2 Pɨyɛr 3:11 - Gabri Maja

¹¹ Hɨn̰ gɨ hɨnga nɔm na kɨya kaɗɨn̰a bɛɗ hɨn̰ wo̰ na, gɨye lɔɔdɨgɨŋ gɨ wɔyɛ na mɨna ga? Kuɗa sɔmɛ dan̰ gɨye-lɔɔ gɨ bugoŋ pɨna dan̰ Kumu bɨ, dan̰ gɨye-lɔɔ gɨ woy dan̰ cɨndi bɨ.

2 Pɨyɛr 3:11 Σταυροειδείς Αναφορές

Matɨyo 8:27

Kɔl kay kalaŋ bɨ, yege hɨn̰: «Ungo gɨ kɛ le na waŋ, ma kal bɨ, kuray gɨ gumu taa taa bɨ, jege kɔl kɨbi wo̰ ga!»

Magtubu di Pol wal bɨn̰ kalaŋ ga Rɔm 13:11

Kɨŋ sol tɨwa di na ba somɨn̰gɨŋ nee nɔm: Na tɨwa di kɨŋ kɨya son̰ te kuŋ gaŋ ɨni. Kɨya wa haw kɛ na, pɔɗɛ mɨnde danana ɗɨn̰ wɔlɛ gɨ na ba an̰ kuduroyna bɨn̰ Jesu.

Magtubu di Pol wal bɨn̰ kalaŋ ga Rɔm 13:12

Son̰do baa mɨnde gɨ kɨya ayaŋ lee gɨ kɨɗɨn̰ ga woli baa mɨnde. Hɨn̰ wo̰ na, tɨragɨŋ gɨye-lɔɔ gɨ da dɨlɨm gusɨgɨŋ coŋ bɨ tɨban̰gɨŋ hɨnga ga ni wɔrɨn̰ɛ ga da asɨn̰a gusɨgɨŋ.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 3:20

Ama na-gandi na, na na kalaŋ ga cay ƴaadɨna na a gɨɗɨgɨ-Kumu gɨŋ. Gɨɗɨgɨ-Kumu na kɨɗɨn̰ ga ba-pɔɗɛ kalaŋ Ba-gulondɨna Jesu-Kɨris gɨ na ba som gamii le, kɨya sayga nee ɨrga a cay gɨsəŋ gaŋ.

1 Tesalonigɨ 1:5

Kɨya wa bɛrnɛ di da Kɔl-gɨ-Ɗari gɨ ni tee bɨgɨŋ le, na dan̰ kɔl ƴɔbɨ naŋ, ama na dan̰ dɔnɔ bɨ, dan̰ gɨye-lɔɔ gɨ da Turnɔ ɗe-kuduroy-bɛrɛ bɨ, dan̰ bɔgɛ kudurɔ gɨ cɨndi bɨ. Kɨŋ sol haldɨni duroygɨŋ bɨ, gɨye-lɔɔdini kol caygɨŋ bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

1 Timote 4:12

Ɗɔɔ gɨ ungo hagɨrɨn̰ kɨya gɨ ji naa marɨna naŋ. Ama kuɗa gɨ kɔl yɔdɨn̰ bɨ, gɨye-lɔɔdɨn̰ bɨ, ƴɔmɛ wandɨ ton̰ bɨ, aye kudurɔ kon̰ bɨ, haldɨn̰ gɨ duroŋ mɨra bɨ, wɨya na hɨnga ga ni gɨle, kɨya cay ka-aye kudurɔ.

1 Timote 6:11

Ama ji ungo gɨ da Kumu na, aya gusɨn̰ coŋ cay hɨnga nɔm ga nee le. Ji mala na lɔɔ hɨnga ga dan̰ durɔ ɗɨngar bɨ, gɨye-lɔɔ gɨ bugoŋ pɨna dan̰ Kumu bɨ, aye kudurɔ bɨ, geye bɨ, ƴɔmɛ kuduroy-osɨwa bɨ, kale ga jali bɨ.

1 Timote 6:3

Hɨn̰ gɨ ungo na gɨlɨn̰ kalaŋ hɨnga tɨrabe ga ɗaŋ na, ban ɗe na kɔl gɨ cɨndi gɨ da Ba-gulondɨna Jesu-Kɨris coŋ bɨ, ɗe na gɨle hɨnga ga or pɨna dan̰ aye kudurɔ kona coŋ bɨ,

1 Timote 6:6

Na cɨndi, gɨye-lɔɔ gɨ bugoŋ pɨna dan̰ Kumu le, na hɨnga wɔɔ ga kondi, ama na kɨɗɨn̰ ga ungo sol lɔɔ gusi-mɔwa dan̰ hɨnga ga ban orɨn̰ kobi le.

