Wahyu 4:8 - Surat Ralan na'a Vaidida

⁸ Afa ifaꞌat ovi rvaꞌat ma raling ma lolan watan ira yai manirira nanean lokat ira. Matarira ra rsoru lahir tenarira ra, ovu rdedang ovan-amar lahir. Ira rdedang ma rfalak ne, “Ubilaꞌa, Mu ngrebat a nlia munuk, ovu vali naram a nmerat urun. Oa fiang ini mnaꞌa, ovu mnaꞌa roak naꞌut i lanit ivavan wol nanaꞌa obin, ovu veka mnaꞌa lalawatan, nata ti wol ni wahan.”

Wahyu 4:8 Σταυροειδείς Αναφορές

Kisah 20:31

Ba eka msyiꞌik wabira ma lolin! Mingnanang, tevek wol utalik ma usurak mia ovan-amar ti naran varat itelu, ovu lung ra rditi verin mia.

2 Korintus 6:18

Yaꞌa veka eluk Yamabira, ovu mia veka myeluk yanak brana ra ovu yanak vata ra. Vaivatul avyai rtali Duilaꞌa i Ni ngrebat a nlia munuk.”

1 Tesalonika 2:9

Teramam-valimami averi mingnanang obin ne, ivaꞌumami ma amkarya urun ovu amfamalik Ubu Ni vaivatul ra verin mia. Ovan-amar, na amkarya afa liak vali ma al amdava mami fanaꞌan-fanenu, boma deka amotu varvara verin mia.

1 Timotius 4:16

Msiꞌik ma lolin mu vavaꞌat ovu afa ovi mair ra. Ivaꞌum ma fwabana afa ovi air roak verin oa. Motu wean inyai, na Ubu veka nsikat oa ovu tamata ovi rarenar mu vaivatul ra, tali bira salasilan ra, ma bira vavaꞌat kakiwal.

2 Timotius 4:2

Fwamalik Ubu Ni vaivatul ra verin tamata ra. Mususan wam, boma velik ne inar te wol inar ma rarenar, naꞌuk mungrihi watan. Fwakena tamata ovi rair afa ovi wol kena ra, mtabu tamata ovi rotu afa sian ra ovu fwaloling ira ma rotu afa lolin watan. Wean i mair ira, na mtahang ralam ma dawan.

Ibrani 13:8

Yesus Kristus sam lahir, tali lalan a, fiang ini, nata ti wol ni wahan.

Wahyu 1:4

Terang a valing averi, yaꞌa ini Yohanes. Ususan surat ini verin tamata inorang rira sidovung ifitu naꞌa propinsi Asia. Era ma fara Ubu naflahar mia ma nala Ni rala lolin a ovu malinan a verin mia. Salam i ula lalean ntali Ubu i fiang ini nanaꞌa, ovu nanaꞌa roak naꞌut i lanit ivavan wol nanaꞌa obin, ovu veka nanaꞌa lalawatan, nata ti wol ni wahan. Salam i norang i ula lalean yai, ntali Ni Roh i rfanara Ia ne, roh ifitu i rdir-lilit Ia naꞌa wan i ndoku ma nfareta naꞌa lanit ratan.

Wahyu 1:8

Ubilaꞌa nfalak ne, “Yaꞌa ini Alfa ovu Omega; ihin a ne, Yaꞌa ula lalean Yaꞌa, ovu Yaꞌa vali veka ubana marmuri lalean. Fiang ini Yaꞌa unaꞌa, ovu unaꞌa roak naꞌut i lanit ivavan wol nanaꞌa obin, ovu veka unaꞌa lalawatan, nata ti wol ni wahan. Yaꞌa ini Ubu. Ning ngrebat a nlia munuk.”

Wahyu 11:17

Ira rfadawang Ia ma rfalak ne, “Ubilaꞌa, amfalak fara weninyai verin Oa, tevek mdoku roak fareta i Ni ngrebat a dawan urun a, ovu vali meluk raja ma fwareta roak. Ubilaꞌa, Mu ngrebat a nlia munuk. Fiang ini Oa mnaꞌa, ovu mnaꞌa roak naꞌut i lanit ivavan wol nanaꞌa obin.

