1 Pɨyɛr 1:22 - Gabri Maja

²² Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 1:22 Σταυροειδείς Αναφορές

Kɔl-gɨ-Ɗari gɨ Ja̰ wal 15:17

Te tumɔ di ɨŋ ba bɨgɨŋ ba kɛ: Geygɨŋ gusɨgɨŋ.»

Kɔl-gɨ-Ɗari gɨ Ja̰ wal 15:3

Ama haw kɛ na, kɔl gɨ ɨŋ ba yəgɨŋ le n̰angɨŋ ɨni.

Kɔl-gɨ-Ɗari gɨ Ja̰ wal 17:17

Dɨrage sige dan̰ cɨndɨge, dan̰ gɨyəŋ gɨ da kɔl gɨ cɨndi. Kɔl kon̰ na kɔl gɨ cɨndi.

Kɔl-gɨ-Ɗari gɨ Ja̰ wal 17:19

Ɨŋ ay gusɨnɨ hɨnge ɨŋ-bandi si dan̰ cɨndi kɔl cayge, ɗe gɨ kan kalɨn̰ ma na wɨyage dan̰ cɨndɨge dan̰ gɨyəŋ gɨ da kɔl gɨ cɨndi bɨ.»

Gɨye-lɔɔ 15:9

Duroyge kan bɨ, ni-gandi bɨ le Kumu dɨra cɨn̰ ungo naŋ. Kɨya wa na dan̰ gɨyəŋ gɨ da aye kudurɔ ma kan pɨl kuduroyge ɗe duroŋ mɨra.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 2:8

Ama kalaŋ ga ka-gange kɔl kan̰ɨn̰ge kɔl gɨ cɨndi coŋ kobɨn̰ge hɨnga ga dan̰ durɔ ɗɨngar naŋ le, kuduroy-hɔmɛ da Kumu bɨ, kuduroy-ɨlwa toyi bɨ, kɨya bɔɔ cayge.

Magtubu di Pol wal bɨn̰ kalaŋ ga Rɔm 8:13

Hɨn̰ gɨ kɨŋ na gura naa dan̰ ɨrɨme gɨ da kuyoŋdi-gusu na, kɨŋ kɨya mare. Ama hɨn̰ gɨ kɨŋ na gura naa dan̰ gɨyəŋ gɨ da dɔnɔ di da Turnɔ di da Kumu dɨɗɨn̰ ɨsɨna nɔm gɨ woy a kuyoŋdi-gusɨgɨŋ gɨŋ na, kɨŋ kɨya sɔmɛ-bɨra.

2 Korɛ̰t 6:6

Ni gɨl gɨ ni na marɨne ka-lɔɔ gɨye gɨ da Kumu dan̰ gɨyəŋ gɨ da haldɨni gɨ duroŋ mɨra bɨ, sɔlɛ-hɨnga kani bɨ, dɨbe-ɗugɔ toni bɨ, ɗarwa toni bɨ. Na dan̰ gɨyəŋ gɨ da Turnɔ ɗe-kuduroy-bɛrɛ bɨ, geye koni gɨ leen̰ cɨndi bɨ,

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Galad 5:5

Kona na-gandi ga na ba bee ɨrɨmedɨna a cay Kumu le, na sol gɨ ban bɨlna leen̰ kalaŋ ga dan̰ durɔ ɗɨngar. Bɨ na kɨya cay Turnɔ di da Kumu di lee gɨye dan̰ gɨyəŋ gɨ da aye kudurɔ konagɨŋ le ma, mana somɨn̰gɨŋ amɨn̰gɨŋ wɔlɛ gɨ nee le.

Galad 5:7

Kɨŋ gɨre kuɗa a te gɨyəŋ gɨ da Kɨris gɨŋ, hagɨŋ bɨ kɛ na waŋ ba jɨga nargɨŋ bɔgɛ kɔl a cay kɔl gɨ cɨndi gɨŋ le ga?

Epɛs 4:3

Turnɔ di da Kumu leegɨŋ leen̰ te wɔɔ gɨ pɨna. Dɨbgɨŋ gusɨgɨŋ coŋ agɨŋ gamɨn̰ bugoŋ pɨna gɨ nee le, sɨman̰gɨŋ dan̰ gusi-dɔbɛ gɨ saɗɨgɨŋ pɨna le.

Pilib 1:9

Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ,

1 Tesalonigɨ 3:12

Kuɗa gɨ Ba-gulɔŋ laa gɨ geye gɨ kɨŋ gey gusɨgɨŋ duroygɨŋ le malga bɨ ɨra dan̰ cɨndi jɨn̰ tumɔ tumɔ, hɨn̰ geye koni gɨ ni ba orɨn̰ kol caygɨŋ wo̰ bɨ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

2 Tesalonigɨ 2:13

Ama, kɨŋ-gandi karmɨni ga ban̰aŋ dan̰ ga kandɨ ga Ba-gulɔŋ geygɨŋ le, ojɨ gɨ ni na laan̰ Kumu ho’o jɨn̰ tumɔ tumɔ kol caygɨŋ. Kɨya wa Kumu torgɨŋ na tumɔ pa dɨm ma sɨn̰ cay gɨsəŋ ƴee ɗe gɨ ay na poɗɨgɨŋ dan̰ gɨyəŋ gɨ da Turnoyi di sɨgɨŋ dan̰ cɨndɨgɨŋ bɨ, dan̰ gɨyəŋ gɨ da aye kudurɔ bɨn̰ kɔl gɨ cɨndi bɨ.

