Gɨye-lɔɔ 9:4 - Gabri Maja

⁴ Ban duroŋ baa cay gɨsəŋ gaŋ bɨ, ban je noy ungo ye hɨn̰: «Sol, Sol, na kɨya wa ma mɨn̰ ɨre gɨləŋ-cɨn̰ wo̰ ga?»

Gɨye-lɔɔ 9:4 Σταυροειδείς Αναφορές

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Kɔl-gɨ-Ɗari gɨ Lug wal 10:41

Ba-gulɔŋ jɨga dɨboo cay nee yo hɨn̰: «Mart, Mart, me ɗa ɗugɛ ba dugo naŋ bɨ, me gɨlal guse cay hɨnga kondɨ bɨ.

Kɔl-gɨ-Ɗari gɨ Ja̰ wal 18:6

Kɨɗɨn̰ ga Jesu ba yege hɨn̰: «Na ɨŋ-bandi ba ɨre kɛ» na, kan jogɨge dan̰ kardɨge bɨ, laydange.

Kɔl-gɨ-Ɗari gɨ Ja̰ wal 20:16

Jesu yoo hɨn̰: «Mari!» Ɨni na, hɨndi pɨlɨn̰ bɨ yeyi dan̰ kɨbɨ əbɨro hɨn̰: «Rabuni», duroy na ba-gɨlɨn̰ kalaŋ hɨnga.

Kɔl-gɨ-Ɗari gɨ Ja̰ wal 21:15

Kɨɗɨn̰ ga kan diige hɨnga ɨni na, Jesu yen̰ Simo Pɨyɛr yeyi hɨn̰: «Simo kurɨn̰ Ja̰, ji geyəŋ ɗɨn̰ kan ga kɛ ga?» Ɨni na, Pɨyɛr dɨbi cay nee yeyi hɨn̰: «Əw Ba-gulɔŋ! Ji sol gɨ ɨŋ geyɨn̰.» Ɨni na, Jesu yeyi hɨn̰: «Gama karɨn̰ gamge kange.»

Gɨye-lɔɔ 5:10

Kɔl gɨ kɨbɨna kɛ bɨ, hɨndi ba gɨrɨj ma tumoyi Pɨyɛr. Kɨɗɨn̰ ga karɨn̰ marɨne le andaŋge ƴen̰ na, kan wayge na gundo dugo ɨni. Kan ayooge orɨn̰ ɨmgooge kɨway kudurɔɔ bɨ.

Gɨye-lɔɔ 9:5

Sol ɨngɨri hɨn̰: «Ji na waŋ ga Ba-gulɔŋ?» Bɨ noy ungo le jɨga dɨbii cay nee yey hɨn̰: «Ɨŋ na Jesu gɨ ji ba gɨləŋ-cɨn̰ le.

Magtubu di Pol wal bɨn̰ kalaŋ ga Rɔm 11:22

Ɨrɨm a cay ɗarwa di da Kumu dɨŋ bɨ, a cay osɨwa koyi gɨŋ bɨ. Ban gɨl osɨwa koyi dan̰ kalaŋ ga andaŋge a te gɨyəŋ gɨŋ coŋ, ama ban sol cɨn̰-n̰age ton̰ tɔgɨ kɨɗɨn̰ ga ji na sɨma usa a te ɗarwa toyi dɨŋ. Hɨn̰ gɨ ji na ɨr usa cay nee naŋ na, ji-bandi kalɨn̰ ma kan kɨya sɨrɨn̰ coŋ bɨ.

1 Korɛ̰t 12:12

Kɨŋ sol gɨ kuyoŋdi-gusɨna na pɨna hayi ama kɨway kondɨ. Bɨ kɨway gusɨna ga kondi na dayaŋge daa na bɨləŋge na kuyoŋdi-gusu gɨ pɨna ƴɔbɨ. Woy gɨlɨn̰ na hɨn̰ wo̰ bɨ kɨya cay Kɨris.

1 Korɛ̰t 4:7

Kɛ, na waŋ ba-dɔrɛ cɨndɨn̰ duroy kamdɨn̰ ga? Kɛ, na wa ma mɨn̰ way dan̰ cay gusɨn̰ dɨle gɨ Kumu gusi na ba bɨn̰ ga? Ma hɨn̰ gɨ hɨnga nɔm ga ji ba way le Kumu naa ba bɨn̰ na, kɛ na kɨya wa ma mɨn̰ de jorgɨn̰ hɨn̰ gɨ naa ji-bandi gusɨn̰ naa ba wɔɔ dan̰ cay gusɨn̰ wo̰ ga?

Epɛs 5:30

Waŋ waŋ kalɨn̰ ma a duroyna na kɨway kuyoŋdi-gusi.