Wahyu 14:11

Yafuman i notu susa ma dawan ira yai, ongan a wol ni wahan. Ba tamata ovi rsoak verin afwatan yai, ovu ni walut a, ovu vali rotu afwatan felan a naꞌa rearira ra ma neluk faneak ne, veka rtuan susa dawan ovan-amar, nata ti wol ni wahan.”

Wahyu 14:3

Tamata rivun ratut isa rivun vutfaꞌat rahin ifaꞌat rdiri wan i Ubu ndoku ma nfareta ngoran a, ovu afa ifaꞌat ovi rvaꞌat ma raling ma lolan watan ira yai waharira ralan ra, ovu vali fareta dawan ovi rnaꞌa inyai waharira ralan ra. Ira rdedang dadedang ngorvaꞌan isa. Wol tamata isa vali bisma nasahak nala ma nkaꞌa dadedang yai, teran aꞌuk tamata rivun ratut isa rivun vutfaꞌat rahin ifaꞌat yai. Tamata avyai Ubu ntevut roak ira, tali tamata ovi rnaꞌa lanit ivavan a munuk.

Wahyu 15:3

Ira rdedang Musa ovu Domba Yanan rira dadedang ra. Musa neluk tamata sansinir verin Ubu. Ira rdedang ne, “Duilaꞌa, Oa i Mu ngrebat a nlia munuk. Ubu, afa ovi motu ra lolin urun, ovu notu ma tamata ra munuk rtalkaka. Oa meluk Raja ma fwareta bangsa ra munuk naꞌa lanit ivavan a. Afa ovi motu ra kena ovu rmalola lalawatan.

Wahyu 15:7

Nata tali afa ifaꞌat ovi rvaꞌat ma raling ma lolan watan ira yai, isa nala ngusi masa ifitu verin Ubu Ni sansinir avyai, sasan lokat ira. Ngusi avyai rsaꞌa Ubu Ni ngrova a. Ubu nvaꞌat, nata ti wol ni wahan a.

Wahyu 16:14

Nait sian avyai baꞌi rotu afa ovi raling ma lolan watan ira, ovu vali rti ma rasdovu munuk raja ovi rnaꞌa lanit ivavan a ma veka rotu rihi dawan. Rotu wean inyai naꞌa Ubu i Ni ngrebat a nlia munuk, Ni amar dawan a.

Wahyu 16:7

Urenar vali vai isa ntali wan i baꞌi rasnuri rira korban a nfalak ne, “O Ubilaꞌa, Oa Mu ngrebat a nlia munuk. Mu inukun ovi fwaleka ra kena ovu rmalola.”

Wahyu 19:15

Nahin blawat i namneran urun ntali vavan ralan nma murin. Ia veka nala nahin blawat yai al nfaleka munuk bangsa ra, ovu veka nfareta ira ovu takil tmaꞌan. Ia veka nramat anggur i nfaturu Ubu Ni ngrova a naꞌa wan i baꞌi raramat anggur naꞌa. Ia nukun orang lahir afa ovi Ubu nfalak ma notu ra, ma al nfaturu Ubu Ni ngrebat i nlia munuk a. Ia veka nfaturu Ni ngrova a ma al nukun tamata ovi rotu afa ovi sian ra.

Wahyu 19:4

Ba fareta dawan vutrua rahin ifaꞌat, ovu afa ifaꞌat ovi rvaꞌat ma raling ma lolan watan ira yai, rsangatur ma raraning Ubu i ndoku naꞌa wan i nfareta. Ira rfalak ne, “Kena urun! Tfadawang Ubu!”

Wahyu 21:22

Yaꞌa wol urea Rahan Dawan Falurut a naꞌa kota yai, tevek Ubilaꞌa i Ni ngrebat nlia munuk, ovu Domba Yanan a nkati roak Rahan Dawan Falurut a.

