Yohanes 1:1 - Surat Ralan na'a Vaidida

¹ Lalan a, naꞌut i Ubu wol notu lanit ivavan obin, na Ia i rfanara Ia ne, Ubu Ni Vaivatul a, nanaꞌa lan roak. Ia nanaꞌa roak ovu Ubu, ovu Ia Ubu Ia.

Yohanes 1:1 Σταυροειδείς Αναφορές

Matius 1:23

“Vata mnelat isa veka nbarlewan ma nrali kasikoꞌu brana isa, velik ne wol ntuba ovu brana obin. Tamata ra veka rera Ia ne Imanuel, ihin a naꞌa vai Ibrani ne, ‘Ubu novun ita.’ ”

Lukas 24:53

Lokat amar, na ira rti rira Rahan Dawan Falurut ralan a ma rfadawang Ubu.

Yohanes 1:14

Ubu Ni Vaivatul neluk tamata, ma nanaꞌa roak lanit ivavan ovu ita, ovu vali ita tsiꞌik roak Ni dawan a. Ni dawan yai, Yaman a nala verin Ia, tevek Yanan ikisa laloꞌi watan. Ubu Yanan nma tali Yaman a, ma notu ma tkaꞌa lahir Ubu Ni rala lolin i dawan urun, ovu afa ovi nfavotuk ra munuk kena.

Yohanes 1:18

Wol tamata isa vali nrea Ubu, naꞌuk Yanan i ikisa laloꞌi yai nanaꞌa lalawatan ovu Ia. Yanan yai nfalyawang lahir Yaman a verin ita.

Yohanes 1:2

Naꞌut i Ubu wol notu lanit ivavan obin, na Ia nanaꞌa lan roak ovu Ubu.

Yohanes 16:28

Yaꞌa utali Yamang a uma lanit ivavan a, ba uban-talik lanit ivavan a ma ewal Yaꞌa ti verin Yamang a.”

Yohanes 17:5

Bapa, wean inyai bi era verin Oa, ma fwadawang Yaꞌa naꞌa waham ralan wean lan fwadawang Yaꞌa, naꞌut i wol motu lanit ivavan obin.

Yohanes 20:28

Tomas nfalak ne, “Yaꞌa ning Duilaꞌa ovu ning Ubu verin Oa!”

Yohanes 8:58

Yesus nfalak verin ira ne, “Afa i ufalak verin mia ini, kena urun! Wol rarali Abraham obin, na Yaꞌa unaꞌa roak.”

Roma 9:5

Ira ini, uburir-nusirira verin Abraham, Ishak ovu Yakub. Naꞌut i Kristus neluk tamata, na Ia ubun-nusin vali ira. Kristus Ubu Ia, ovu Ni dawan nlia munuk afakataka, ba musti tfadawang Ia, nata ti wol ni wahan. Kena urun!

Efesus 3:9

Ubu nala karya ini verin yaꞌa, boma tali yaꞌa, na tamata ra munuk bisma rkaꞌa ne, wean inba ma Ubu notu munuk akataka, ovu not-nala munuk afa ovi tali lalan ana, nfadoku roak ma veka notu a. Ia nfalyawang munuk afa ovi tali lalan a, wol nfavotuk obin.

Filipi 2:6

Kena urun ma Yesus Ubu Ia naꞌa afakataka munuk, naꞌuk Ia wol ntang naꞌa ralan a, ma ntahang teri ne, Ni dakdokun a sam lahir ovu Ubu.

Kolose 1:15

Ita wol trea Ubu. Naꞌuk wean i tfan-aran Yanan ralan a, na tfan-aran roak Ubu ralan a. Ita bis tfalak ne, Yesus ula lalean Ia tali afa ovi Ubu notu ra munuk, tevek Ni ngrebat a nlia munuk. Naꞌut i Ubu wol notu afakataka obin, na Yesus Kristus nanaꞌa lan roak.

Kolose 1:17

Kristus nanaꞌa lan roak naꞌut i wol akataka lahir obin. Ia nasusan akataka munuk, ma rnaꞌa watan warira ra.

1 Timotius 3:16

Ita dida inorang nlia agama liak ra, ba wol tamata isa vali nalak nala ia. Tamata ra wol rkaꞌa dida inorang, ti naran amar i Ubu kaꞌi nfavotuk ia. Vaivatul ovi rfamalik Yesus wean ini: Ia neluk tamata ma nfavotuk roak Ia, Ubu Ni Roh nfalyawang ne, Yesus Ni vavaꞌat nmalola. Ubu Ni sansinir ra rtali lanit ratan rsiꞌik Ni ngrebat a, ivar i nfamalik Yesus nban-soru roak lanit ivavan. Ba tamata ra naꞌa inba watan rorang Ia, nata Ubu nala Ia ma nrata lanit ratan.

Titus 2:13

Ita tnaban ma tfakloꞌi aꞌuk dida vavaꞌat ra naꞌa amar dawan i veka notu ma inadida. Naꞌa amar yai, na tamata ra munuk veka rsiꞌik Yesus Kristus nma ewal ovu Ni ngrebat i nfitik nyadat a, ovu nsikat ita tali dida salasilan ra, ma dida vavaꞌat kakiwal. Ia Ubu Ia, ovu Ni dawan nlia munuk afakataka.

