Kɔl-gɨ-Ɗari gɨ Ja̰ wal 6:44 - Gabri Maja

⁴⁴ Ungo pɨna wo̰ kɨya ɓale ɨrga gusɨnɨ dɨle gɨ Banɨ gɨ ba gɨyigəŋ, sɨrgi ɨrgan̰ gusɨnɨ le unɔ. Bɨ ungo gɨ na ɨre gusɨnɨ le, ɨŋ kɨya boyi lɨbii a wɔlɛ kagadi gɨŋ.

Kɔl-gɨ-Ɗari gɨ Ja̰ wal 6:44 Σταυροειδείς Αναφορές

Matɨyo 12:34

Kɨŋ te wɔɔ gɨ da karɨn̰ karin̰əŋ le kɨŋ ɨsɨndəŋ, ma hɨn̰ wo̰ na, na mɨna ma magɨŋ gɨ ɓale yɔ kɔl gɨ ɗari ga? Kɨya wa na kɔl gɨ wanɨn̰ kuduroy ungo jɨŋ jɨŋ ba basaŋ doŋ kɨbi.

Matɨyo 16:17

Kɨɗɨn̰di ga nee gaŋ le, Jesu dɨbii cay nee yeyi hɨn̰: «Tumoy wolwa woy kol can̰, Simo kurɨn̰ Jonasɨ, kɨya gɨ na Banɨ gɨ ba som a daa nii ba haŋge cɨndɨn̰ a cay hɨnga ga nee le, wala na ungo gɨ ɨndi naŋ.

Kɔl-gɨ-Ɗari gɨ Ja̰ wal 12:32

Ama ɨŋ-bandi le, kɨɗɨn̰ ga kan kɨya seŋge daa a cay sɨya-gɨ-dagɨli gɨŋ na, ɨŋ kɨya dɔrɛ kalaŋ nɔm ɨrgan̰ danage gusɨnɨ.»

Kɔl-gɨ-Ɗari gɨ Ja̰ wal 5:44

Kɨŋ ga kɨŋ gey wɔɔ gusoŋ-tɔgɛ gɨ sayga gusi kamdɨgɨŋ, ama kɨŋ mala gusoŋ-tɔgɛ gɨ sayga gusi Kumu pɨna ɗɔɔ ƴɔbɨ naŋ le, kɛ kɨŋ kɨya bɔgɛ kuduroyigɨŋ cay nee na mɨna ga?

Kɔl-gɨ-Ɗari gɨ Ja̰ wal 6:43

Jesu jɨga dɨbɨge cay nee yege hɨn̰: «Ɗagɨŋ n̰ame kɔl duroygɨŋ baa.

Kɔl-gɨ-Ɗari gɨ Ja̰ wal 6:45

Kan walge duroy magtubu di da ka-yɔɔ-kɔl-gɨ-Kumu-ba-yɔɔ dɨŋ ye hɨn̰: “Kan nɔm Kumu ba kɨya gɨlge hɨnga.” Waŋ waŋ gɨ na ja kɔl gɨ da Bayi bɨ, ƴa kɔl gɨ ni gɨle koyi bɨ na, kɨya ɨrga gusɨnɨ.

Kɔl-gɨ-Ɗari gɨ Ja̰ wal 6:65

Ban yege ɗaŋ coŋ yege hɨn̰: «Na kɨya cay kɔl gɨ nee le ma, maŋ ni yəgɨŋ hɨn̰: “Hɨn̰ gɨ Banɨ na bɨn̰ ungo gɨyəŋ naŋ na, ungo pɨna wo̰ kɨya ɓale ɨrga gusɨnɨ naŋ.”»

Kɔl-gɨ-Ɗari gɨ Ja̰ wal 8:43

Kɨya wa ma magɨŋ sɨla duroy kɔl hɨnge naŋ ga? Kɨŋ sɨla duroyi naŋ, na kɨya gɨ kɨŋ tɨgɨya kɔl hɨnge gɨ ni ƴon̰ loon̰ gɨye naŋ.

Pilib 1:29

Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ.

Kɔlɔs 2:12

Dan̰ gɨyəŋ gɨ da batɛm di kɨŋ ba lee le, ɨmgɨgɨŋge pɨna dan̰ Kɨris bɨ, kɨŋ boy lɨbɨ pɨna danayi bɨ. Kɨya wa kɨŋ bee kuduroygɨŋ cay dɔnɔ di da Kumu di boyii lɨbii duroy kalaŋ ga madɨrdaŋ gaŋ le.