Epɛs 4:32 - Gabri Maja

³² Laagɨŋ ɗarwa dan̰ gusɨgɨŋ bɨ, sɨlagɨŋ cɨn̰-n̰age da gusɨgɨŋ bɨ. Ɗagɨŋ kuduroygɨŋ jala cay gusɨgɨŋ hɨn̰ gɨ Kumu ba ɗen̰ kuduroy jal caygɨŋ a te bugoŋ pɨna dan̰ Kɨris le bɨ.

Epɛs 4:32 Σταυροειδείς Αναφορές

Matɨyo 6:12

Ɗa kuduron̰ jala cay gɨye-lɔɔdini gɨ ɨra dan̰ durɔ naŋ gɨ ni lee danan̰, Hɨn̰ gɨ ni-gandi kalɨn̰ ma ni ba ɗen̰ kuduroyni jal a cay ka-looni ɨsɨna wo̰ bɨ.

Marg 11:25

Bɨ kɨɗɨn̰ ga kɨŋ na ɨr daa, kɨɗɨn̰ ɔlɛ gɨŋ ma hɨn̰ gɨ kɔl na dayagɨŋ dan̰ ungo na, kɨŋ ɗa kuduroygɨŋ jala cayi, ɗe Baygɨŋ gɨ som a gɨɗɨgɨ-Kumu gɨŋ ɗe kuduroyi jal cay hɨnga kagɨŋ ga dan̰ gɨyəŋdɨge naŋ bɨ.

Kɔl-gɨ-Ɗari gɨ Lug wal 1:78

Kɨya sɔlɛ cɨn̰-n̰age da Kumu koni Gɨ ɗɨn̰ cɨn̰-kɨɗɨn̰ le ma, Ɗe kɨɗɨn̰ ga woli sayga daa, Asɨn̰ cayni hɨn̰ tɨwa di sayga daa wo̰.

Kɔl-gɨ-Ɗari gɨ Lug wal 11:4

Ɗa kuduron̰ jala cay ɨsɨna koni, Hɨn̰ gɨ ni-gandi kalɨn̰ ma ni ba ɗen̰ kuduroyni jal A cay waŋ waŋ gɨ ba looni ɨsɨna wo̰ bɨ. Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ.”»

Kɔl-gɨ-Ɗari gɨ Lug wal 17:4

Hɨn̰ gɨ kurdɨn̰ na laan̰ ɨsɨna tɨba jurgum duroy wɔlɛ gɨ pɨna gɨŋ, ma na bɨl jɨge gusɨn̰ tɨba jurgum duroy wɔlɛ gɨ pɨna gɨŋ yan̰ hɨn̰: “Ɨŋ bɨle gɨye-lɔɔ nɨ yɔd na”, ɗa kuduron̰ jala cayi.»

Kɔl-gɨ-Ɗari gɨ Lug wal 6:35

Ama ƴɨmagɨŋ wandɨ dan̰ ka-baadɨgɨŋ bɨ, laagɨŋ ɗarwa bɨ, ɨban̰gɨŋ kalaŋ hɨnga dɨle ɨrɨme hɨn̰ gɨ kan na kɨya jogin̰ bɨgɨŋ daa bɨ. Hɨn̰ gɨ kɨŋ na laa hɨn̰ wo̰ na, Kumu kɨya bɨgɨŋ cay kobɨgɨŋ gɨ gumu bɨ, kan kɨya yɔ hɨn̰ gɨ kɨŋ na karɨn̰ Ban gɨ Ɗɨn̰ cay hɨnga nɔm. Kɨya wa Kumu kalɨn̰ ma, lee ɗarwa dan̰ kalaŋ ga sɨlage ɗarwa di Ban laage naŋ bɨ, dan̰ kalaŋ ga ka-lɔɔ ɨsɨna bɨ.

Kɔl-gɨ-Ɗari gɨ Lug wal 6:37

«Bɔyɛgɨŋ kɔl cay kamdɨgɨŋ naŋ, na hɨn̰ wo̰ ma Kumu kalɨn̰ ma kɨya bɔyɛ kɔl caygɨŋ naŋ bɨ. Yɔgɨŋ gɨ kɔl na ƴom cay kamdɨgɨŋ naŋ, na hɨn̰ wo̰ ma Kumu kalɨn̰ ma kɨya yɔ gɨ kɔl na ƴɨma caygɨŋ naŋ bɨ. Ɗagɨŋ kuduroygɨŋ jala cay kamdɨgɨŋ bɨ, Kumu kɨya ɗɔɔ kuduroy jalɨwa caygɨŋ bɨ.