Əbɨro 13:5

Ɗɔɔ gɨ haldɨgɨŋ wɔyɛ hɨn̰ hal gɨ da kalaŋ ka-lɔɔ te gursu naŋ. Ama ɗe gɨ hɨnga ga kɨŋ ba way haw kɛ le ɓalgɨŋ. Kɨya wa Ba-gulɔŋ gusi ye hɨn̰: «Ɨŋ kɨya ɗon̰ coŋ naŋ bɨ, kan̰ɨn̰ coŋ naŋ bɨ.»

Magtubu di Jag wal 1:24

Bɨ kɨɗɨn̰ ga ban sol cɨndi le coŋ ɨni na, ban say or bɨ, kɨɗɨn̰di ga nee gaŋ le bɨ, ban hal gɨybəŋ cay nee.

Magtubu di Jag wal 3:13

Kɛ na waŋ duroygɨŋ ma na ungo gɨ tɨdi hangaŋ bɨ, muɗol bɨ ga? Kuɗa gɨ ban gɨl hɨnga ga nee le, dan̰ gɨye-lɔɔdi gɨ kuɗa bɨ, dan̰ gɨye-lɔɔdi gɨ or dan̰ durɔ kuɗa bɨ, dan̰ gɨye-lɔɔdi gɨ da kale di gɨ jal jɔm bɨ, dan̰ cɨn̰-muɗɔlɛ koyi gɨ sayga a daa nii le cɨn̰ kalaŋ.

1 Pɨyɛr 1:15

Kumu gɨ ba togɨgɨŋ le woy dan̰ cɨndi. Na toy di hɨn̰ wo̰ ma, kuɗa gɨ kɨŋ-gandi kalɨn̰ ma kɨŋ wɨya dan̰ cɨndɨgɨŋ te gɨye-lɔɔdɨgɨŋ gɨŋ nɔm bɨ.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

2 Pɨyɛr 1:3

Na cɨndi, Kumu bɨnagɨŋ hɨnga nɔm ga na or n̰agedɨge na kol dɔnɔ toyi, ɗe ana na somɨn̰gɨŋ-bɨra bɨ, leen̰gɨŋ gɨye lɔɔ gɨ bugoŋ pɨna dan̰ Kumu bɨ. Ban Kumu lee gɨ na solgɨŋ gɨ ban teenagɨŋ na dan̰ gɨyəŋ gɨ da gusoŋ-tɔgɛ koyi bɨ, na dan̰ gɨyəŋ gɨ da tɔgɨ toyi bɨ.

2 Pɨyɛr 1:6

sɨgɨŋ a cay hɨnga ga ni sɔlɛ gaŋ, dɔnɔ di ni ƴomɨn̰ gusu osɨwa a cay hɨnga bɨ, sɨgɨŋ dɔnɔ di ni ƴomɨn̰ gusu osɨwa cay haye-kudurɔ gɨŋ bɨ, sɨgɨŋ a cay haye-kudurɔ gɨŋ gɨye-lɔɔ gɨ bəgɨŋ pɨna dan̰ Kumu bɨ,

2 Pɨyɛr 3:10

Wɔlɛ gɨ da Ba-gulɔŋ le, kɨya ɨrga na hɨn̰ gɨ da ba-hase wo̰. Wɔlɛdi gɨ nee le, gɨɗɨgɨ-Kumu dan̰ noy hɨnga ga pɨna wo̰ ga ye lee hundɔrɔ tɔgɨ kɨya kaɗɨn̰a bɛɗ. Hɨnga ga Kumu ɗege ga tɨwa woy boy nee le, kɨya mundoŋge coŋ bɨ, cay gɨsəŋ dan̰ hɨnga nɔm ga boy nee, kɨya unɔge coŋ bɨ.

2 Pɨyɛr 3:12

Gamagɨŋ bɨ, sɨbɨrgɨŋ wɔlɛ caga gɨ da Kumu bɨ. Wɔlɛdi gɨ nee le, kan kɨya mɔndɛ gɨɗɨgɨ-Kumu na dan̰ tɨwa bɨ, hɨnga ga Kumu ɗege ga tɨwa di daa woy boy nee le, kɨya mundoŋge coŋ bɨ.