Pilib 1:30 - Gabri Maja

³⁰ Haw kɛ na, kɨŋ dɨbɨ gusɨgɨŋ a boy wɔrɨn̰ɛ gɨ tumɔ ɨŋ ba som worɨn̰ii le bɨ. Wɔrɨn̰ɛ gɨ nee le, labɨde kalɨn̰ ma ɨŋ woy kɨbɨ nee te wɔrɨn̰ɛ ƴee, hɨn̰ gɨ kɨŋ ba sol le kɔ.

Pilib 1:30 Σταυροειδείς Αναφορές

1 Tesalonigɨ 2:2

Hɨn̰ gɨ kɨŋ ba sol le, tumɔ pa dɨm ma gɨ ni kɨya bugoŋ tagɨŋ le, gɨlnige-cɨn̰ bɨ, yagɨdɨnige bɨ, a cay ƴaa-di-gumu di Pilib dɨŋ. Ama Kumu bɨni bandɨ lee gɨ ni tee bɛrnɛ di Kɔl-gɨ-Ɗari koyi, dɨle hundɔrɔ duroy kondɨwadi kɨmbɨl.

2 Timote 4:7

Ɨŋ worɨn̰ wɔrɨn̰ɛ gɨ kuɗa bɨ, ɨŋ dɨɗɨ kɨbɨ gɨre hɨnge bɨ, ɨŋ gam aye kudurɔ hɨnge bɨ.

Əbɨro 12:4

Gɨsɨn̰ haw kɛ kalɨn̰ ma kɨŋ ƴɨma gusɨgɨŋ usa kɨbɨ kɨmbɨl gɨŋ dan̰ ɨsɨna maran̰ naŋ ƴee.

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.

1 Timote 6:12

Wɨrɨn̰a wɔrɨn̰ɛ gɨ kuɗa gɨ da aye kudurɔ bɨ, ƴɨma sɔmɛ-bɨra gɨ dan̰ cɨndi gɨ Kumu ba teen̰ koldi le bɨ. Hɨn̰ gɨ ji ba yen̰ kɔl aye kudurɔ kon̰ kuɗa tumoy tɨmon̰ ga kondi gaŋ le.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

Pilib 1:13

Na toy di hɨn̰ wo̰ ma, asɨgarn̰əŋ nɔm ga ka-game ƴaa tɨrɨmbala di da ba kɨbɨ kɨlma gɨ gumu bɨ, te kalaŋ ga ɗaŋ ga baage nɔm bɨ, solɨn̰ge gɨ naa kol cay Kɨris ma maŋ na won̰ dangay dɨŋ le.

Kɔlɔs 2:1

Leen̰ cɨndi na, ɨŋ gey gɨ kɨŋ na sɨla kardi wɔrɨn̰ɛ gɨ osi tɔgɨ gɨ ɨŋ ɨre kɨbɨ nee worɨn̰ kol caygɨŋ bɨ, kol karmɨni ga ban̰aŋ dan̰ ga kandɨ ga a Lawdise bɨ, kol kalaŋ ga ɗaŋ ga sɨlaŋge dan̰ cɨndɨge naŋ bɨ.

Əbɨro 12:1

Na-gandi kalɨn̰ ma dɨmdɨrdi tɨmon̰ dan̰ kondiige nɨwɨrege cay nagɨŋ. Na toy di hɨn̰ wo̰ ma kuɗa gɨ hɨnga nɔm ga ba narnagɨŋ ɔrɛ dan̰ cɨndɨnagɨŋ tumɔ bɨ, ɨsɨna gɨ ba nongɨrdɨnagɨŋ haw wo̰ bɨ le, ɗagenagɨŋ coŋ. Bɨ gɨre gɨ kan ba molnagɨŋ gɨredi le, ɗe gɨ ana ƴomgɨŋ kuduroynagɨŋ osu gɨrɨn̰ bɨrɨŋ dɨɗɨn̰ kɨbi.