Wahyu 2:3 - Surat Ralan na'a Vaidida

³ Yaꞌa ukaꞌa vali ne, tamata ra rwi-rwa mia, naꞌuk mtyahang nal ralabira ra, tevek myorang urun Yaꞌa ovu wol mtyalik tali bira inorang a.

Wahyu 2:3 Σταυροειδείς Αναφορές

Markus 15:21

Naꞌut inyai, na rtuan tamata isa ntali kota Kirene, naran Simon. Simon ini yanan verin Aleksander ovu Rufus. Ia ntali ni kota mane nti Yerusalem, na suldadu ra rkiwal ia ma nvara Yesus Ni aa walwalur a.

Lukas 14:27

Tamata i norang Yaꞌa musti ntorung ma ntuan susa, te nmata, wean i nvara ni aa walwalur a. Ba tamata i nafena ma nvara ni aa walwalur, wol bisma norang Yaꞌa.

Lukas 18:1

Yesus nfamalik vaivatul kamkuma isa verin Ni tamata ovi rorang Ia ma al nair ira. Ia nfangnanang ira ma musti raflurut lalawatan ovu deka ralarira kakoꞌu.

Lukas 21:19

Ba wean i mtyahang nal ralabira ma myorang lalawatan Yaꞌa, na veka bira vavaꞌat kakiwal.”

Lukas 5:5

Simon nfalak ne, “Tuan Guru, indean a, na amdava ian nata varverak nala ami, naꞌuk wol amwadar akataka. Naꞌuk Oa msinir ami, ba veka amfasuka ewal jaring ra.”

Lukas 8:15

Nabat ovi rleka naꞌa lanun tinemun, rfaturu tamata ovi rarenar Ubu Ni vaivatul ra ma rala naꞌa ralarira ra, ovu ralarira ilaꞌa ra lolin urun ovu rmalola. Ba velik ne rtuan angangal, naꞌuk rtahang nal ralarira watan, ma rira vavaꞌat ra kena ovu Ni vaivatul ra.”

Yohanes 15:21

Tamata avyai rwi-rwa mia, tevek myorang Yaꞌa. Ira rotu wean inyai, tevek wol rkaꞌa Ia i nsinir roak Yaꞌa.

Roma 12:12

Fara ralabira lolin urun, tevek fyakloꞌi aꞌuk bira vavaꞌat ra verin Duilaꞌa. Mtyahang ralabira naꞌut i mtyuan susa, ovu ivaꞌubira ma miflurut lalawatan.

Roma 16:12

Ala salam vali verin Trifena ovu Trifosa. Ira rkarya ma dawan urun verin Duilaꞌa. Salam vali verin Persis i ulobang urun ia. Ia nkarya ma dawan vali verin Duilaꞌa.

Roma 2:7

Ubu veka nala vavaꞌat kakiwal verin tamata ovi ralarira urun lalawatan ma rotu aꞌuk afa ovi lolin ra, tevek inarira ma veka nfadawang ira, nalang ira ovu nala vavaꞌat i wol bisma nakvisal.

Roma 8:25

Naꞌuk wean i tfakloꞌi dida vavaꞌat ra ma al tnaban tnorung ovi wol tatuan lahir obin, na ita veka tatahang nal raladida ra ma al tnaban afa avyai.

1 Korintus 13:7

Tamata i nkaꞌa ma nlobang tamata liak ra, ntahang nal ralan naꞌa sala ovi tamata liak rotu verin ia. Ia nfikir lolin a lalawatan verin tamata liak. Ia ntahang vali ralan a ma nanaban watan afa ovi lolin ra verin tamata liak.

2 Korintus 10:15

Ami vali wol amfadawang tenamami ra naꞌa tamata liak rira karya ovi rotu roak naꞌa wan i Ubu wol nfaturu verin ami. Ami amfabana watan mami karya a, naꞌa wan i Ubu nfadoku roak verin ami. Amera ma fara bira inorang a ntafal naꞌa Kristus, boma bisma amot-nala karya ini ma nmela ma dawan.

