Əbɨro 2:17 - Gabri Maja

¹⁷ Na toy di hɨn̰ wo̰ ma, ojɨ gɨ naa wa wa kalɨn̰ ma, Jesu na bɨl gɨlɨn̰ hɨn̰ karmii wo̰ te hɨnga nɔm, ɗe ban na bɨlɨn̰ mangɨl gɨ da ka-cay ka-bɔgɛ kɨbar bɨ, gɨ ba sɔlɛ cɨn̰-n̰age di da kalaŋ bɨ, gɨ ɨre kɨbɨ gɨye koyi gɨŋ tumoy Kumu ɗe Kumu na ɗe kuduroyi jal cay ɨsɨna gɨ da te kalaŋ.

Əbɨro 2:17 Σταυροειδείς Αναφορές

Magtubu di Pol wal bɨn̰ kalaŋ ga Rɔm 15:17

Lee gɨ ɨŋ ɓal lɔɔ gusi-mɔwa a cay gɨye nɔm ga ɨŋ lee bɨn̰ Kumu, dan̰ gɨyəŋ gɨ da te bugoŋ pɨna dan̰ Jesu-Kɨris.

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

Epɛs 2:16

Kɨris gey bogɨna pɨna nɔm dan̰ Kumu, Jubɨ bɨ Jubɨ naŋ bɨ ɗe ana na bɨlɨn̰ te kalaŋ ga pɨna dan̰ gɨyəŋ gɨ da tɨmaydi di a cay sɨya-gɨ-dagɨli gɨŋ. Na a cay sɨya-gɨ-dagɨli gɨŋ ma ban mondɨ ƴɔmɛ gusɨna dan̰ kuduroyna gɨ woy a duroyna bɨ, ban lee gɨ na bɨləŋ na te kalaŋ ga pɨna bɨ.

Kɔlɔs 1:21

Kɨŋ-gandi le, tumɔ kɨŋ na kɨrge a cɨn̰ Kumu bɨ, kɨŋ na ka-baa kayi bɨ, dan̰ gɨyəŋ gɨ da ɨrɨmedɨgɨŋ bɨ, dan̰ gɨyəŋ gɨ da gɨye-lɔɔdɨgɨŋ gɨ ɨsɨni bɨ.

Əbɨro 10:21

Leen̰ cɨndi, na orɨn̰gɨŋ dan̰ mangɨl gɨ da ka-bɔgɛ kɨbar pɨna gɨ siige a cay ƴaa-di-da-Kumu dɨŋ.

Əbɨro 2:11

Jesu ba dorɨn̰ kalaŋ mɨra te ɨsɨna koge gɨŋ bɨ, kan ga ban dorge mɨra te ɨsɨna koge gɨŋ bɨ le, kan nɔm toge dɨŋ bayge na pɨna. Na toy di hɨn̰ wo̰ ma, dasi dayi di ni togɨge karmii ga ban̰aŋ dan̰ ga kandɨ naŋ.

Əbɨro 2:14

Hɨn̰ gɨ karɨn̰aŋ na ɨran̰ge dan̰ kuyoŋdi-gusɨge bɨ, dan̰ kɨbar bɨ na, Jesu kalɨn̰ ma bɨle woy na hɨn̰ kan wo̰ bɨ. Lee gɨ ban orɨn̰ dan̰ kuyoŋdi-gusi hɨn̰ koge wo̰ bɨ. Ban lee hɨn̰ wo̰ na ɗe gɨ ay na mondɨn̰ dɔnɔ di da Haban̰ dan̰ gɨyəŋ gɨ da tɨmaydi. Haban̰ le na hɨndi di orɨn̰ dan̰ dɔnɔ di da tɨma kɔbɔ le.

Əbɨro 2:16

Na cɨndi, ban ɨre na kɨya jɨbe te ka-ƴɔbɛ ga daa nii naŋ, ama ban ɨrga na kɨya jɨbe te kalaŋ ga a te wɨn̰je gɨ da Abɨraham gɨŋ.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Əbɨro 3:2

Na cɨndi, Kumu dor Jesu na kɨya gɨye gɨ nee le bɨ, ban ɨre a cay tɨbay dɨŋ danayi hɨn̰ gɨ Moyis gɨ kan yege koldi hɨn̰: «Ban na ungo gɨ ɨre a cay tɨbayi dɨŋ leen̰ gɨye kɨya jɨbɨn̰ te kalaŋ ga da Kumu nɔm.»

Əbɨro 3:5

Gɨ ojɨ cay Moyis na, ban na ungo gɨ ɨre a cay tɨbayi dɨŋ jɨbɨn̰ te kalaŋ ga da Kumu nɔm. Ban na marɨna ba-gɨye bɨ, ba lɔɔ tɨmon̰ da kɔl gɨ Kumu kɨya tɔgɛ bɛrnɛdi kardi nee bɨ.

Əbɨro 4:14

Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.

Əbɨro 4:15

Na cɨndi, na orɨn̰ dan̰ mangɨl gɨ da ka-cay ka-bɔgɛ kɨbar gɨ ɓal gɨle-cɨn̰ danana duroy gabaŋ kona. Hɨnga nɔm ga ba gɨybɨnagɨŋ le, gɨybii bɨ ama ban laa ɨsɨna naŋ.

