Gɨye-lɔɔ 18:3 - Gabri Maja

³ Kɨya wa ban Pol kalɨn̰ ma, na ba-lɔɔ ƴaa-tanda hɨn̰ kan wo̰ bɨ. Ban som danage leen̰ gɨye danage.

Gɨye-lɔɔ 18:3 Σταυροειδείς Αναφορές

1 Korɛ̰t 4:12

ni lee gɨye dan̰ kobɨni koni gɨlalɨn̰ toy nee bɨ. Hɨn̰ gɨ kalaŋ na yagɨdani na, ni torna-kɨbɨni cayge. Hɨn̰ gɨ kalaŋ na gɨlni-cɨn̰ na, ni ƴom na kuduroyni osu.

1 Korɛ̰t 9:14

Na hɨn̰ wo̰ bɨ ma Ba-gulɔŋ ayɨn̰ noy gɨ kalaŋ ga ka-tɔgɛ bɛrnɛ gɨ da Kɔl-gɨ-Ɗari na waage hɨnga ga ni dɔɔ kage naa dan̰ gɨyəŋ gɨ da Kɔl-gɨ-Ɗari bɨ.

1 Korɛ̰t 9:15

Ama hɨnga ga ɨŋ orɨn̰ dan̰ gɨyəŋ gɨ ni ƴɔɔ le, ɨŋ-bandi ɨŋ ƴa naŋ bɨrɨŋ. Haw kɛ ɨŋ wala magtubu di kɛ le na gɨ ni ɨngɨrɨn̰ naŋ bɨ. Tɨman̰nɨ kuɗa ɗɨn̰ gɨ ni ɗɔɔ ungo ƴɔɔ hɨnga ga kɔbɔŋ ga ɨŋ kɨya ayɨn̰ canɨ daa tumoy kalaŋ le.

1 Korɛ̰t 9:18

Naa hɨn̰ wo̰ ɨni na cay kɔbɔŋ hɨnge ba ani ga? Hɨnga ga ni cay kɔbɔŋ na gɨ ɨŋ na tɨga bɛrnɛ Kɔl-gɨ-Ɗari kalɨn̰ dɨle ƴɔɔ hɨnga ga ɨŋ orɨn̰ dan̰ gɨyəŋ gɨ ni ƴɔɔ a te tɔgɛ bɛrnɛ dɨŋ.

2 Korɛ̰t 11:7

Kɨŋ sol gɨ kɨɗɨn̰ ga ɨŋ ba tee bɛrnɛ Kɔl-gɨ-Ɗari gɨ da Kumu bɨgɨŋ le, ɨŋ ɨngɨr gursu kobɨgɨŋ naŋ. Hɨn̰ wo̰ na ɨŋ lee gusɨnɨ leen̰ gɨ dḛ agɨŋ na bɨle kalaŋ ga gɨmdəŋ. Ma haw kɛ kɨŋ gɨ yɔ gɨ ɨŋ na lee naa ɨsɨna ga?

2 Korɛ̰t 11:9

Kɨɗɨn̰ ga ɨŋ ba ban̰ duroygɨŋ le n̰agedi hɨnga na laaŋ na, ɨŋ ɗa nɨn̰wa cay ungo wo̰ duroygɨŋ naŋ. Na karmɨgɨŋ ga saygage a cay gɨsəŋ ga Masedɨwan ba bəŋge hɨnga nɔm ga wɨyəŋ. Ɨŋ kan̰ ɗɔ nɨn̰wa caygɨŋ ojɨn̰ cay hɨnga ga ɨŋ or n̰agedɨge bɨ, ɨŋ kɨya ɗɔ nɨn̰wa caygɨŋ naŋ bɨrɨŋ bɨ.

2 Korɛ̰t 12:13

Naa hɨn̰ wo̰ na, hɨnga ga Ka-Daye ga ɗaŋ wayge ma kɨŋ-gandi kɨŋ waa naŋ le na wa ga? Kɛ na nɨn̰e gɨ ɨŋ nɨygɨŋ naŋ le ƴɔbɨ naŋ ga? Hɨn̰ gɨ ɨŋ na laa naa hɨnga ga dan̰ gɨyəŋdɨge naŋ danagɨŋ na, ɨŋ olgɨŋ gɨ kɨŋ ɗa kuduroygɨŋ jala canɨ koldɨge.

1 Tesalonigɨ 2:9

Ay, karmɨnɨ ga ban̰aŋ dan̰ ga kandɨ, hɨngɨŋ a cay gɨye gɨ ni ba lee ƴomɨn̰ kɨjan̰e le bɨ, cay gɨlale gɨ ni ba gɨlal danagɨŋ bɨ. Kɨɗɨn̰ ga ni ba tee bɛrnɛ di da Kɔl-gɨ-Ɗari gɨ da Kumu bɨgɨŋ le, ni lee gɨye dan̰ son̰do bɨ, tɨwa di ɨni bɨ, ɗe ani na nɨyin̰ ungo pɨna wo̰ duroygɨŋ naŋ.

1 Tesalonigɨ 4:11

Malagɨŋ sɔmɛ dan̰ gusi-dɔbɛ dan̰ gusɨgɨŋ bɨ, ɗagɨŋ kuduroygɨŋ kardi gɨye kogɨŋ kɨŋ-gandi gusɨgɨŋ bɨ. Laagɨŋ gɨye dan̰ kobɨgɨŋ hɨn̰ gɨ ni ba ayɨn̰ noyni bɨgɨŋ le.