Epɛs 6:5 - Gabri Maja

⁵ Kɨŋ ga ni gɔyɔŋ jagɨŋ kɔl kɨbɨ ka-gulondɨgɨŋ ga cay gɨsəŋ gaŋ bɨ, bɨgagegɨŋ kɔl bɨ, hurɔmɔ bɨ. Laagɨŋ gɨye bɨge dan̰ kuduroygɨŋ ga pɨna, hɨn̰ gɨ kɨŋ ba leen̰ gɨye bɨn̰ Kɨris wo̰ bɨ.

Epɛs 6:5 Σταυροειδείς Αναφορές

Matɨyo 6:22

«Tii na lamba da kuyoŋdi-gusɨn̰: Kɨɗɨn̰ ga tɨdɨn̰ na wɨya kuɗa na, kuyoŋdi-gusɨn̰ nɔm kɨya sɔmɛ na duroy asɨn̰a gɨŋ.

Matɨyo 6:24

«Ungo pɨna nɛŋ kɨya ɓale daye ka-gulondi sɔɔ lɔɔ gɨye bɨge naŋ. Naŋ le kɨya ƴɔmɛ gɨ pɨna dan̰ kuduroy bɨ, kɨya geye gɨ ɗaŋ bɨ. Naŋ le kɨya saɗe gusi dan̰ gɨ pɨna bɨ, sɔlɛ gɨ ɗaŋ leen̰ hɨnga naŋ bɨ. Kɨŋ-gandi kalɨn̰ ma kɨŋ kɨya ɓale bɨləŋ gɔyɔŋ ga da Kumu bɨ, ga da gursu bɨ sɔɔɗɨmɔŋ naŋ.

Matɨyo 8:9

Ɨŋ ye hɨn̰ wo̰ na kɨya gɨ ɨŋ-bandi kalɨn̰ ma, ka-canɨ woyge nee bɨ. Ɨŋ-bandi kalɨn̰ ma ɨŋ orɨn̰ dan̰ asɨgarn̰əŋ ga ɨŋ som cayge bɨ. Hɨn̰ gɨ ɨŋ na yan̰ gɨ pɨna ya hɨn̰: “Ɨra” na ban or bɨ, ɨŋ na yan̰ gɨ ɗaŋ hɨn̰: “Jɨge” na ban jɨga bɨ, ɨŋ na yan̰ dan̰ guyɔŋ hɨnge hɨn̰: “Laa hɨnga ga kɛ na”, ban lee bɨ.»

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Magtubu di Pol wal bɨn̰ kalaŋ ga Rɔm 9:3

Ho’o, ɨŋ orɨn̰ dan̰ n̰age gɨ Kumu na ɓɨsəŋ ɨŋ-bandi bɨ, pɨyaŋ ɨŋ-bandi gusɨnɨ dan̰ Kɨris bɨ, hɨn̰ gɨ dan̰ gɨyəŋ gɨ nee le na, karmɨnɨ ga a te wɨn̰je hɨnge gɨŋ na kɨya pɔɗɛge.

1 Korɛ̰t 2:3

Lee gɨ kɨɗɨn̰ ga ɨŋ ba ɨre tumoygɨŋ le, togɨnɨ unɔ bɨ, ɨŋ hɨndar bɨ, ɨŋ saydɨde paɗɨ paɗɨ bɨ.

1 Korɛ̰t 7:22

Ungo gɨ tumɔ na guyɔŋ pa dɨm ma Kumu teey ƴee le, bɨləŋ na ungo gɨ da Ba-gulɔŋ gɨ som cay-kalɨn̰. Ungo gɨ tumɔ som cay-kalɨn̰ pa dɨm ma Ba-gulɔŋ teey ƴee le, bɨləŋ na guyɔŋ gɨ da Kɨris.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

2 Korɛ̰t 7:15

Geye gɨ da Titɨ gɨ woy kol caygɨŋ kondɨ ɗɨn̰ gɨ tumɔ ƴee, kɨɗɨn̰ ga kuduroyi hɨn a cay jɔɔ gɨ kɨŋ-gandi nɔm kɨŋ je kɔl kɨbɨni bɨ, ƴɔmɛ gɨ kɨŋ ƴomni gusɨgɨŋ dan̰ bɔgɛ kɔl bɨ dan̰ lɔɔ pag pag togɨŋ bɨ na.

Epɛs 5:22

Kandɨ jagɨŋ, kuɗa gɨ tama di ani ani kalɨn̰ ma dɨba caa dugo bɨn̰ kudurɔɔ hɨn̰ gɨ hɨndi ba dobɨn̰ caa dugo bɨn̰ Ba-gulɔŋ wo̰ bɨ.

Epɛs 6:24

Kalaŋ nɔm ga geyge Ba-gulondɨna Jesu-Kɨris dan̰ geye gɨ kagadi unɔ le, kuɗa gɨ Kumu laa ɗarwa danage.

Pilib 2:12

Ay karmɨnɨ ga ɨŋ lee-toygɨŋ, kɨŋ je kɔl kɨbɨ Kumu dan̰ wɔlɛ pɨna pɨna, hɨn̰ boy wɔlɛ gɨ ɨŋ ba won̰ duroygɨŋ le. Haw kɛ gɨ ɨŋ ba unɔ duroygɨŋ kalɨn̰ ma, kɨŋ je kɔl kɨbɨ Kumu ɗɨn̰ gɨ tumɔ coŋ. Leedɨdɨn̰ gɨye a cay pɔɗɛ kogɨŋ gɨŋ dan̰ bɔgɛ kɔl bɨ dan̰ lɔɔ pag pag bɨ.

Pilemo 1:16

Haw kɛ na, ban na guyɔŋ ƴɔbɨ naŋ, ban kuɗa ɗɨn̰ guyɔŋ coŋ. Ban na kurɨndɨna gɨ ni lee-toy tɔgɨ te aye kudurɔ gɨŋ. Ɨŋ-bandi ɨŋ geyi tɔgɨ bɨ, ji-bandi ji kɨya geyi cɨla ƴee bɨ, kɨya wa ban na ungo gɨ ɨndi hɨn̰ ji-bandi wo̰ bɨ, ba-aye-kudurɔ hɨn̰ ji-bandi wo̰ bɨ.

1 Pɨyɛr 3:2

Kɨya wa kan solge gɨye-lɔɔdɨgɨŋ naa gɨye-lɔɔ gɨ kɔl gɨ ni yɔɔ na unɔ cay nee bɨ. Solge gɨ kɨŋ na orɨn̰ dan̰ hurɔmɔ bɨ.