nee kuɗa bɨ, dan̰ hurɔmɔ bɨ.

1 Timote 4:12

Ɗɔɔ gɨ ungo hagɨrɨn̰ kɨya gɨ ji naa marɨna naŋ. Ama kuɗa gɨ kɔl yɔdɨn̰ bɨ, gɨye-lɔɔdɨn̰ bɨ, ƴɔmɛ wandɨ ton̰ bɨ, aye kudurɔ kon̰ bɨ, haldɨn̰ gɨ duroŋ mɨra bɨ, wɨya na hɨnga ga ni gɨle, kɨya cay ka-aye kudurɔ.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

1 Timote 5:2

Kandɨ ga esɨdəŋ, hɨn̰ gɨ kan naa ƴon̰ɨn̰in̰ wo̰ bɨ, kambɨle, hɨn̰ gɨ kan na karmɨn̰ ga kandɨ wo̰ bɨ, dan̰ gɨye-lɔɔ gɨ duroŋ mɨra.

Titɨ 1:8

Ama kuɗa gɨ ban wɨya na ungo gɨ ba ƴɔmɛ kɨrge gusi bɨ, na ungo gɨ hɨnga ga ɗari moyi lɔɔ bɨ. Ban kɨya sɔlɛ na hɨnga ga ɗari dɨm ma kɨya lɔɔ bɨ, na ungo gɨ ba lɔɔ hɨnga ga dan̰ durɔ ɗɨngar bɨ, hɨnga ga woy dan̰ cɨndɨge bɨ, ungo gɨ ba ƴɔmɛ gusi osɨwa cay hɨnga gaŋ bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Titɨ 2:2

Yan̰ ban̰aŋ ga əsɨdəŋ gɨ kan naa ka-ƴɔmɛ gusɨge kɨbɨ hɨnga gaŋ bɨ, kalaŋ ga ɓalge gɨ kalaŋ bɨgage kɔl cayge bɨ, ka-sɔlɛ hɨnga ga ɗari dɨm ma kɨya lɔɔge bɨ. Yage gɨ kan na ƴɨma usa a te aye kudurɔ gɨŋ bɨ, te geye bɨ, te dɨbe-ɗugɔ dɨŋ bɨ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

Əbɨro 11:2

Na kɨya cay aye kudurɔ koge ma, mon̰iinagɨŋ ga jɨne le Kumu lee tɨmon̰ kuɗa kol cayge.

Əbɨro 13:18

Ulagɨŋ Kumu kol cayni. Ni sol leen̰ cɨndi gɨ ɨrɨmedɨni gɨlni hɨnga ga ɨsɨni kol cayni naŋ. Kɨya wa ni gey kɔbɛ gɨye-lɔɔ gɨ ɗari a te hɨnga nɔm.

Magtubu di Jag wal 1:27

Kɔbɛ Kumu gɨ cɨndi gɨ ƴee cɨn̰ Bayna Kumu le, na jɨbe te magɔrnɛ bɨ, kandɨ ga kodɨn̰ige madɨrdaŋ bɨ, boy dɔsɛ-ɗugɔ toge dɨŋ. Ɗɔɔgɨŋ gɨ cay gɨsəŋ bɨlgɨŋ leen̰ kalaŋ ga mɨdagɨdaŋ naŋ.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 4:8

Tumoy hɨnga nɔm na, geygɨŋ gusɨgɨŋ duroygɨŋ dan̰ geye gɨ ɨl cum. Kɨya wa geye na hɨnga ga kɨya tɔlɛ cay ɨsɨnan̰əŋ ga dan̰ kondige.

2 Pɨyɛr 3:1

Karmɨnɨ ga ɨŋ lee-toygɨŋ, magtubu di woy kɛ le na di ni cay sɔɔdo di ɨŋ wal gɨyɨn̰ bɨgɨŋ. Bɨ duroy magtubu nɔm ga nee le sɔɔɗɨmɔŋ na, ɨŋ mal na lɨbe ɨrɨme gɨ dan̰ durɔ ɗɨngar gɨ woy kuduroygɨŋ le, ɗe agɨŋ hɨnɨn̰ cay hɨnga ga ni gɨle le.

1 Ja̰ 3:18

Ay, karɨnɨ kange, ɗɔɔ gɨ na geyegɨŋ gusɨnagɨŋ dan̰ kɔl gɨ a kɨbɨnagɨŋ ƴɔbɨ naŋ, ama kuɗa gɨ na geygɨŋ gusɨnagɨŋ dan̰ gɨye-lɔɔdɨnagɨŋ bɨ dan̰ geye gɨ hɨnde bɨ.

1 Ja̰ 3:3

Waŋ waŋ gɨ na bɨga ɨrɨmedi hɨn̰ wo̰ a cay Kɨris na, kuɗa gɨ ban dɨran̰ gusi mɨra hɨn̰ gɨ Kɨris gusi ba leen̰ mɨra wo̰ bɨ.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.