2 Korintus 11:23

Tamata avyai rkarya naꞌa Yesus Kristus Ni karya a? Yaꞌi yo! Ungrihi wean inyai, na yaꞌa weang tamata i nfoar urun! Velik aba, yaꞌa ukarya ma nlia munuk tamata avyai. Tamata boku rala yaꞌa ma ti raꞌabuꞌi yaꞌa, nlia tali tamata avyai. Amar boku rvaval urun yaꞌa, ma nlia tali ira. Utuan ma rivun roak susa ovi aleman urun i lahir, ba notu ma wol ufikir roak ne, veka uvaꞌat.

2 Korintus 4:1

Ba terang a valing averi! Ubu Ni rala lolin a, bi nala karya verin ami ma amfamalik Ni tnorung ngorvaꞌan verin tamata ra. Ba wol amtalik ma amfabana karya ini.

2 Korintus 4:16

Ba ami wol amtalik ma amfabana karya ini, velik ne tenamami ra rtafal ma rmafun. Naꞌuk lokat amar, na ralamami ilaꞌa ntafal ma nangrebat.

2 Korintus 5:9

Wean inyai bi, inamami urun ma amotu ma Kristus ralan lolin. Amotu wean inyai naꞌa mami vavaꞌat i fiang ini, ovu naꞌa mami vavaꞌat ovi veka rma ini.

2 Korintus 6:5

Amtahang ralamami ra naꞌut amar ovi tamata ra rwi-rwa ami, ovu rvaval ami, ovu vali raꞌabuꞌi ami. Amkarya urun ia, nata amakla watan, ovu amar boku, na wol amtuba ovu amtolat watan.

Galatia 6:2

Mia musti msyilobang mia naꞌa bira susa ra, tevek wean inyai, na myot-orang roak Kristus Ni inukun a.

Galatia 6:9

Ba deka tbosa ma totu afa ovi lolin ra, tevek wean i ivaꞌudida ma totu afa ovi lolin ra, ti naran amar i Ubu nfadoku a, na ita veka kaꞌi tala dida farea enan ra.

Filipi 2:16

Mia vali musti fyamalik verin tamata liak ra naꞌa Ivar i nala vavaꞌat ngorvaꞌan verin tamata ra, boma yaꞌa bisma ralang a dawan naꞌut amar i Kristus veka nma ewal a. Myotu wean inyai, na fyaturu roak ne, ning karya ovu ning farea verin mia wol mane rleka ma lolan watan.

Filipi 4:3

Era verin oa ta kida i mot-orang lalawatan afa ovi fwalak ra, ma mlobang vata irua i rkaꞌa ma rkarya ma dawan vali yai ma raꞌan vai isa, tevek irua rfarnuang wawaꞌuk vali ovu yaꞌa ma amfamalik Ubu Ni Ivar Lolin a. Ira rkarya vali ovu Klemens ovu dida kida liak ovi amamunuk amkarya. Ubu nfadoku munuk roak nararira ra naꞌa Ni buku i rfanara ia ne, Buku Vavaꞌat.

Kolose 1:11

Fara Ubu Ni ngrebat i dawan urun a nfangrebat mia, ma wean i mtyuan sian te lolin, na bira inorang a nangrebat, ovu mtyahang nal ralabira naꞌa afaka watan, ovu vali inabira lolin.

1 Tesalonika 1:3

Wean i amaflurut verin Yamadida Ubilaꞌa, na amangnanang lalawatan bira karya lolin ra verin tamata liak ra. Afa avyai rfaturu bira inorang a verin Yesus Kristus. Bira rala lolin verin tamata liak nfaturu vali ne, mlyobang Ubu, ovu vali fyakloꞌi aꞌuk bira vavaꞌat ra verin Duilaꞌa Yesus Kristus, ba bira inorang nangrebat.

1 Tesalonika 2:9

Teramam-valimami averi mingnanang obin ne, ivaꞌumami ma amkarya urun ovu amfamalik Ubu Ni vaivatul ra verin mia. Ovan-amar, na amkarya afa liak vali ma al amdava mami fanaꞌan-fanenu, boma deka amotu varvara verin mia.

1 Tesalonika 5:12

Teramam-valimami averi naꞌa Yesus Kristus, amera verin mia ma myalang tamata ovi ivaꞌur ma rfabana Ubu Ni karya naꞌa bira sidovung a, tevek ira rban-ulu verin mia, ovu rsurak mia vali.

2 Tesalonika 3:13

Teramam-valimami averi naꞌa Yesus Kristus, amera verin mia ma deka byosa ma myotu lalawatan afa ovi lolin ra.