Gɨye-lɔɔ 28:2

Kalaŋ ga somge nee le, leege ɗarwa di ɗɨn̰ cɨn̰-kɨɗɨn̰ danani. Kan noŋgɨge tɨwa di gumu bɨ ƴomnige gusɨge ani na ƴobɨ, kɨya wa Kumu ongɨ bɨ, kal dii kɨɗɨn̰ tɔgɨ bɨ.

Magtubu di Pol wal bɨn̰ kalaŋ ga Rɔm 12:10

Kuɗa gɨ kɨŋ gey gusɨgɨŋ duroygɨŋ hɨn̰ karmen̰əŋ wo̰. Kuɗa gɨ waŋ waŋ kalɨn̰ ma ungula gusi gɨ ni dɨbe hurɔmɔ cay mɨgayi.

1 Korɛ̰t 13:4

Ungo gɨ wandɨ woy gusi le dɨbɨ ɗugoy bɨ, lee hɨnga ga ɗari bɨ. Ungo gɨ wandɨ woy gusi le na ba lɔɔ jangɨ naŋ bɨ. Ungo gɨ wandɨ woy gusi le na ba gɨle gusi naŋ bɨ na ba dɔgɛ jorgii naŋ bɨ.

2 Korɛ̰t 2:10

Waŋ waŋ gɨ kɨŋ na ɗa kuduroygɨŋ jala cayi na, ɨŋ-bandi kalɨn̰ ma ɨŋ ɗe kuduronɨ jal cayi bɨ. Waŋ waŋ gɨ ɨŋ ba ɗe kuduronɨ jal cayi, a cay hɨnga ga dan̰ gɨyəŋdɨge naŋ ga ban lee le, ojii na kuduroy jalɨwa, hɨn̰ gɨ leen̰ cɨndi, hɨnga ga dan̰ gɨyəŋdɨge naŋ na wɨya nee. Ɨŋ ɗe kuduronɨ jal cayi na kol caygɨŋ tumoy Kɨris.

2 Korɛ̰t 2:7

Naa hɨn̰ wo̰ na, kuɗa gɨ haw kɛ kɨŋ ɗa kuduroygɨŋ jala cayi bɨ, kɨŋ jala kuduroy bɨ. Kɨŋ laa hɨn̰ wo̰ ɗe ban somɨn̰ duroy cɨn̰-kula gɨ kɨya ɗɨn̰ cayi naŋ.

2 Korɛ̰t 6:6

Ni gɨl gɨ ni na marɨne ka-lɔɔ gɨye gɨ da Kumu dan̰ gɨyəŋ gɨ da haldɨni gɨ duroŋ mɨra bɨ, sɔlɛ-hɨnga kani bɨ, dɨbe-ɗugɔ toni bɨ, ɗarwa toni bɨ. Na dan̰ gɨyəŋ gɨ da Turnɔ ɗe-kuduroy-bɛrɛ bɨ, geye koni gɨ leen̰ cɨndi bɨ,

Epɛs 5:1

Ayagɨŋ cay tɨbay Kumu, kɨya gɨ kɨŋ na karɨndi bɨ ban geygɨŋ bɨ.

Magtubu di Jag wal 5:11

Sɨlagɨŋ! Kalaŋ ga ba ƴomge osu le, ni yege gɨ tumoy wolwa na woy kol cayge. Na cɨndi, kɨŋ je kol dɨbe-ɗugɔ da Job bɨ, kɨŋ sol hɨnga ga Ba-gulɔŋ bii ban̰di cɨn̰-n̰age di ba leeyi le bɨ. Kɨya wa Ba-gulɔŋ na ba sɔlɛ cɨn̰-n̰age da kalaŋ bɨ. Na ba lɔɔ ɗarwa danage bɨ.

2 Pɨyɛr 1:7

sɨgɨŋ a cay gɨye-lɔɔ gɨ bugoŋ pɨna dan̰ Kumu, geye gusu te karme bɨ, sɨgɨŋ a cay geye gusu te karme, geye bɨ.

1 Ja̰ 1:9

Kumu na ungo gɨ ɨre a cay gasɨndi gaŋ bɨ, na ungo gɨ dan̰ durɔ ɗɨngar bɨ. Hɨn̰ gɨ na na yagɨŋ te ɨsɨna konagɨŋ daa pɨraŋ na, ban kɨya ɗɔɔ kuduroy jalɨwa cay ɨsɨna konagɨŋ gɨŋ bɨ, kɨya dornagɨŋ mɨra te ɨsɨna konagɨŋ gɨŋ nɔm bɨ.

1 Ja̰ 2:12

Ay, karɨnɨ kange, ɨŋ wal kɔl gɨ kɛ le bɨgɨŋ: «Kumu ɗe kuduroyi jal a cay ɨsɨna kogɨŋ gɨŋ ɨni kol cay guson̰ Jesu-Kɨris.»