Kɔl-gɨ-Ɗari gɨ Lug wal 3:1 - Gabri Maja

^1-2 Kɔl gɨ da Kumu baa a sɨmay Ja̰ kurɨn̰ Jagari, kɨɗɨn̰ ga ban baan̰ a duroy dal dɨŋ ƴee. Na wɔlɛdi gɨ nee le ma, kɨlma gɨ gumu Sejar Tɨbɛr diin̰ tɨrɨmbala, a cay gɨsəŋ ga Rɔm ɓal ɨlge mɔjɨ-cay-bay. Kɨrɨmbɛlɛŋ poɗɨn̰ diige cay Ɨsɨrayɛl hɨn̰ ka-kɨbɨ kɨlma gɨ gumu wo̰: Po̰s Piladɨ na ba-kɨbɨ kɨlma gɨ gumu gɨ dii cay Jude, Ɛrɔd Antipas dii cay Galile, kurundi Pilib dii cay Itire bɨrɨŋ cay ƴaa di Tɨragonit bɨ, Lɨjɨyanas dii cay Abɨlɛn bɨ. Han dan̰ Kayip na ka-cay ka-bɔgɛ kɨbar nɔm ga da kalaŋ ga ni Jubɨ.

Kɔl-gɨ-Ɗari gɨ Lug wal 3:1 Σταυροειδείς Αναφορές

Matɨyo 14:1

A boy ɨlge di gɨ nee le, guson̰ Jesu ye tɔgɨ. Lee gɨ ba sɨmay kɨlma Ɛrɔd gɨ dii cay gɨsəŋ ga Galile.

Matɨyo 14:3

Sɨlagɨŋ maana di kɔl da tɨmay Ja̰ ba-lɔɔ batɛm. Ɛrɔd ƴee Ɛrɔdɨyadɨ leen̰ tamdi. Hɨndi na tam kurɨndi Pilib. Ɨni na, Ja̰ yen̰ Ɛrɔd hɨn̰: «Ji ɨran̰ dan̰ gɨyəŋ gɨ ni ƴɔɔ tama di nee le naŋ.» Ɨni na, Ɛrɔd gɨy kalaŋ orge ƴɔmɛge Ja̰ bɨ saɗɨdiige dɨbiige dangay dɨŋ.

Matɨyo 14:6

Ama wɔlɛ gɨ Ɛrɔd ɨre lee kɨdɨrɛ gɨ da wɔɔdi ɨni na, Ɛrɔdɨyadɨ turmɔ say sɔɔ tumoy kalaŋ ga ɨrgage kɨɗɨn̰ mɔlɛ gɨŋ. Sɔɔ gɨ hɨndi say le ƴee cɨn̰ Ɛrɔd tɔgɨ.

Matɨyo 22:17

Naa hɨn̰ wo̰ na, yani ɨrɨmedɨn̰ cay kɔl gɨ kɛ gɨŋ: Gasɨn̰-kɔl bɨn̰ ungo gɨyəŋ, gɨ ni bɨn̰ kɨlma gɨ gumu Sejar hɔgɛ lambo wala, narii ga?»

Matɨyo 27:2

Kan saɗɨdiige bɨ orɨn̰ge danayi, dobiige kobɨ Piladɨ ba-kɨbɨ kɨlma gɨ gumu.

Marg 6:17

Tumɔ Ɛrɔd gɨy asɨgar kayi orge ƴɔmɛge Ja̰ saɗɨdiige dan̰ mɔrɨyɔŋ bɨ dɨbiige dangay dɨŋ. Ɛrɔd ƴomii na kɨya cay tamdi Ɛrɔdɨyadɨ. Tumɔ hɨndi na tam kurɨndi Pilib bɨ, kardi nee Ɛrɔd gusi say ƴoo.

Marg 6:21

Ama wɔlɛ gɨ ɗaŋ gɨŋ Ɛrɔdɨyadɨ way gɨyəŋ. Na boy wɔlɛ gɨ Ɛrɔd leen̰ kɨdɨrɛ gɨ da wɔɔdi. Ban lee hɨnga ga ni dɔɔ molɨn̰ kalaŋ kayi ga gɨmdəŋ bɨ, gɨmdəŋ ga da asɨgar kayi bɨ, kɛrɨmbɛlɛŋ ga a cay gɨsəŋ ga Galile gaŋ bɨ.