1 Timote 1:3

Hɨn̰ gɨ ɨŋ ba yen̰ tumɔ pa dɨm ma, maŋ ba san̰ orɨn̰ a cay gɨsəŋ ga Masedɨwan ƴee le, ji sɨma a cay ƴaa di Epɛs dɨŋ, an̰ san̰ dan̰ kalaŋ ga pɨna ɗe ɗege ba, gɨlɨn̰ kalaŋ hɨnga ga dan̰ gɨyəŋdɨge naŋ bɨ,

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

1 Timote 4:12

Ɗɔɔ gɨ ungo hagɨrɨn̰ kɨya gɨ ji naa marɨna naŋ. Ama kuɗa gɨ kɔl yɔdɨn̰ bɨ, gɨye-lɔɔdɨn̰ bɨ, ƴɔmɛ wandɨ ton̰ bɨ, aye kudurɔ kon̰ bɨ, haldɨn̰ gɨ duroŋ mɨra bɨ, wɨya na hɨnga ga ni gɨle, kɨya cay ka-aye kudurɔ.

1 Timote 5:2

Kandɨ ga esɨdəŋ, hɨn̰ gɨ kan naa ƴon̰ɨn̰in̰ wo̰ bɨ, kambɨle, hɨn̰ gɨ kan na karmɨn̰ ga kandɨ wo̰ bɨ, dan̰ gɨye-lɔɔ gɨ duroŋ mɨra.

2 Timote 1:14

Gama gɨle hɨnga ga kuɗa ga gɨlɨn̰ge bɨ, been̰ge kobɨn̰ bɨ le ɗɔmɔmɔ, dan̰ gɨyəŋ gɨ da Turnɔ ɗe-kuduroy-bɛrɛ di woy kuduroynagɨŋ.

Əbɨro 11:8

Na dan̰ gɨyəŋ gɨ da aye kudurɔ ma, Abɨraham je kɔl kɨbɨ Kumu, kɨɗɨn̰ ga Kumu teeyi. Lee gɨ ban say ɗe cay gɨsəŋ kayi coŋ orɨn̰ a cay gɨsəŋ ga Kumu ojɨ bii leen̰ cay gɨsəŋ kayi. Ban say or dɨle sɔlɛ kɨɗɨn̰ ga ban or jɨn̰ nee jɛɗɨ.

Əbɨro 13:1

Kuɗa gɨ geye gɨ da ka-karme ɨra cɨndo tumɔ tumɔ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Magtubu di Jag wal 1:21

Na toy di hɨn̰ wo̰ ma, ɗagɨŋ hɨnga ga lee kɨni nɔm coŋ bɨ, hɨnga ga ni kuduroy-ɨndɨwa nɔm coŋ bɨ. Ama kɔl gɨ Kumu ba gɨsɨ kuduroygɨŋ le, ƴaygɨŋ dan̰ kaledɨgɨŋ ga jali. Kɨya wa kɔl gɨ nee le, orɨn̰ dan̰ dɔnɔ di ni poɗɨn̰ turnoygɨŋ.

Magtubu di Jag wal 4:8

Sɨygɨŋ mɨnde gusi Kumu bɨ, ban kalɨn̰ ma kɨya sɨygɨ mɨnde gusɨgɨŋ bɨ. Kɨŋ ka-lɔɔ ɨsɨna le, ɨsɨbegɨŋ ɨsɨna naŋ ɨni. Kɨŋ ga kuduroygɨŋ sɔɔ sɔɔ le, pɨlgɨŋ cay ɗugoygɨŋ ɗe arɨn̰ cərərə.

1 Pɨyɛr 1:2

Bayna Kumu tornagɨŋ dan̰ gɨyəŋ gɨ da gɨse gɨ ban gɨsɨ tumɔ hayi. Lee gɨ kɨŋ na kalaŋ kayi dan̰ gɨyəŋ gɨ da Turnɔ toyi ɗe agɨŋ na jen̰ kɔl kɨbɨ Jesu-Kɨris bɨ, ɗe kɨbardi gɨ bugoŋ dugo le na dorgɨŋ mɨra bɨ. Kuɗa gɨ ɗarwa di da Kumu bɨ, gusi-dɔbɛ toyi bɨ, baa danagɨŋ gɨɗaŋ.

