Kɔl-gɨ-Ɗari gɨ Ja̰ wal 14:12 - Gabri Maja

¹² Jagɨŋ! Aŋ yəgɨŋ daa waŋ na cɨndi, waŋ waŋ gɨ na bɨga kuduroy canɨ na, kɨya lɔɔ gɨye nɔm gɨ ɨŋ ba lee le bɨ. Ban kɨya lɔɔ gɨye gɨ gɨmdəŋ ɗɨn̰ ban gɨ kɛ nɔm coŋ. Kɨya wa ɨŋ or na gusi Banɨ.

Kɔl-gɨ-Ɗari gɨ Ja̰ wal 14:12 Σταυροειδείς Αναφορές

Matɨyo 21:21

Ɨni na, Jesu dɨbɨge cay nee yege hɨn̰: «Aŋ yəgɨŋ daa waŋ na cɨndi: Hɨn̰ gɨ kɨŋ na ɨran̰ dan̰ aye kudurɔ bɨ, kɨŋ na ɨrɨm kuduroygɨŋ sɔɔ sɔɔ naŋ bɨ na, na hɨnga ga ɨŋ lee dan̰ tuguyɔŋ di kɛ le ƴɔbɨ ma, magɨŋ kɨya lɔɔ naŋ. Garma gɨ woy kɛ le kalɨn̰ ma, hɨn̰ gɨ kɨŋ na yayi hɨn̰: “Ɗɨda a kɨɗɨn̰ ga kɛ gaŋ coŋ, bɨ ɨra bɔɔ a duroy kuray gɨ gumu taa taa gɨŋ na”, kɨya ɗɔdɛ ɔrɛ bɔɔ duroy kuray gɨ gumu gɨŋ.

Marg 11:13

Ban sɨlga hɨyadi tuguyoŋ dan̰ kabɨn̰do hen̰ tumoyi ɨni na, ban or kɨya sɔlɛ kɛ ɗi na gɨ wɔɔ dan̰ wɔɔdo nee ga. Ama kɨɗɨn̰ ga ban bugoŋ gusoo ɨni na, ban way na kabɨn̰do ƴɔbɨ, kɨya wa na kɨdɨrɛ gɨ da wɔɔdi tuguyɔŋ naŋ ƴee.

Marg 16:17

Kalaŋ ga na bɨgage kuduroyge cay nee na, kɨya lɔɔge hɨnga ga ɗɨn̰ cɨn̰-kɨɗɨn̰ ga ba kɛ: “Kan kɨya taye turnɔ ga ɨsɨndəŋ dan̰ gusonɨ bɨ, kɨya yɔɔge kɔl dan̰ kɨbɨ gɨ hɨrɨwa bɨ.

Kɔl-gɨ-Ɗari gɨ Ja̰ wal 14:28

Kɨŋ je gɨ ɨŋ yəgɨŋ hɨn̰: «Ɨŋ kɨya ɔrɛ bɨ, ɨŋ kɨya bɨlgɨ jɨga gusɨgɨŋ bɨ.» Hɨn̰ gɨ kɨŋ na geyəŋ na, gusɨgɨŋ kɨya moogɨŋ kɨya ɔrɛ hɨnge gɨ gusi Banɨ, kɨya wa Banɨ na, gumu ɗəŋ coŋ.

Kɔl-gɨ-Ɗari gɨ Ja̰ wal 16:7

Ama ɨŋ yəgɨŋ na kɔl gɨ cɨndi: Hɨn̰ gɨ ɨŋ na ɨra na, kɨya kuɗa kol caygɨŋ. Kɨya wa ɨŋ na ɨra naŋ na, Ba-ƴɔɔ caygɨŋ kɨya ɨrga waygɨŋ naŋ. Ama hɨn̰ gɨ ɨŋ na ɨra na, ɨŋ kɨya gɨygɨn̰ danayi bɨgɨŋ.

Kɔl-gɨ-Ɗari gɨ Ja̰ wal 4:37

Kɨradi-kɔl gɨ pɨna wo̰ gɨ ye hɨn̰: «Ungo gɨ pɨna gɨsɨ gasa bɨ, ungo gɨ ɗaŋ wal bɨ, na kɔl gɨ cɨndi.»

Kɔl-gɨ-Ɗari gɨ Ja̰ wal 5:20

Kɨya wa kɨye bayi gey kurondi bɨ, gɨli hɨnga nɔm ga ban lee bɨ. Ban kɨya gɨli na gɨye ga gɨmdəŋ ga ɗɨn̰ ga nee ɗaŋ, ɗe gɨ kɔl na kaygɨŋ bɨrɨŋ coŋ.

Kɔl-gɨ-Ɗari gɨ Ja̰ wal 7:33

Ɨni na, Jesu yege hɨn̰: «Ɨŋ ba danagɨŋ kɨya lɔɔ wɔlɛ lam ƴee, bɨ kardi nee na ɨŋ kɨya jɔgɛ gusi ban gɨ ba gɨyigəŋ.

Kɔl-gɨ-Ɗari gɨ Ja̰ wal 7:39

Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.