2 Tesalonika 3:5

Fara Ubu notu ma fyan-aran Ni silobang a verin mia, boma mtyahang nal ralabira, wean vali Duilaꞌa Yesus Kristus ntahang nal ralan.

2 Tesalonika 3:8

Ambahir tamata ra rira afamtahan ra, beti amaꞌan. Amkarya ma dawan ovan-amar, boma wol amotu varvara verin mia.

1 Timotius 4:10

Wean inyai bi, tkiwal ma tkarya ma dawan, tevek tfakloꞌi aꞌuk dida vavaꞌat ra verin Ubu i nvaꞌat a, ma nsikat tamata ra tali rira salasilan ra, ma rira vavaꞌat kakiwal. Ia notu wean inyai verin tamata ra munuk, naꞌuk nsiꞌik Ni tamata ovi rorang Ia nlia tali tamata liak ra.

1 Timotius 5:17

Talang dawan kareda ovi reluk penatua, tevek rfabana ma lolin rira karya ra, ovu tkati rira farea ra, na tatafal nala farua. Naꞌuk tsiꞌik lan dawan ovi rfamalik ovu rair Ubu Ni vaivatul ra.

Ibrani 10:36

Mia musti mtyahang nal ralabira naꞌa bira inorang a, boma wean i myotu lalawatan afa ovi Ubu ralan nfalak a, na bira munuk afa ovi Ubu ntorung roak ma nala verin mia.

Ibrani 12:1

Terang a valing averi, ita weadida tamata ovi rafla silalia. Tamata ovi lan ana rorang Ubu, ira wearira vali tamata ovi rafla silalia ma ti raran ni wahan a. Ira rfaturu roak lingaꞌan i kena a verin ita ma torang. Ba ita musti tkiwal ma tvatuk munuk salasilan ra ovu afa ovi rotu angangal te rfalemang ita, boma tatahang nal raladida ma wean tamata ovi rafla silalia. Totu wean inyai, boma torang aꞌuk lingaꞌan i Ubu nfaturu roak verin ita.

Ibrani 13:13

Yesus nti roak kota murin, ma tamata ra rfedan Ia naꞌa inyai. Ba tatalik munuk dida afakataka, ma tati ma torang aꞌuk Ia, velik ne tamata ra rfalak sian ita.

Ibrani 6:10

Ubu Ni inukun ra kena munuk, ovu wol nsiklabir naꞌa inukun ovi nfasuka ra. Ia veka wol nablufang bira karya ovi myotu ovu ralabira urun verin Ia, ovu fyaturu bira silobang a verin Ia naꞌut i mlyobang tamata inorang ra, ma naran amar ini.

Ibrani 6:12

Amera verin mia ma deka byosa naꞌa bira inorang, naꞌuk myorang urun Ubu. Bira vavaꞌat ra musti wean tamata ovi rorang urun Ubu ovu rtahang nal ralarira, boma rira vali afa ovi Ubu nfadoku roak naꞌa Ni tnorung a.

Ibrani 6:15

Abraham ntahang nal ralan ma al nanaban Ubu Ni tnorung a. Ba ti nata, Abraham nala afa i Ubu nfalak roak naꞌa Ni tnorung a verin ia.

2 Petrus 1:6

Mia myot-orang bira kakaꞌa, ovu mtyahang nal ralabira naꞌa bira susa ra. Mtyahang nal ralabira naꞌa bira susa ra, ovu vali myot-orang afa ovi Ubu nfalak ra.

Wahyu 1:9

Yaꞌa ini Yohanes, terabir-valibira yaꞌa, tevek itmunuk torang Yesus Kristus. Tamata ra rwi-rwa ita tevek torang Ia, ovu tnaꞌa roak Ni Fareta a, ovu vali tatahang raladida watan. Rvatuk yaꞌa ma uti unaꞌa nuhu isa naran Patmos, tevek ufamalik Ubu Ni vaivatul ra, ovu ufamalik Yesus.

Wahyu 3:10

Mia myot-orang roak afa ovi ufalak ra, ovu mtyahang nal ralabira naꞌa bira susa ra al mnyaban Yaꞌa. Ba naꞌa amar i veka ulabir teman tamata ovi rnaꞌa lanit ivavan munuk ovu sian i dawan urun a, na Yaꞌa veka ubelat teri mia naꞌa amar yai.