Matɨyo 5:3 - Gabri Maja

³ «Tumoy wolwa woy kol caygɨŋ, kɨŋ ga kɨŋ sol gusɨgɨŋ gɨ kɨŋ na orɨn̰ dan̰ n̰agedi Kumu, Kɨya wa dɔɔ-ƴaa di daa nii na togɨŋ!

Matɨyo 5:3 Σταυροειδείς Αναφορές

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 11:6

Tumoy wolwa woy kol cay ungo gɨ ɨŋ bɨl gundo gɨ ba dɔgɛ tɨbayi nayi naŋ.»

Matɨyo 13:16

«Ama kɨŋ-gandi na tumoy wolwa woy kol caygɨŋ, kɨya gɨ cɨndɨgɨŋ sol kɨɗɨn̰ bɨ, sɨmayi gɨŋ je kɔl bɨ.

Matɨyo 19:14

Ɨni na, Jesu yege hɨn̰: «Ɗagɨŋ dan̰ karɨn̰aŋ ɗe ɨrgage gusɨnɨ, bɨ nargegɨŋ naŋ, kɨya wa dɔɔ-ƴaa di daa nii le, woy na kɨya cay kalaŋ ga woy hɨn̰ kan le wo̰.»

Matɨyo 24:46

Kɨɗɨn̰ ga ba-ƴaadi na jɨge ma na wa guyɔŋ koyi a kɨbɨ gɨye gɨŋ na, tumoy wolwa kɨya wɔyɛ kɨya cayi.

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 8:11

Aŋ yəgɨŋ, kalaŋ dan̰ kondɨwayge kɨya sɔge jɨn̰ te kumu dan̰ kɨɗɨn̰ ɗɔbɛ ga da tɨwa bɨ, ɨrgage sɔmɛge kɨbɨ hɨnga ga ni dɔɔ ga ni gusi-mɔwa ga gumu, dan̰ Abɨraham bɨ, Isag bɨ, Jagob bɨ, boy dɔɔ-ƴaa di daa nii dɨŋ.

Marg 10:14

Kɨɗɨn̰ ga Jesu sol hɨnga ga nee le na moyi naŋ, lee gɨ ban yege hɨn̰: «Ɗagɨŋ karɨn̰aŋ le ɗe ɨrgage gusɨnɨ! Nargegɨŋ naŋ. Kɨya wa dɔɔ-ƴaa di da Kumu le, na di da kalaŋ ga woyge hɨn̰ kan wo̰.»

Kɔl-gɨ-Ɗari gɨ Lug wal 11:28

Ama Jesu jɨga dɨboo cay nee yoo hɨn̰: «Ho’o, na kalaŋ ga ba jege kɔl gɨ da Kumu ayge leen̰ge gɨye dɨm ma, tumoy wolwa woy kol cayge ƴee.»

Kɔl-gɨ-Ɗari gɨ Lug wal 18:14

Aŋ yəgɨŋ daa waŋ, duroy kalaŋ ga sɔɔ le, ungo gɨ kɛ le jogɨ ɨndi tayi, hɨn̰ ungo gɨ dan̰ durɔ ɗɨngar wo̰. Ama Parɨsɨn̰a le jogɨ ɨndi tayi hɨn̰ ungo gɨ dan̰ durɔ ɗɨngar naŋ wo̰. Kɨya wa waŋ waŋ gɨ na laa gusi laan̰ ungo gɨ gumu na, Kumu kɨya bɨlii loon̰ ungo gɨ dḛ, ama ungo gɨ na laa gusi laan̰ ungo gɨ dḛ na, Kumu kɨya bɨlii loon̰ ungo gɨ gumu.»

Kɔl-gɨ-Ɗari gɨ Lug wal 22:29

Na ban ma hɨn̰ gɨ Banɨ ba bəŋ dan̰ dɔɔ-ƴaa le, ɨŋ-bandi kalɨn̰ ma ɨŋ bɨgɨŋ dan̰ dɔɔ-ƴaa le bɨ.