Kɔl-gɨ-Ɗari gɨ Lug wal 13:31

Kɨɗɨn̰ ga nee le, Parɨsɨn̰an̰əŋ ga pɨna ɨrgage gusi Jesu yeyge hɨn̰: «Andaŋ ɨra kɨɗɨn̰ ga ɗaŋ gaŋ, kɨya wa Ɛrɔd Antipas malɨn̰ kɨya dɨɗɨn̰.»

Kɔl-gɨ-Ɗari gɨ Lug wal 2:1

Boy ɨlgedi gɨ nee le, Ogust Sejar kɨlma gɨ gumu gɨ dii cay gɨsəŋ ga Rɔm, ay noyi bɨn̰ kalaŋ nɔm ga somge a cay gɨsəŋ kayi gaŋ, ɗe kan na sii gusondɨge a duroy magtubu di ni ɗongɨsɨn̰ kalaŋ dɨŋ.

Kɔl-gɨ-Ɗari gɨ Lug wal 23:24

Ɨni na, Piladɨ yege hɨn̰: «Hɨnga ga kɨŋ ba ɨngɨr le, ɨŋ kɨya lɔɔ bɨgɨŋ.»

Kɔl-gɨ-Ɗari gɨ Lug wal 3:19

Ama Ja̰ al Ɛrɔd ba-dɔɔ cay gɨsəŋ ga Galile, kɨya wa ban ƴee tam kurɨndi di ni Ɛrɔdɨyadɨ bɨ, lee hɨnga ga ɨsɨni ga ɗaŋ dan̰ kondige nee bɨ.

Kɔl-gɨ-Ɗari gɨ Lug wal 9:7

Ɛrɔd kɨlma gɨ ni Jubɨ gɨ di cay gɨsəŋ ga Galile. Kɨɗɨn̰ ga ban je kol hɨnga nɔm ga Jesu ba lee le na, ban waa kɔl gɨ ni yɔ naŋ. Kɨya wa kalaŋ ga pɨna yege hɨn̰: «Naa Ja̰ ba-loon̰ kalaŋ batɛm na ba sɔ lɨbe duroy kalaŋ ga madɨrdaŋ.»

Gɨye-lɔɔ 23:26

«Peligɨs ba-kɨbɨ kɨlma gɨ gumu gɨ kuɗa tɔgɨ, na ɨŋ-bandi Kɨlod Lɨjɨyas ba gɨye can̰, ɨŋ leen̰ lapɨya!

Gɨye-lɔɔ 24:27

Lee ɨlge sɔɔ ɨni na, Porsɨyus Pɛstus ɨrga ƴee ban̰di Peligɨs. Ama Peligɨs gey gɨ kalaŋ ga ni Jubɨ, gusɨge na mooge cayi, lee gɨ ban ɗe Pol dangay dɨŋ mɨjag.

Gɨye-lɔɔ 26:30

Kɨɗɨn̰ ga nee le, kɨlma bɨ, ba-kɨbɨ kɨlma gɨ gumu bɨ, Bɛrnis bɨ, kan nɔm ga som danage kɨɗɨn̰ bɔyɛ kɔl gaŋ le, dege sayge daa danayi.

Gɨye-lɔɔ 4:27

«Kɔl gɨ nee le na cɨndi, kɨya wa Ɛrɔd bɨ, Po̰s Piladɨ bɨ, te wɔɔ gɨ da kalaŋ ga cay gɨsəŋ gaŋ bɨ, te wɨn̰je gɨ da Ɨsɨrayɛl bɨ, dayge gusɨge a boy cay ƴaa-di-gumu di kɛ dɨŋ le a cay Jesu, ba-gɨre-gɨye kon̰ gɨ woy dan̰ cɨndi bɨ, gɨ ji dorii bɨ.