1 Pɨyɛr 2:17 - Gabri Maja

¹⁷ Dɨbɨn̰gɨŋ kalaŋ nɔm hurɔmɔ bɨ, geygɨŋ karmɨgɨŋ ga ban̰aŋ dan̰ ga kandɨ ga ka-aye kudurɔ bɨ, bɨgan̰gɨŋ Kumu kɔl bɨ, dɨbɨn̰gɨŋ kɨlma gɨ gumu hurɔmɔ cayi bɨ.

1 Pɨyɛr 2:17 Σταυροειδείς Αναφορές

Matɨyo 22:21

Kan dɨbiige cay nee yeyige hɨn̰: «Na gɨ da Sejar.» Ɨni na, ban yege hɨn̰: «Naa hɨn̰ wo̰ na, bɨn̰gɨŋ Sejar hɨnga ga ojɨ cay Sejar bɨ, bɨn̰gɨŋ Kumu hɨnga ga ojɨ cay Kumu bɨ.»

Kɔl-gɨ-Ɗari gɨ Ja̰ wal 13:35

Hɨn̰ gɨ kɨŋ na gey gusɨgɨŋ na, na kɨɗɨn̰ ga nee le ma, kalaŋ nɔm kɨya sɔlɛge gɨ, kɨŋ naa ka-aye-cay-tɨbanɨ.»

Magtubu di Pol wal bɨn̰ kalaŋ ga Rɔm 12:10

Kuɗa gɨ kɨŋ gey gusɨgɨŋ duroygɨŋ hɨn̰ karmen̰əŋ wo̰. Kuɗa gɨ waŋ waŋ kalɨn̰ ma ungula gusi gɨ ni dɨbe hurɔmɔ cay mɨgayi.

Magtubu di Pol wal bɨn̰ kalaŋ ga Rɔm 13:7

Waŋ waŋ kalɨn̰ ma, biigɨŋ hɨnga ga ojɨ cay cay: Bɨn̰gɨŋ hɔgɛ lambo ba-hɔgɛ lambo bɨ. Bɨn̰gɨŋ gursu da magtubu, ka-magtubu bɨ. Dɨbɨgɨŋ hurɔmɔ cay ungo gɨ ojɨ gɨ kɨŋ kɨya dɨbe hurɔmɔ cayi bɨ. Ayagɨŋ cay ungo gɨ ojɨ gɨ kɨya aye cayi daa, daa bɨ.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Epɛs 5:21

Kɨŋ ka-dɨbe hurɔmɔ cay Kɨris le, dɨbagɨŋ caygɨŋ dugo bɨn̰ gusɨgɨŋ duroygɨŋ.

Pilib 2:3

Lɔɔgɨŋ hɨnga pɨna wo̰ dan̰ gɨyəŋ gɨ da jangɨ naŋ bɨ, dan̰ gɨyəŋ gɨ da dɔgɛ jɔrgɔ gɨ kalɨn̰ wo̰ dugo naŋ bɨ. Ama dan̰ dɔbɛ-ca na, kuɗa gɨ waŋ waŋ kalɨn̰ ma sɨla mɨgayi hɨn̰ gɨ gumu ɗii.

1 Timote 6:1

Kuɗa gɨ ka-aye kudurɔ nɔm ga na gɔyɔŋ le, sɨlage ka-gulondɨge hɨn̰ kalaŋ ga kan ɓalge dɨbɨge hurɔmɔ nɔm a cayge, ɗe ungo yagɨdɨn̰ guson̰ Kumu naŋ bɨ, ungo yon̰ kɔl gɨ ɨsɨni cay kɔl gɨ ni gɨle gɨŋ naŋ bɨ.

Əbɨro 13:1

Kuɗa gɨ geye gɨ da ka-karme ɨra cɨndo tumɔ tumɔ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 2:13

Kɨya cay Ba-gulondɨna le, jagɨŋ kɔl kɨbɨ ungo gɨ ani ani gɨ orɨn̰ dan̰ tɨrɨmbala. Jagɨŋ kɔl kɨbɨ kɨlma ba-dɔɔ cay ƴaa.

1 Pɨyɛr 5:5

Kɨŋ marɨne kalɨn̰ ma, kuɗa gɨ kɨŋ dɨba caygɨŋ dugo bɨn̰ ga muɗoldoŋ. Bɨ kɨŋ-gandi ka-aye kudurɔ nɔm ga duroy Ka-Daye nɔm le, dɔgɛgɨŋ jurgiigɨŋ dan̰ gusɨgɨŋ naŋ. Kɨya wa walge duroy Magtubu di da Kumu dɨŋ yege hɨn̰: «Kumu jɨbɨ ka-dɔgɛ jorgiige sɛdɨ coŋ, ama ban lee ɗarwa dan̰ kan ga dɨga jorgiige naŋ.»