Kɔl-gɨ-Ɗari gɨ Lug wal 22:30

Na toy di hɨn̰ wo̰ ma, kɨŋ kɨya dɔɔ bɨ, sɔɔ bɨ a kɨbɨ hɨnga ga ni dɔɔ gɨŋ a boy dɔɔ-ƴaa tɨnge dɨŋ. Bɨ kɨŋ kɨya somɨn̰ a cay kali-tɨrɨmbala dɨŋ bon̰ kɔl a cay te wɨn̰je ga mɔjɨ-cayge-sɔɔ ga Ɨsɨrayɛl.»

Kɔl-gɨ-Ɗari gɨ Lug wal 4:18

«Turnɔ di da Ba-gulɔŋ baa danaŋ, Ban dɔrɔŋ ɗe aŋ na tee bɛrnɛ Kɔl-gɨ-Ɗari bɨn̰ ka-n̰age bɨ, Ban gɨyəŋ ɗe aŋ na tee bɛrnɛ bɨn̰ kan ga woyge a dangay dɨŋ gɨ kan na kɨya ɗoge daa bɨ, Ɗe aŋ na yen̰ ka-bɨbe, gɨ kan na kɨya sɔlɛ kɨɗɨn̰ bɨ, Ban gɨygəŋ ɗe aŋ na yen̰ kan ga kan ba gɨlge cɨn̰-n̰age gɨ Kumu na kɨya dorge kɨbɨ cɨn̰-n̰age dɨŋ bɨ.

Kɔl-gɨ-Ɗari gɨ Ja̰ wal 20:29

Jesu dɨbi cay nee yeyi hɨn̰: «Ji bee kuduron̰ canɨ na kɨya gɨ ji sɔlɔŋ dan̰ cɨndɨn̰. Ama kan ga ba beege kuduroyge canɨ dɨle sɔlɔŋ dan̰ cɨndɨge le, tumoy wolwa woy kol cayge.»

Magtubu di Jag wal 1:10

bɨ kuɗa gɨ kurɨndɨna gɨ ba wɔɔ hɨnga kalɨn̰ ma, laa gusi-mɔwa kɨya jɔgɛ gɨ Kumu jɨgan̰ danayi dugo bɨ. Kɨya pɨde gɨ ban kɨya pɨde hɨn̰ bɨn̰edi hɛɗɨmɛ ga a coŋ wo̰ bɨ.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

Wasɨn̰a 19:9

Ɨni na, ba-ƴɔbɛ gɨ daa nii gɨ pɨna wo̰ yəŋ hɨn̰: «Wala dugo: Tumoy wolwa woy a cay kalaŋ ga molgege a kɨɗɨn̰ gɔrɛ gɨ da Kurɨn̰-dɨmangɨ gɨŋ le.» Ban jɨga yəŋ ɗaŋ hɨn̰: «Ho’o, kɔl nɔm gɨ ba kɛ le, na kɔl gɨ da Kumu leen̰ cɨndi hage.»

Wasɨn̰a 22:14

Tumoy wolwa kɨya wɔyɛ kol cay kalaŋ ga pɨlge badɨge kage ga sɨngɨɗɨdəŋ. Kɨya wa badɨge kage na arɨn̰a na, kan kɨya wɔɔ gɨyəŋ gɨ ni andɨn̰ duroy cay ƴaa-di-gumu dɨŋ bɨ, dɨn̰ge wɔɔdi hɨya gɨ ungo na daa na kɨya somɨn̰-bɨra bɨ.

Wasɨn̰a 3:17

Kɨya wa kɨŋ ye hɨn̰: “Ni na ka-wɔɔ hɨnga bɨ, kandi-wɔɔ walɨn̰ gusɨni tɛlɛlɛ tɛlɛlɛ bɨ, n̰agedi hɨnga pɨna wo̰ laani naŋ bɨ.” Ama kɨŋ sɨla gɨ leen̰ cɨndi toygɨŋ na bɛrɛ naŋ bɨ, kɨŋ sɨla gɨ cɨndɨgɨŋ na laa n̰age naŋ bɨ, wɔɔdɨgɨŋ na unɔ naŋ bɨ, kɨŋ naa ka-bɨbe naŋ bɨ, kɨŋ na ɨra toygɨŋ kalɨn̰ naŋ bɨ.