Wahyu 1:3 - Surat Ralan na'a Vaidida

³ Ubu nala vaivatul ovi rnaꞌa buku ini verin Ni nabi. Ubu naflahar tamata i nbas vaivatul avyai verin tamata ovi rorang Yesus rira sidovung ra, ovu tamata ovi rarenar ma rot-orang lahir, tevek afa ovi Ubu nfalak yai, rira amar a sarseri roak.

Wahyu 1:3 Σταυροειδείς Αναφορές

Matius 24:15

“Lan a, na nabi Daniel nfamalik ne, mia veka msyiꞌik afa isa i sian urun ndiri wan i nmerat urun naꞌa Ubu Ni Rahan Dawan Falurut ralan a, ma nfangra ia. Mia tamata ovi byas ini, eka msyiꞌik ma lolin, boma fyan-aran ni vaivatul ra.

Lukas 11:28

Naꞌuk Yesus nfalak verin ia ne, “Lolin lia munuk verin tamata ovi rarenar Ubu Ni vaivatul ra ovu rot-orang!”

Roma 13:11

Mia musti myotu wean inyai, tevek mkyaꞌa roak ne, naran roak ni amar a ma deka weadida tamata ovi rtuba watan, naꞌuk byatar ma myorang urun Yesus. Tevek amar i beti torang Yesus nti roak, ovu amar i Ubu veka nsikat ita tali dida salasilan ra, ma dida vavaꞌat kakiwal, sarseri roak.

Roma 13:12

Ita bisma tfalak ne, dida vavaꞌat fiang ini wean i ovan a mnanat roak, ovu lyawan sarseri roak. Ba tatalik lahir ma deka totu afa ovi sian ra, wean tamata ovi rira vavaꞌat ra rnaꞌa watan dedan ralan. Naꞌuk dida vavaꞌat rnaꞌa lyawan ralan, ba musti totu aꞌuk afa ovi lolin ra, wean i tataha minak ma al tangal afa ovi sian ra.

1 Petrus 4:7

Terang a valing averi, lanit ivavan sarseri mane namwear roak, ba misusan wabira ovu bira fikiran ra, ovu vali mtyahang nal ralabira naꞌa afaka watan, boma bisma miflurut lalawatan.

2 Petrus 3:8

Terang a valing averi, ulobang urun mia. Deka miblufang ne, naꞌa Ubu Ni fikiran a, na amar isa wean watan varat rivun isa, ovu varat rivun isa wean watan amar isa.

Wahyu 22:10

Ubu Ni sansinir yai nfalak ewal verin yaꞌa ne, “Deka fwonak vaivatul ovi Ubu nala verin Ni nabi a naꞌa kitab ini, tevek ni amar a sarseri roak ma afa avyai veka rvotuk lahir.

Wahyu 22:12

Yesus nfalak ne, “Eka mryenar! Wol mnanat, na Yaꞌa veka uma lanit ivavan ini. Yaꞌa veka aval tamata ra naꞌa rira rala lolin ra, te ukun ira ma inovan ovu afa ovi rotu ra.

Wahyu 22:20

Ia i nala munuk ivar mngaꞌun ovi, nfalak ne, “Kena. Wol mnanat, na Yaꞌa veka uma lahir!” Yaꞌa Yohanes ufalak vali ne, “Kena urun! Mwa ta Duilaꞌa Yesus!”

Wahyu 3:11

Wol mnanat, na Yaꞌa veka uma lanit ivavan ini! Myorang aꞌuk afa ovi mryenar roak tali Yaꞌa, boma tamata ra wol bisma rala afa ovi utorung roak verin mia ma aval mia naꞌa bira rala lolin ra.