Əbɨro 6:11 - Gabri Maja

¹¹ Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

Əbɨro 6:11 Σταυροειδείς Αναφορές

Matɨyo 24:13

Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Kɔl-gɨ-Ɗari gɨ Lug wal 1:1

Kalaŋ kondɨ ayge te wale kol hɨnga ga ba lee gusɨge a duroyna le duroy magtubu dɨŋ.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

1 Korɛ̰t 13:13

Haw kɛ na, hɨnga ga woy dan̰ cɨndɨge yɔd le toyge won̰ na sɨbɨ: Na aye kudurɔ bɨ, bɔgɛ ɨrɨme a cay Kumu bɨ, wandɨ bɨ. Ama duroy kan ga sɨbɨ le, gɨ gumu ɗige nɔm na wandɨ.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

Galad 5:5

Kona na-gandi ga na ba bee ɨrɨmedɨna a cay Kumu le, na sol gɨ ban bɨlna leen̰ kalaŋ ga dan̰ durɔ ɗɨngar. Bɨ na kɨya cay Turnɔ di da Kumu di lee gɨye dan̰ gɨyəŋ gɨ da aye kudurɔ konagɨŋ le ma, mana somɨn̰gɨŋ amɨn̰gɨŋ wɔlɛ gɨ nee le.

Galad 6:9

Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ.

Pilib 3:15

Kuɗa gɨ na-gandi nɔm ga cɨndɨna naa a te aye kudurɔ gɨŋ le, na kɨba ɨrɨme gɨ pɨna hayi gɨ nee le. Ama hɨn̰ gɨ hɨnga ga pɨna na wɨya, ma te tumoygɨŋ na ɓalɨn̰a cay nee naŋ kalɨn̰ ma, Kumu kɨya haŋge cɨndɨgɨŋ cay nee.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

1 Tesalonigɨ 1:5

Kɨya wa bɛrnɛ di da Kɔl-gɨ-Ɗari gɨ ni tee bɨgɨŋ le, na dan̰ kɔl ƴɔbɨ naŋ, ama na dan̰ dɔnɔ bɨ, dan̰ gɨye-lɔɔ gɨ da Turnɔ ɗe-kuduroy-bɛrɛ bɨ, dan̰ bɔgɛ kudurɔ gɨ cɨndi bɨ. Kɨŋ sol haldɨni duroygɨŋ bɨ, gɨye-lɔɔdini kol caygɨŋ bɨ.

1 Tesalonigɨ 4:10

Na hɨnga ga nee le ma magɨŋ lee, kɨya wa kɨŋ gey karmɨgɨŋ ga ban̰aŋ dan̰ ga kandɨ nɔm ga a cay gɨsəŋ ga Masedɨwan gaŋ. Ama ni bəgɨŋ kɔl-gɨ-ɗari kuduroygɨŋ gɨ kɨŋ na gey gusɨgɨŋ jɨn̰ tumɔ nee coŋ.

2 Tesalonigɨ 3:13

Ama kɨŋ-gandi karmɨnɨ ga ban̰aŋ dan̰ ga kandɨ, kɨŋ ɗɔɔ ba gɨlale te lɔɔ hɨnga ga ɗari gaŋ naŋ.

Əbɨro 10:22

Hɨn̰ wo̰ na, ɗe gɨ ana sɨygɨŋ mɨnde gusi Kumu dan̰ ɗugoynagɨŋ pɨna bɨ, dan̰ aye kudurɔ gɨ osi kəŋ kəŋ bɨ, dan̰ ɗugoynagɨŋ di duroŋ mɨra te ɨrɨmedɨna gɨ ɨsɨn nɔm bɨ, dan̰ kuyoŋdi-gusɨnagɨŋ gɨ pɨlge dan̰ kaŋ ga arɨn̰ cərərə bɨ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

2 Pɨyɛr 1:10

Karmɨnɨ ga ban̰aŋ dan̰ ga kandɨ, na toy di hɨn̰ wo̰ ma, kuɗa gɨ kɨŋ ƴɨma togɨygɨŋ daa ɗe ɗɨn̰ di tumɔ coŋ agɨŋ ɨrɨn̰ osu a te tɔgɛ gɨ Kumu təgɨŋ le bɨ, dɔrɛ gɨ Kumu dorgɨŋ le bɨ. Kɨya wa hɨn̰ gɨ kɨŋ na laa hɨn̰ wo̰ na, kɨŋ kɨya bɔɔ a boy hɨnga ga ɨsɨni gaŋ naŋ bɨrɨŋ.

2 Pɨyɛr 3:14

Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

1 Ja̰ 3:14

Na-gandi na solgɨŋ gɨ na andaŋgɨŋ a kobɨ tɨma dɨŋ coŋ, andɨn̰ a sɔmɛ-bɨra gɨŋ kɨya gɨ na gey karmiinagɨŋ ga ban̰aŋ dan̰ ga kandɨ. Waŋ waŋ gɨ na gey karmii ga ban̰aŋ dan̰ ga kandɨ naŋ na, ban baa na a te dɔnɔ di da tɨma dɨŋ ƴee.

1 Ja̰ 3:19

Hɨn̰ gɨ nana geygɨŋ karmiinagɨŋ ga ban̰aŋ dan̰ ga kandɨ na, na hɨn̰ wo̰ dɨm ma mana kɨya sɔlɛgɨŋ gɨ na naa kalaŋ ga da kɔl gɨ cɨndi. Dan̰ gɨyəŋ gɨ da ɨrɨme gɨ nee le na, ɗugoynagɨŋ kɨya bɔɔ po̰ dugo tumoy Kumu.

Wasɨn̰a 2:26

«Ungo gɨ na bɨya-kɨmbɨl bɨ lun̰doŋ kardi gɨye hɨnge bɨrɨŋ andan̰ a kagadi wɔlɛ gɨŋ bɨ na, ɨŋ kɨya bɨn̰ ungo gɨ nee le, dɔnɔ di ni dɨn̰ cay te wɔɔ gɨ da kalaŋ.