Wahyu 16:7 - Surat Ralan na'a Vaidida

⁷ Urenar vali vai isa ntali wan i baꞌi rasnuri rira korban a nfalak ne, “O Ubilaꞌa, Oa Mu ngrebat a nlia munuk. Mu inukun ovi fwaleka ra kena ovu rmalola.”

Wahyu 16:7 Σταυροειδείς Αναφορές

Wahyu 1:8

Ubilaꞌa nfalak ne, “Yaꞌa ini Alfa ovu Omega; ihin a ne, Yaꞌa ula lalean Yaꞌa, ovu Yaꞌa vali veka ubana marmuri lalean. Fiang ini Yaꞌa unaꞌa, ovu unaꞌa roak naꞌut i lanit ivavan wol nanaꞌa obin, ovu veka unaꞌa lalawatan, nata ti wol ni wahan. Yaꞌa ini Ubu. Ning ngrebat a nlia munuk.”

Wahyu 13:10

Tamata iki watan wean i Ubu nfadoku roak ma rnaꞌa buꞌi, na veka raꞌabuꞌi ira. Tamata iki watan wean i Ubu nfadoku roak ma nmata ovu nahin blawat i namneran urun a, na ira veka rmata vali ovu nahin blawat yai. Ba wean inyai, na tamata ovi myorang Yesus musti mtyahang nal ralabira, tevek Ubu ralan nfalak, ba myorang aꞌuk Ia.

Wahyu 14:10

na ia veka nenu Ubu Ni anggur i nliꞌi roak naꞌa kobi i nfaturu Ni ngrova a. Ia wol nsileti anggur yai ovu wear, ba nangrebat urun! Ia veka notu ma rtuan susa dawan ilaꞌa naꞌa yafu, ovu vali vatu belerang rkena ira. Ubu nukun ira naꞌa Ni sansinir ovi rnaꞌa lanit ratan waharira ralan ra, ovu Domba Yanan yai wahan ralan a.

Wahyu 14:18

Ba Ubu Ni sansinir liak isa vali i nfareta yafu naꞌa wan i rasnuri aa voan lolin verin Ubu, ntali inyai nma. Ia vain dawan urun ma nfalak verin sansinir i ntaha nahin koꞌu mneran yai ne, “Mala mu nahin yai ma mlorat kikyai anggur vuan ovi rnaꞌa lanit ivavan a, tevek vuarira rwavar roak.”

Wahyu 19:2

Ubu Ni inukun ovi nfaleka ra kena munuk, ovu rmalola. Ia nukun kota i rfanara ia ne, Vatlean. Ia not-visal lanit ivavan a ovu ni salasilan ra, ma tamata ra rsifa tia ma watan ovu tamata ovi wol awarira verin ira. Ubu nukun roak kota Babel ma inovan ovu rira afa sian ovi rotu ra, tevek tamata ovi rnaꞌa kota yai rfedan roak Ubu Ni tamata sansinir ra.”

Wahyu 6:9

Nata Domba Yanan yai nkamsat segel nomor ilima yai. Ba usiꞌik wan i tamata ra baꞌi rasnuri rira korban verin Ubu. Naꞌa wan yai vavan a, na usiꞌik tamata ovi rmata roak rira roh ra rvaꞌat kakiwal ovu Ubu. Tamata ra rfedan tamata avyai, tevek ralarira urun ma rfamalik ovu rot-orang Ubu Ni vaivatul ra.