Wahyu 18:8 - Surat Ralan na'a Vaidida

⁸ Ba afa avyai rotu mi naꞌa amar isa watan, na sian ovi dawan urun i lahir yai veka rma lahir. Sian avyai wean suhut aleman, lalau i dawan urun ia a, ovu vali lafar dawan. Yafu dawan veka narang kota yai, tevek Ubilaꞌa Ni ngrebat a dawan ma nukun ia.

Wahyu 18:8 Σταυροειδείς Αναφορές

1 Korintus 10:22

Ita deka totu ma Duilaꞌa nangrova ita! Duilaꞌa Ni ngrebat a nlia munuk afakataka.

Wahyu 11:17

Ira rfadawang Ia ma rfalak ne, “Ubilaꞌa, amfalak fara weninyai verin Oa, tevek mdoku roak fareta i Ni ngrebat a dawan urun a, ovu vali meluk raja ma fwareta roak. Ubilaꞌa, Mu ngrebat a nlia munuk. Fiang ini Oa mnaꞌa, ovu mnaꞌa roak naꞌut i lanit ivavan wol nanaꞌa obin.

Wahyu 17:16

Ungar vutu i msiꞌik roak yai ovu afwatan valvulin yai wol inar lahir vatlean yai. Ira veka rala munuk ni metan ra, beti rfaluhu ia, ma raꞌan vata yai ihin a ovu rasnuri ia naꞌa yafu.

Wahyu 17:18

Vata i msiꞌik roak ia yai, inyai kota dawan i nfareta raja ovi rnaꞌa lanit ivavan ini munuk.”

Wahyu 18:17

Naꞌuk jam isa watan, na metan rivun avyai veka rmamu lahir!’ Tamata i ntaha fareta naꞌa kabal, ovu ni tamata ovi rkarya naꞌa kabal, ntafal vali tamata ovi rafnavul kabal a, rdiri ma raroa ira.

Wahyu 18:19

Ba ira rala kfuan ma relik naꞌa ulurira ra ma al nfaturu ne, ralarira lalau urun, beti rvakar ma rafwak ilaꞌa matan ma rfalak ne, ‘Yaꞌi yo, sian urun i lahir kota dawan eri. Ni metan a notu ma tamata ovi rira kabal ra rkaꞌi. Naꞌuk naꞌa jam isa watan, na ni afa avyai wol rleal munuk lahir!’

Wahyu 19:3

Tamata rivun avyai rfalak ewal vali ne, “Traning Ubu, tevek yafu dawan i nlevur kota dawan yai uman a veka nafkoval ma wol ni wahan.”