Wahyu 19:18 - Surat Ralan na'a Vaidida

¹⁸ Mya, boma mian raja ihirira ra, ovu vali tamata ovi rfareta suldadu ra ihirira ra. Mya ma mian vali suldadu ovi rangrebat urun ihirira ra, ovu vali rira kuda ra ihirira ra. Mia veka mian vali tamata ra munuk ihirira ra, velik ne tamata avyai koꞌu te dawan ira, tamata sansinir te wol tamata sansinir ira.”

Wahyu 19:18 Σταυροειδείς Αναφορές

Matius 24:28

Wean i msyiꞌik ne, manut nangan dawan ovi baꞌi raꞌan afa matmatan ra rasdovu ira, na tkaꞌa vali ne, afa matmatan nanaꞌa inyai. Inyai neluk faneak roak ne, Yaꞌa veka uma ewal.”

Lukas 17:37

Ba Yesus Ni tamata ovi rorang Ia rorat Ia ne, “Duilaꞌa, afa yai veka nvotuk naꞌa inba?” Ba Ia nfalak verin ira ne, “Wean i matmatan ra rnaꞌa inyai, na manut nangan dawan ovi baꞌi raꞌan afa matmatan ra rnaꞌa vali inyai.”

Wahyu 11:18

Tamata ovi wol rorang Oa rangrova urun Oa. Naꞌuk Mu amar a naran roak ma fwaturu Mu ngrova a, ma fwaleka inukun verin tamata matmatan ra, ovu maval tamata ovi rkarya verin Oa, rira rala lolin ra. Oa veka maval Mu nabi ra ovu tamata ovi fwili ra, ovu vali ovi baꞌi ralang Oa rira rala lolin ra, velik ne tamata avyai, koꞌu te dawan ira. Mu amar a kena roak ma fwedan tamata ovi rvisal-rvasil lanit ivavan ini.”

Wahyu 13:16

Afwatan i nban-muri yai nsinir tamata ra munuk, velik ne, tamata koꞌu te tamata dawan ira, tamata kaꞌi te tamata kasian, ovu vali tamata sansinir te wol tamata sansinir ira. Ia veka nkiwal ma rotu faneak naꞌa limarira mela ra te rearira ra.

Wahyu 17:16

Ungar vutu i msiꞌik roak yai ovu afwatan valvulin yai wol inar lahir vatlean yai. Ira veka rala munuk ni metan ra, beti rfaluhu ia, ma raꞌan vata yai ihin a ovu rasnuri ia naꞌa yafu.

Wahyu 19:5

Nata vai isa vali ntali wan i ndoku ma nfareta yai nfalak ne, “Fyadawang Ubu! Mia munuk tamata ovi myeluk Ubu Ni tamata sansinir ra ovu ovi myalang Ia, fyadawang Ia! Tamata koꞌu te tamata dawan, mryaning Ia!”

Wahyu 6:15

Raja ovi rnaꞌa lanit ivavan ini ovu tamata ovi rban-ulu verin tamata ra, ovu vali ovi rfareta suldadu ra, ntafal vali tamata ovi rkaꞌi ra veka rfonak ira naꞌa van ra, te vatu minan ovi rnaꞌa vuar learira ra. Tamata ovi rtaha fareta ra, tamata sansinir ovu wol tamata sansinir ira, ovu vali tamata ra munuk lahir veka rfonak vali ira naꞌa inyai.