1 Pɨyɛr 2:17

Dɨbɨn̰gɨŋ kalaŋ nɔm hurɔmɔ bɨ, geygɨŋ karmɨgɨŋ ga ban̰aŋ dan̰ ga kandɨ ga ka-aye kudurɔ bɨ, bɨgan̰gɨŋ Kumu kɔl bɨ, dɨbɨn̰gɨŋ kɨlma gɨ gumu hurɔmɔ cayi bɨ.

1 Pɨyɛr 3:1

Kɨŋ kandɨ, kogɨŋ ba kɛ: Dɨbagɨŋ caygɨŋ dugo bɨn̰ kodɨn̰igɨŋ, ɗe hɨn̰ gɨ kan ga pɨna duroyge na kan̰age bɔgɛ kuduroyge cay kɔl gɨ da Kumu kalɨn̰ ma, na bɨgan̰ge kuduroyge cayi kol gɨye-lɔɔdɨgɨŋ dɨle gɨ kan kɨya yɔɔ kɔl.

1 Pɨyɛr 3:20

Duroy na ojɨ na cay turnoy kalaŋ ga tumɔ ka-baa ga da Kumu, kɨɗɨn̰ ga Kumu dɨbɨn̰ ɗugoy ƴee boy wɔlɛ gɨ Nɨwe gaɗɨn̰ koburo gɨ gumu taa taa hɨn̰ ƴaa wo̰ le. Na kalaŋ lagɨɗe wo̰, lee gɨ nɔm toge dɨŋ na kalaŋ margɨm ƴɔbɨ, ba andaŋge boy koburo gɨ gumu taa taa gɨŋ le, poɗɨn̰ge kɨbɨ kaŋ ga kondi.

1 Pɨyɛr 3:8

Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.

1 Pɨyɛr 4:17

Kɨya wa tɨwa di ni bon̰ kɔl ɓal ɨni. Ama na kalaŋ ga da Kumu ma kan kɨya aye toyi cayge. Ama hɨn̰ gɨ bɔyɛ kɔl na kɨya aye toy cayna na, kan ga kan̰ge bɔgɛ kuduroyge a cay Kɔl-gɨ-Ɗari le, kan gɨ dɨɗe kɨbi koge na mɨna ga?

1 Pɨyɛr 4:8

Tumoy hɨnga nɔm na, geygɨŋ gusɨgɨŋ duroygɨŋ dan̰ geye gɨ ɨl cum. Kɨya wa geye na hɨnga ga kɨya tɔlɛ cay ɨsɨnan̰əŋ ga dan̰ kondige.

2 Pɨyɛr 1:7

sɨgɨŋ a cay gɨye-lɔɔ gɨ bugoŋ pɨna dan̰ Kumu, geye gusu te karme bɨ, sɨgɨŋ a cay geye gusu te karme, geye bɨ.

1 Ja̰ 3:11

Sɨlagɨŋ kɔl gɨ da Kumu gɨ kɨŋ ba je an̰ a toy dɨŋ ɓɨrag le ye hɨn̰: Geygɨŋ gusɨgɨŋ.

1 Ja̰ 3:23

Kɔl gɨ ban ye dan̰ gɨyəŋ gɨ da te tumoyi le ba kɛ: Kuɗa gɨ nana bɨgagɨŋ kuduroynagɨŋ cay guson̰ Kurondi Jesu-Kɨris bɨ, nana geygɨŋ gusɨnagɨŋ hɨn̰ gɨ Kɨris ba an̰ te tumoyi bɨnagɨŋ wo̰ bɨ.

1 Ja̰ 4:12

Ungo pɨna wo̰ sɨla Kumu dan̰ tɨdi naŋ bɨrɨŋ. Hɨn̰ gɨ nana gey gusɨnagɨŋ na, Kumu bugoŋ pɨna dananagɨŋ bɨ, geye koyi gɨ woy kuduroynagɨŋ le duroŋ cɨrɛɗ bɨ.

1 Ja̰ 4:20

Waŋ waŋ gɨ na ya hɨn̰: «Ɨŋ gey Kumu», ma na ƴɨma kurɨndi dan̰ kuduroyi na, ban na ba poy. Na cɨndi, ungo gɨ na gey kurɨndi gɨ ban solii dan̰ tɨdi gərɨn̰ gərɨn̰ kɛ naŋ na, ban kɨya ɓale geye Kumu gɨ ban sɨlayi dan̰ tɨdi gərɨn̰ gərɨn̰ naŋ bɨ.

1 Ja̰ 4:7

Ay, kɨŋ ga ɨŋ lee-toygɨŋ, kuɗa gɨ kɨŋ gey gusɨgɨŋ, kɨya gɨ geye sayga na gusi Kumu. Lee gɨ ungo gɨ geye woy kuduroy le, bɨləŋ na kurɨn̰ Kumu bɨ, na ungo gɨ sol Kumu bɨ.

Wasɨn̰a 2:4

«Ama hɨnga ga ɨŋ gey danagɨŋ cay nee naŋ na, na ɗɔɔ gɨ kɨŋ ɗe geye kogɨŋ gɨ cay wase coŋ.