Gɨye-lɔɔ 10:46

Kɨya wa kan jege noyge di kan yen̰ kɔl dan̰ kɨbɨ gɨ da kalaŋ ga ɗaŋ bɨ, dɨbɨn̰ge gusoŋ-tɔgɛ a cay Kumu bɨ. Ɨni na, Pɨyɛr yege hɨn̰:

Gɨye-lɔɔ 16:18

Hɨndi le hɨn̰ wo̰ cɨndo tumɔ tumɔ ɓal wɔlɛ kondɨ. Ɗɨn̰ cay Pol na, ban bɨle cɨndi jɨn̰ caa bɨ, ay noy bɨn̰ turnɔ di ɨsɨni di woy guso le bɨ yo hɨn̰: «Dan̰ guson̰ Jesu-Kɨris, me andaŋ coŋ gusi tama le.» Ɨni na, kɨɗɨn̰di ga nee gaŋ le bɨ, turnɔ le andaŋ gusoo coŋ.

Gɨye-lɔɔ 19:12

Lee gɨ kalaŋ donge hɨnga ga ɨsɨbɨ Pol gusi hɨn̰ kɨbɨ badɨge ga ban handɨn̰ kɨjan̰e, wala badɨge ga ni gɨye, orɨn̰ge ɨsɨbɨn̰ge gusi kalaŋ ga gusɨge leege. Ɨni na, gusɨge gɨ leege le say ɗege bɨ, turnɔ ga ɨsɨndəŋ andaŋge gusɨge coŋ bɨ.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Gɨye-lɔɔ 4:16

Yen̰ge hɨn̰: «Kɛ na gɨ lɔɔgɨŋ na wa dan̰ kalaŋ ga kɛ le ga? Kɨya wa hɨnga ga ɗɨn̰ cɨn̰-kɨɗɨn̰ ga kan ba lee le woy cɨn̰-tɨwa dɨŋ, a cɨn̰ kalaŋ ga cay ƴaa-di-gumu di Jerusalɛm dɨŋ nɔm bɨ, na kɨya ɓale man̰egɨŋ naŋ bɨ.

Gɨye-lɔɔ 4:33

Ka-gɨre-gɨye dorge te kɔl leen̰ tɨmon̰ bɔyɛ lɨbe gɨ da Ba-gulɔŋ Jesu, dan̰ dɔnɔ di gumu bɨ kan nɔm le, Kumu lee ɗarwa danage tɔgɨ bɨ.

Gɨye-lɔɔ 4:4

Duroy kalaŋ ga jege kɔl gɨ da ka-gɨre-gɨye le, kondɨwadɨge ayge kuduroyge. Kalaŋ ga ba ayge kuduroyge le, ɓalge hɨn̰ dubu-bay wo̰.

Gɨye-lɔɔ 5:15

Kalaŋ ga cay ƴaa-di-gumu dɨŋ lɨbɨgage ka-hɔmɨn̰ɛ cay kuyo koge gɨŋ bɨ, cay gasɨlaŋ jala gaŋ bɨ, ɨrgan̰ge danage siige te gɨyəŋ gɨ woli gɨŋ gɨ Pɨyɛr orɨn̰ nee, ɗe gɨ kɨɗɨn̰ ga Pɨyɛr na pɨdɨ na, turnoyi na ɨsɨbɨ ga pɨna duroyge.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Gɨye-lɔɔ 8:7

Turnɔ ga ɨsɨndəŋ dan̰ kondiige andɨdaŋge a kuduroy kalaŋ coŋ dan̰ dɔgɛ-sɨle tɔgɨ bɨ, gusi ka-mɨraye dan̰ ka-modoŋ kondɨ jɨga osɨdəŋ kəŋ kəŋ ban̰di nee bɨ.

Gɨye-lɔɔ 9:34

Pɨyɛr yeyi hɨn̰: «Ene, Jesu-Kɨris poɗɨn̰! Sa daa bɨ, nungura kuyo kon̰ gɨ ji ba won̰ nee le.» Ɨni na, kɔl gɨ kɨbɨna kɛ bɨ, Ene jɨbɨ say daa.

Gɨye-lɔɔ 9:40

Pɨyɛr yen̰ kalaŋ nɔm na andaŋge doŋ bɨ, ban poy gɨbay dugo olɨn̰ Kumu. Kardi nee ɨni na, ban bɨle gusi gusi gun gɨŋ bɨ ye hɨn̰: «Tabita sa daa!» Ɨni na, hɨndi haŋgɨ cɨndo bɨ, kɨɗɨn̰ ga hɨndi sol Pɨyɛr ɨni na, hɨndi n̰an guso say som daa dan̰ tɔɔ.

Magtubu di Pol wal bɨn̰ kalaŋ ga Rɔm 15:19

dan̰ gɨyəŋ gɨ da dɔnɔ di da hɨnga ga ɗɨn̰ cɨn̰-kɨɗɨn̰ bɨ, dɔnɔ di da belin̰əŋ bɨ, dɔnɔ di da Turnɔ ɗe-kuduroy-bɛrɛ bɨ. Na dan̰ gɨyəŋ gɨ nee le ma, maŋ teen̰ bɛrnɛ di da Kɔl-gɨ-Ɗari gɨ da Kɨris ƴen̰ cay kɨɗɨn̰ kɨɗɨn̰ an̰ toy a cay ƴaa-di-gumu di Jerusalɛm dɨŋ bɨrɨŋ andɨn̰ a cay gɨsəŋ ga Iliri gaŋ.