Wahyu 3:7

Duilaꞌa Yesus nfalak verin yaꞌa ne, “Mtulis vali verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Filadelfia. Mtulis wean ini: Vaivatul ini ntali Ia i nmerat urun ovu nfabana urun afa ovi Ubu nfalak ra. Ia ntaha raja Daud ni kusi a, ba wean i nvadil falfolat a, na wol tamata isa bisma nfolat nala, ovu wean i nfolat falfolat a, na wol tamata isa vali bisma nvadil nala.

Wahyu 4:4

Kadera vutrua rahin ifaꞌat rlilit wan i Tamata isa ndoku ma nfareta yai; fareta dawan vutrua rahin ifaꞌat rdoku kadera avyai. Ira munuk roru kadaravit ngangiar, ovu rteri vali ulurira ra ovu kalulu masa i raja ra baꞌi raklulu a.

Wahyu 4:6

Naꞌa wan i Tamata isa ndoku ma nfareta yai ngoran a, na afa isa vali wean tahat. Afa yai nyadat ma wean kaca ngangiar i vanan urun ia, naran kristal. Naꞌa wan i Tamata isa ndoku ma nfareta yai ni lihir mela-balit a, na afa ifaꞌat ovi rvaꞌat ma raling ma lolan watan ira rnaꞌa susun ra. Matarira rnaꞌa munuk waharira ralan ra, ovu tetarira ratan ra, ovu vali rsoru munuk lahir tenarira ra.

Wahyu 4:9

Afa ifaꞌat ovi rvaꞌat ma raling ma lolan watan ira yai, rdedang ovu ralang Ubu ma rfadawang Ia nanaꞌa wan i ndoku ma nfareta, ma rfalak fara weninyai verin Ia i nvaꞌat, nata ti wol ni wahan.

Wahyu 5:6

Nata usiꞌik Domba Yanan a ndir-ebang wan i Ubu ndoku ma nfareta. Afa ifaꞌat ovi rvaꞌat ma raling ma lolan watan ira yai, ovu fareta dawan avyai, rdir-lilit Ia. Domba Yanan yai felan a wean i rfedan roak Ia, naꞌuk nvaꞌat ewal. Ia Ni ungar ifitu, ovu matan ifitu vali. Matan ifitu yai ihin a ne, Ubu Ni Roh i rfanara ne, roh ifitu i nti nban-soru lanit i vavan munuk.

Wahyu 6:1

Nata usiꞌik Domba Yanan yai nkamsat segel i ula lalean ia tali segel ifitu yai. Urenar vali vai dawan isa wean dodung ntali afa ifaꞌat ovi rvaꞌat ma raling ma lolan watan ira yai, isa nma ma nfalak ne, “Mwa!”

Wahyu 6:6

Urenar vali wean i vai isa ntali afa ifaꞌat ovi rvaꞌat ma raling ma lolan watan ira yai nma ma nfalak ne, “Gandum i lolin a fyawan urun, kil isa wean kadi naꞌa amar isa; gandum i sian a, kil itelu fyawan a wean kadi naꞌa amar isa. Naꞌuk deka myot-visal aa zaitun ra ovu aa anggur ra, tevek rala ngul tali aa zaitun ra ovu rala anggur tali aa anggur ra.”

Wahyu 7:11

Sansinir ra munuk rdir-lilit wan i Ubu ndoku ma nfareta ovu fareta dawan vutrua rahin ifaꞌat avyai, ovu afa ifaꞌat ovi rvaꞌat ma raling ma lolan watan ira yai. Ira rsangatur ma raraning Ubu naꞌa wan i ndoku ma nfareta ngoran a, ovu rfadawang Ia.

Wahyu 7:15

Wean inyai bi rdiri Ubu wan i ndoku ma nfareta ngoran a, ma rfadawang Ia ovan-amar naꞌa Ubu Ni Rahan Dawan falurut a. Ubu i ndoku fareta wan yai veka nwanar ira.