Kɔl-gɨ-Ɗari gɨ Ja̰ wal 9:24 - Gabri Maja

²⁴ Parɨsɨn̰an̰əŋ teege ungo gɨ kan wooyge ba-bɨbe le gɨ ni cay sɔɔdi bɨ, yeyige hɨn̰: «Ya kɔl gɨ cɨndi tumoyi Kumu! Ni-gandi ni sol gɨ ungo gɨ nee le, na ba-lɔɔ ɨsɨna.»

Kɔl-gɨ-Ɗari gɨ Ja̰ wal 9:24 Σταυροειδείς Αναφορές

Marg 15:27

Gagɨldege ka-kuduroy-ɨndɨwa won̰ge sɔɔ a cay sɨya-gɨ-dagɨli gɨŋ kɨway Jesu. Gɨ pɨna a cay kobi gɨ bara gɨŋ bɨ, gɨ pɨna a cay kobi gɨ masa gɨŋ bɨ.

Kɔl-gɨ-Ɗari gɨ Lug wal 15:2

Ɨni na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis yɨliige yege hɨn̰: «Sɨlagɨŋ gɨlmi gɨ kɛ le ƴom ka-lɔɔ ɨsɨna gusi bɨ, di dɔɔ danage bɨ.»

Kɔl-gɨ-Ɗari gɨ Lug wal 19:7

Kɨɗɨn̰ ga kalaŋ ba solge hɨn̰ wo̰ na, kan nɔm n̰amge kɔl yege hɨn̰: «Jə! Ungo le or bɨle na kɨrga gɨ da ba-lɔɔ ɨsɨna.»

Kɔl-gɨ-Ɗari gɨ Lug wal 7:39

Kɨɗɨn̰ ga Parɨsɨn̰a gɨ ba mɔlɛ Jesu sol hɨnga ga nee le na, ban ɨrɨm kuduroyi hɨn̰: «Hɨn̰ gɨ ungo gɨ nee le, naa ba-yɔɔ-kɔl-gɨ-Kumu-ba-yɔɔ leen̰ cɨndi na, ban ni kɨya sɔlɛ tama di ɗe əsɨbi le gɨye-lɔɔdo bɨ, ni kɨya sɔlɛ hɨn̰ gɨ naa tama di ɗe-lɔɔ ɨsɨna bɨ.»

Kɔl-gɨ-Ɗari gɨ Ja̰ wal 14:30

Ayɨn̰ toy haw kɛ na ɨŋ kɨya are-kɔl tɔgɨ danagɨŋ naŋ bɨrɨŋ ɨni. Kɨya wa kɨlma gɨ da kalaŋ ga a cay gɨsəŋ gaŋ kɛ, tɨlga nee. Ban ɨran̰ dan̰ dɔnɔ pɨna a canɨ naŋ.

Kɔl-gɨ-Ɗari gɨ Ja̰ wal 16:2

Kan kɨya taygɨŋge a duroy ƴaa-daye-di-da-Jubɨn̰əŋ gaŋ coŋ. Na cɨndi, wɔlɛ kɨya caga gɨ waŋ waŋ gɨ na dɨɗɨgɨŋ na, kɨya ɨrɨme gɨ ɗi naa lee na gɨye bɨn̰ Kumu.

Kɔl-gɨ-Ɗari gɨ Ja̰ wal 18:30

Kan dɨbiige cay nee yeyige hɨn̰: «Hɨn̰ gɨ gɨlmi gɨ kɛ le, ni na laa hɨnga ga ɨsɨni naŋ na, kɛ ni ni kɨya ɨrgan̰ danayi dobii kobɨn̰ coŋ ga?»