Əbɨro 5:1

Mangɨl gɨ da ka-cay ka-bɔgɛ kɨbar gɨ ani ani gɨ kan doriige duroy kalaŋ le, gɨye-lɔɔdi na lɔɔ gɨye bɨn̰ Kumu kol cayge. Kan som na kɨya bɨn̰ Kumu hɨnga ga ni bee bɨ, bɔgɛ kɨbar bɨ, kɨya cay ɨsɨnan̰əŋ.

Əbɨro 5:10

Kumu sii leen̰ mangɨl gɨ da ka-cay ka-bɔgɛ kɨbar na hɨn̰ gɨ da Mɛlgisedɛg wo̰.

Əbɨro 5:2

Kan ga sɨlage duroy hɨnga naŋ bɨ, kayge gɨyəŋ bɨ le, ban ɓal sɔlɛ hɨnga sɔlɛdɨge. Kɨya wa ban kalɨn̰ ma, na ungo gɨ ɨndi gɨ tɔgɨ wɨyii hɨn̰ mɨgayi ungo gɨ ɨndi wo̰ bɨ.

Əbɨro 5:5

Gɨ da Kɨris kalɨn̰ ma, na hɨn̰ wo̰ bɨ. Na ban ba bɨle mangɨl gɨ da ka-cay ka-bɔgɛ kɨbar dɨbɨn̰ gusoŋ-tɔgɛ a cay gusi koyi gɨŋ gaŋ naŋ. Ama ban gɨ ba dɨbe gusoŋ-tɔgɛ a cayi le, na Kumu gɨ ye hɨn̰: «Ji na Kuronɨ, Ayɨn̰ toy labɨde na, ɨŋ ye daa waŋ ɨŋ na ban̰.»

Əbɨro 6:20

Ho’o, na kɨɗɨn̰ ga nee gaŋ le ma Jesu or tumoyna andaŋ a duroy ƴaa di da Kumu di woy a gɨɗɨgɨ-Kumu gɨŋ kɨya cayna. Kɨya gɨ ban bɨle mangɨl gɨ da ka-cay ka-bɔgɛ kɨbar dan̰ tumoyi hɨn̰ gɨ da Mɛlgisedɛg wo̰.

Əbɨro 7:26

Jesu le, na mangɨl gɨ da ka-cay ka-bɔgɛ kɨbar gɨ na or n̰agedi. Ban na ungo gɨ woy dan̰ cɨndi bɨ, dan̰ naji toyi bɨ, ɨsɨna pɨna wo̰ cilii naŋ bɨ. Ban gɨlɨn̰ dan̰ ka-lɔɔ ɨsɨna naŋ bɨ, Kumu ayi orɨn̰ danayi gɨɗɨgɨ-Kumu gɨŋ daa nii bɨ.

Əbɨro 7:28

Gasɨn̰-kɔl gɨ da Moyis si kalaŋ mangɨln̰əŋ ga da ka-cay ka-bɔgɛ kɨbar, ama kan kuɗudaŋge duroŋ cɨrɛɗ naŋ. Ama ɓɨse gɨ Kumu ɓɨsɨ gusi ayɨn̰ te tumoyi le ɨrga na kardi gasɨn̰-kɔl. Kɔl gɨ Kumu ɓɨsɨn̰ gusi gɨ nee le, dor Kurɨn̰ Kumu sii mangɨl gɨ da ka-cay ka-bɔgɛ kɨbar gɨ kuɗa duroŋ cɨrɛɗ dan̰ tumoyi.

Əbɨro 8:1

Te kɔl nɔm gɨ ni ba ye le bambadi ba kɛ: Leen̰ cɨndi, na mangɨl gɨ da ka-cay ka-bɔgɛ kɨbar gɨ gɨlɨn̰ hɨn̰ ban gɨ nee le ma mana orɨn̰gɨŋ. Ban som durdi kali-tɨrɨmbala da Kumu ba dɔnɔ gɨ ɗɨn̰ dɔnɔ nɔm a cay kobi gɨ bara gɨŋ a gɨɗɨgɨ-Kumu.

Əbɨro 8:3

Mangɨl gɨ da ka-cay ka-bɔgɛ kɨbar gɨ ani ani le, ɗeyge ɗe ban na bɨn̰ Kumu hɨnga ga ni bee bɨ, nare gɨ ni dɨɗe bogɨn̰ kɨbar bɨ. Na toy di hɨn̰ wo̰ ma, ojɨ gɨ Kɨris kalɨn̰ ma, na ɨran̰ dan̰ hɨnga ga ni bee bɨ.

Əbɨro 9:11

Ama haw kɛ Kɨris andɨgaŋ dus ɨni. Ban bɨle mangɨl gɨ da ka-cay ka-bɔgɛ kɨbar gɨ da hɨnga ga ɗadɨrdaŋ ga kɨya caga. Ƴaa-di-da-Kumu di leege dan̰ ɓala gɨ Kɨris andaŋ nee le, na ƴaa-ɓala gɨ gumu cɨla bɨ duroŋ cɨrɛɗ cɨla bɨ. Na kalaŋ ba lɔɔge ƴaa di nee le dan̰ kobɨge naŋ bɨ. Duroy kɔl le, na ƴaa di cay gɨsəŋ gaŋ kɛ naŋ.