Ibrani 13:8

Yesus Kristus sam lahir, tali lalan a, fiang ini, nata ti wol ni wahan.

Ibrani 7:3

Wol tkaꞌa lahir ne, Melkisedek ini renan-yaman ovu ubun-nusin aba. Wol tkaꞌa vali ne, rarali ia naꞌut ba, ovu nmata naꞌut ba. Ia wean Ubu Yanan a ma neluk mela falurut, nata ti wol ni wahan.

2 Petrus 1:1

Yaꞌa Simon Petrus, eluk tamata sansinir ovu rasul verin Yesus Kristus. Utulis surat ini verin mia tamata ovi myorang Yesus. Mia weabira vali ami ma amorang Ia. Yesus Kristus Ubu Ia ovu nsikat ita tali dida sala silan ra, ma nala vavaꞌat kakiwal. Ia notu ma torang Ia, tevek afa ovi notu ra, kena lalawatan.

1 Yohanes 5:20

Ita tkaꞌa roak ne, Ubu Yanan a nma ma nfalyawang verin ita naꞌa raladida ra, boma tkaꞌa Ubu i mngaꞌun a. Ita raladida isa roak ovu Ubu, ovu vali Yanan a Yesus Kristus. Ia Ubu mngaꞌun Ia, ovu Ia saꞌi nala vavaꞌat kakiwal verin tamata ra.

1 Yohanes 5:7

Ubu Ni Roh nfalak vali ne, afa avyai kena urun. [Yamadida, ovu Ubu Ni vaivatul ra ovu vali Ni Roh a rfamalik naꞌa lanit ratan ne, irtelu ikisa watan ira.

Wahyu 1:11

Vai yai nfalak ne, “Mtulis munuk afa ovi mrea yai naꞌa buku, ma mala verin tamata ovi rorang Yesus rira sidovung ifitu ini: Efesus, Smirna, Pergamus, Tiatira, Sardis, Filadelfia ovu Laodikia.”

Wahyu 1:17

Ti ma urea Ia, na ti ufangofak lahir tenang a naꞌa wahan ralan a, wean tamata i nmata roak a. Naꞌuk Ia nlauk liman mela a ma nkena yaꞌa ma nfalak ne, “Deka bwobar! Yaꞌa ini ula lalean Yaꞌa ovu vali uban-muri lalean.

Wahyu 1:2

Ba Yohanes nfamalik munuk lahir Ubu Ni vaivatul ra ovu afa ovi Yesus Kristus nfalak ovu notu ra, tevek ia nrea ovu nrenar roak afa avyai.

Wahyu 1:8

Ubilaꞌa nfalak ne, “Yaꞌa ini Alfa ovu Omega; ihin a ne, Yaꞌa ula lalean Yaꞌa, ovu Yaꞌa vali veka ubana marmuri lalean. Fiang ini Yaꞌa unaꞌa, ovu unaꞌa roak naꞌut i lanit ivavan wol nanaꞌa obin, ovu veka unaꞌa lalawatan, nata ti wol ni wahan. Yaꞌa ini Ubu. Ning ngrebat a nlia munuk.”

Wahyu 19:13

Ia noru ravit blawat i rsovu roak naꞌa lara, ovu rfanara ia ne, “Ubu Ni Vaivatul ra.”

Wahyu 2:8

Ba Duilaꞌa Yesus nfalak vali verin yaꞌa ne, “Mtulis surat verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Smirna. Mtulis wean ini: Ia ula lalean Ia ma notu munuk afakataka. Ia vali veka nban-muri lalean ma nfakena munuk afa avyai. Ia nmata roak, naꞌuk fiang ini nvaꞌat ewal roak tali matmatan.

Wahyu 21:6

Ia nfalak ne, “Afakataka munuk roak rok. Yaꞌa ini Alfa ovu Omega, ihin a Yaꞌa ula lalean Yaꞌa ma otu afakataka munuk, ovu Yaꞌa vali veka ubana marmuri lalean, ma ufakena munuk afa avyai. Tamata ovi inar urun ma rkaꞌa Ubu wean tamata ovi rabroa ra, na veka al wear tali wear matan i nvua vavaꞌat a ma renu, ovu ufalak ma wol rbahir.

Wahyu 22:13

Yaꞌa ini Alfa ovu Omega; ihin a ne, Yaꞌa ini ula lalean Yaꞌa, ovu ubana marmuri lalean.

Wahyu 3:14

Duilaꞌa Yesus nfalak verin yaꞌa ne, “Mtulis surat verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Laodikia. Mtulis wean ini: Vaivatul ini ntali Ia i rfanara ia ne, Kena Urun. Ia nfamalik lalawatan afa ovi kena ra. Afa ovi kena ra munuk rtali Ubu. Nahu Ia, na Ubu notu munuk afa ovi rnaꞌa lanit ivavan ini.