Kɔl-gɨ-Ɗari gɨ Ja̰ wal 19:6

Ama kɨɗɨn̰ ga ka-cay ka-bɔgɛ kɨbar bɨ, dan̰ asɨgarn̰əŋ ga ka-game ƴaa-Kumu gɨ da Jubɨn̰əŋ bɨ, soliige ɨni na, kan dege sɨle cayi yege hɨn̰: «Dɨɗii a cay sɨya-gɨ-dagɨli gɨŋ, dɨɗii a cay sɨya-gɨ-dagɨli gɨŋ.» Piladɨ yege hɨn̰: «Ƴaygɨŋ bɨ, kɨŋ-gandi gusɨgɨŋ dɨɗiigɨŋ a cay sɨya-gɨ-dagɨli gɨŋ. Ɨŋ-bandi na, ɨŋ waa kɔl pɨna wo̰ gɨ ƴɨma cayi naŋ.»

Kɔl-gɨ-Ɗari gɨ Ja̰ wal 5:23

ɗe gɨ kalaŋ nɔm been̰ge hurɔmɔ cay kuroŋ hɨn̰ gɨ kan ba been̰ge Kumu hurɔmɔ le. Ungo gɨ na dɨbɨn̰ kuroŋ hurɔmɔ naŋ na, kɨya dɨbɨn̰ Kɨye bayi gɨ gɨygɨn̰ dan̰ kuroŋ le hurɔmɔ naŋ bɨ.

Kɔl-gɨ-Ɗari gɨ Ja̰ wal 8:46

Na waŋ duroygɨŋ ba kɨya ɓale gɨləŋ ɨsɨna gɨ ɨŋ lee le ga? Hɨn̰ gɨ ɨŋ na yagɨŋ naa kɔl gɨ cɨndi na, na kɨya wa ma magɨŋ bɨga kuduroyigɨŋ canɨ naŋ ga?

Kɔl-gɨ-Ɗari gɨ Ja̰ wal 8:49

Jesu jɨga dɨbɨge cay nee yege hɨn̰: «Turnɔ di ɨsɨni unɔ kuduronɨ. Ama ɨŋ ay na cayi Banɨ daa, ama kɨŋ-gandi na, kɨŋ dɨbɨ na dasi canɨ.

Kɔl-gɨ-Ɗari gɨ Ja̰ wal 9:16

Duroy Parɨsɨn̰an̰əŋ le, ga pɨna say yege hɨn̰: «Ungo gɨ ba lee hɨnga ga nee le ban se na gusi Kumu naŋ. Kɨya wa ban bɨga kɔl a cay wɔlɛ kona gɨ ni dorɨn̰ gɨlale gɨ da Jubɨn̰əŋ gɨŋ naŋ.» Ama ga ɗaŋ yege hɨn̰: «Kɛ na mɨna ma ungo naa ba lɔɔ ɨsɨna na, gɨ orɨn̰ dan̰ dɔnɔ di ni leen̰ hɨnga ga ɗɨn̰ cɨn̰-kɨɗɨn̰ nɔm ga hɨn̰ wo̰ ga?» Na toyi di hɨn̰ wo̰ ma, say bɨle na te cuduroŋdɨge duroyge.

Kɔl-gɨ-Ɗari gɨ Ja̰ wal 9:25

Ban jɨga dɨbɨge cay nee yege hɨn̰: «Hɨn̰ gɨ ban naa ba-lɔɔ ɨsɨna na, ɨŋ sɨla naŋ. Ɨŋ sol na hɨnga pɨna ƴɔbɨ: Tumɔ, ɨŋ na ba-bɨbe bɨ, haw kɛ ɨŋ sol kɨɗɨn̰.»

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Wasɨn̰a 11:13

Tɨwadi di nee dɨŋ bɨ, cay gɨsəŋ ay te yɨbagde dan̰ togɨyge yɨbag yɨbag. Hɨn̰ gɨ kan na gusɨnage cay ƴaa-di-gumu kɨɗɨn̰ mɔjɨ na, kɨbɨge ga pɨna laydaŋ dugo lee gɨ kalaŋ dubu-jurgum mage duroy nee. Kalaŋ ga andaŋge kɨbɨ nee le, hundɔrɔ boyge dɨɗɨge, lee gɨ dɨbɨge gusoŋ-tɔgɛ a cay Kumu ba-sɔmɛ gɨɗɨgɨ-Kumu gɨŋ.