2 Pɨyɛr 1:11 - Gabri Maja

¹¹ Na cɨndi, na toy di hɨn̰ wo̰ ma leege ɗarwa danagɨŋ, lee gɨ kan kɨya bɨgɨŋ gɨyəŋ andɨn̰ boy dɔɔ-ƴaa di da Kumu di woy dan̰ cɨndo dɨŋ le. Dɔɔ-ƴaa le na di da Jesu-Kɨris gɨ na Ba-gulondɨna bɨ, Ba-pɔɗɨna bɨ.

2 Pɨyɛr 1:11 Σταυροειδείς Αναφορές

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Kɔl-gɨ-Ɗari gɨ Ja̰ wal 10:10

Ba-hase le ɨrga na kɨya hase bɨ, dɨɗe kɨɗɨn̰ bɨ, mɔndɛ kɨɗɨn̰ bɨ ƴɔbɨ. Ama ɨŋ-bandi na, ɨŋ ɨrga na ɗe gɨ kalaŋ na wayan̰ge sɔmɛ-bɨra bɨ, tɔrɛ-kɨbɨ gɨ toy kan̰di kan̰di bɨ.

Magtubu di Pol wal bɨn̰ kalaŋ ga Rɔm 2:4

Naŋ le, kɛ ji hagɨr na kuduroy-ɗarwa da Kumu di gumu bɨ, dɨbe-ɗugɔ toyi bɨ, haye-kudurɔ toyi bɨ ga? Kɛ, ji sɨla gɨ kuduroy-ɗarwa di da Kumu di ban ɨre lee le, na ɗe gɨ an̰ na bɨlɨn̰ haldɨn̰ naŋ ga?

1 Korɛ̰t 15:24

Gɨ nee le ma na kagadi wɔlɛ kɨɗɨn̰ ga Kɨris kɨya mɔndɛ dɔɔ-ƴaan̰əŋ nɔm bɨ, ka-dɔɔ-ƴaan̰əŋ nɔm bɨ, kɨya mɔndɛ dɔnɔ di da turnɔn̰əŋ ga ɨsɨndəŋ nɔm bɨ, jogɨn̰ dan̰ dɔɔ-ƴaa gɨ ni dɔbɛ kobɨ bayi Kumu le.

2 Korɛ̰t 5:1

Kuyoŋdi-gusɨna na ƴaa tona di a cay gɨsəŋ gaŋ kɛ di woy gɨlɨn̰ hɨn̰ dabaŋ wo̰. Ama na solgɨŋ kuɗa hɨn̰ gɨ ƴaa di nee le na mundoŋ coŋ na, na orɨn̰ dan̰ hɨndi di kɨya sɔmɛ dan̰ tumɔɔ a gɨɗɨgɨ-Kumu gɨŋ. Ƴaa di nee le, na ƴaa di ungo gɨ ɨndi ba lɔɔ dan̰ kobi naŋ, ama na Kumu ba lɔɔ kol cayna.

Epɛs 3:20

Kumu ɓal lɔɔ hɨnga nɔm ga na ɨngɨrii naŋ le, ga na sol le. Ban ɓal lɔɔ ɗɨn̰ cɨla coŋ ƴee. Bɨ kɨya lɔɔ hɨnga ga nee le, dan̰ gɨyəŋ gɨ da dɔnɔ di lee gɨye a kuduroyna le.

1 Timote 6:17

Yan̰ ka-wɔɔ hɨnga tɔgɨ ga a cay gɨsəŋ gaŋ kɛ le, ɗe dege jorgɨyge naŋ. Yage ɗe kan ɗe ɨrɨmedɨge a cay hɨnga ga ni wɔɔ ga kɨya pɨde gaŋ naŋ. Ama ɗe kan ɗe ɨrɨmedɨge a cay Kumu gɨ na ba bɨnagɨŋ hɨnga nɔm bɨ, ɗe ana na solɨn̰gɨŋ mɔwadɨge bɨ.

2 Timote 4:18

Ba-gulɔŋ kɨya bɔɗɔŋ duroy hɨnga nɔm ga ɨsɨnde gaŋ coŋ bɨ. Ban kɨya pɔɗɔŋ kɨya cay dɔɔ-ƴaa toyi di daa nii bɨ. Gusoŋ-tɔgɛ na koyi, ɨlge dan̰ ɨlge! Ɗa-ɗe-woy-hɨn̰-wo̰.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Əbɨro 6:17

Na toy di hɨn̰ wo̰ ma, Kumu gey gɨ ka-wɔɔ hɨnga ga Kumu ye gɨ ɗi na kɨya bee le, na sɨlage duroy arɨn̰a gɨɗaŋ gɨ cay gasɨndi ga ban ay le, ɗi na kɨya bɨle naŋ. Na kɨya cay kɔl gɨ nee le ma, ban dɨɗɨ kɨbɨ hɨnga ga ban ye gɨ ɗi na kɨya bee le dan̰ ɓɨse gusi.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

2 Pɨyɛr 1:5

Kɨya cay kɔl gɨ nee le na, kuɗa gɨ kɨŋ ƴɨma gusɨgɨŋ usa bɨ, kɨŋ si hal gɨ ɗari a cay aye kudurɔ kogɨŋ gɨŋ bɨ, kɨŋ si hɨnga-sɔlɛ a cay haldɨgɨŋ gɨ ɗari gɨŋ bɨ,

2 Pɨyɛr 2:20

Kan ga solge Jesu-Kɨris gɨ na Ba-gulondɨna bɨ ba-pɔɗɨna bɨ le, ɗege hɨnga ga mɨdagi ga a cay gɨsəŋ gaŋ coŋ. Ama hɨn̰ gɨ kan na jɨga ɗa gusɨge bɨn̰ hɨnga ga mɨdagi ga nongɨrdɨge ɗaŋ bɨ, dii cayge ɗaŋ coŋ bɨ na, sɔmɛdɨge gɨ kagadi gɨŋ le, kɨya ɨsɨna tɔgɨ ɗɨn̰ gɨ tumɔ ƴee.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

Wasɨn̰a 3:21

«Ungo gɨ na bɨya-kɨmbɨl na, ɨŋ kɨya aye nonɨ bii ɗe som danaŋ a cay kali-tɨrɨmbala tɨnge dɨŋ. Ho’o ban kɨya lɔɔ hɨnga hɨn̰ gɨ ɨŋ-bandi kalɨn̰ ma ɨŋ ba lee wo̰ bɨ. Ɨŋ-bandi ɨŋ boy-kɨmbɨl bɨ, ɨŋ or sɔmɛ dan̰ Banɨ Kumu a cay kali-tɨrɨmbala toyi dɨŋ.

Wasɨn̰a 5:10

Ji bɨlge leen̰ dɔɔ-ƴaa bɨ, Leen̰ ka-bɔgɛ kɨbar, Ɗe na n̰ɨrɨn̰ge Kumu konagɨŋ bɨ, Kan kɨya dɔɔge cay ƴaan̰əŋ, A cay gɨsəŋ gaŋ kɛ.»